Mount Robson

Mount Robson
Mount Robson – Süüdsiet ahn Nebel Mount Robson – Süüdsiet ahn Nebel
Barggrupp:	Rocky Mountains
Hööchd:	3.954 m över de See
Land:	Kanada
Laag:	Brietsch-Kolumbien
Kuntinent:	Amerika
Koordinaten:	53° 7′ N, 119° 9′ W

De Mount Robson is mit 3.954 m över de See de hööchste Barg in de Kanaadsch Rocky Mountains un nah den Mount Waddington de tweethööchste Barg in British Columbia. De Barg liggt in de Rainbow Range, en Bargkett vun de Rocky Mountains, de in’ Süüden vun de Böverloop vun de Fraser River begrenzt wurrd. Vermootlich wurr de Barg in dat 19. Johrhunnert nah Colin Robertsen, en Pelzhannelsmann vun de Hudson’s Bay Company nömmt. Anner nich offiziell Naams för dissen Barg sünd : Cloud Cap Mountain, Snow Cap Mountain oder de Shuswap-Naam Yuh-hai-has-kun, wat The Mountain of the Spiral Road bedüüt. De Eerstbestiegen vun den Barg geev dat 1913, in dat glieker Johr, as de den Barg ümgeven Mount Robson Provincial Park grünnd wurr.

Da gifft kien licht to begahn Routen, de up den Tipp führen doon, so dat man blots en Handfull Bargstieger jedes Johr dit Teel recken. Buterdem wurrd dat Bestiegen meest dör slecht Weerbedingungen stuur. De Süüdsiet vun den Barg is vun den Yellowhead Highway ut good to sehn.

Well as eerst up den Mount Robson Tipp weer, kunn bitlang nich afsluutend klärt wurrn. In Fraag kommt en Expeditschoon ut dat Johr 1909 vun George Kinney un Donald Phillips as ok en ut dat Johr 1913, an de William Wasbrough Foster, Konrad Kain un Albert MacCarthy deelnommen hebbt. Se hebbt den Tipp an’ 31. Juli 1913 reckt.

Weblenken

Mount Robson. Mehr Biller, Videos oder Audiodateien to’t Thema gifft dat bi Wikimedia Commons.