Albertsjøen

	Albertsjøen
	innsjø
Utløp	Den kvite Nilen
Nedslagsfelt	416 661 km²
Høgd over havet	615 moh.
Lengd	160 km
Breidd	30 km
Areal	5 527 km²
Volum	139 km³
	; Albertsjøen; 1°41′00″N 30°55′00″E / 1.6833333333333°N 30.916666666667°E
	Wikimedia Commons: Lake Albert (Uganda)

Albertsjøen eller Mwitanzige, også kjend som Albert Nyanza, er ein av dei store sjøane i Afrika. Sjøen ligg 615 moh. og har eit areal på 5 527 km². Han dannar grensa mellom Uganda og Den demokratiske republikken Kongo.

Sjøen er den sjuande største i Afrika og den nest største i Uganda.^[1]

Dei to største elvene som renn inn i sjøen er Den kvite Nilen og Semliki (Semuliki).

Skildring

Til skilnad frå dei svært djupe sjøene Malawi, Tanganyika og Kivu er vasstemperaturen i heile Albertsjøen relativt stabil, typisk rundt 27-29 °C, og inneheld oksygen til og med i djupare delar.^[2]

Ved sørenden av sjøen, der Semliki renn inn, er det myrområde. Rwenzorifjella ligg sør for sjøen og Monts Bleus (Blue Mountains) i Kongo i nordvest. Det finst få busetnadar ved sjøen, to av dei er Butiaba og Pakwach.

Albertsjøen huser mange vasslevande og delvis vasslevande dyr som flodhest, ugandisk kob-antilope, nilkrokodille, nilvaran, afrikansk lêrskjelpadde, Pelomedusidae-skjelpaddenen Pelusios chapini og Pelusios williamsi og ulike slangar og froskar.^[2] Det finst fleire vassfuglar her som pelikanar, hegrar og den sjeldne treskonebben.^[3] Det finst 55 fiskeslag i sjøen.^[4]

Historie

Albertsjøen var kjend som Mwitanzige ('grashoppedreparen') av nyoro- og torofolk og av andre opphavlege innbyggjarar. Dette kom av ei gammal tru på at grashopper (lokalt kjende som enzige) omkom i sjøen når dei prøvde å kryssa han. I 1864 kom dei europeiske oppdagarane Samuel Baker og Flóra von Sass til sjøen,^[5] og dei kalla han opp etter den nyleg avdøde prins Albert, mannen til dronning Victoria. På 1900-talet kalla presidenten av Zaire (Kongo), Mobutu Sese Seko, sjøen opp etter seg sjølv for ei tid.

Galleri

Sir Samuel Baker utforskar sjøen
Elver og sjøar i Uganda
Ferje på sjøen
Utsyn over Albertsjøen
Sjiraff ved sjøen

Kjelder

↑ https://www.ugandaletsgotravel.com/uganda-safaris/nature-and-conservation/lakes-rivers-waterfalls/lake-albert/^{[daud lenkje]}
↑ ^2,0 ^2,1 Green, J. (2009). «Nilotic Lakes of the Western Rift». I H.J. Dumont. The Nile. Monographiae Biologicae 89. Springer Science + Business Media B.V. s. 263–286. ISBN 978-1-4020-9725-6.
↑ «Ramsar Sites». ugandawildlife.org. Arkivert frå originalen 31. juli 2019. Henta 21. september 2019.
↑ Wandera, S.B.; J.S. Balirwa (2010). «Fish species diversity and relative abundance in Lake Albert—Uganda». Aquatic Ecosystem Health & Management 13 (3): 284–293. doi:10.1080/14634988.2010.507120.
↑ Dorothy Middleton (2004). «Baker [née von Sass], Florence Barbara Maria, Lady Baker (1841–1916)». Oxford Dictionary of National Biography. Oxford University Press. Henta 11. september 2015.

Denne artikkelen bygger på «Albertsjøen» frå Wikipedia på bokmål, den 12. august 2021.
Denne artikkelen bygger på «Lake Albert (Africa)» frå Wikipedia på engelsk, den 12. august 2021.

[1] ttps://www.ugandaletsgotravel.com/uganda-safaris/nature-and-conservation/lakes-rivers-waterfalls/lake-albert/^{[daud lenkje]}

[Green2009-2] 2,0 ^2,1 Green, J. (2009). «Nilotic Lakes of the Western Rift». I H.J. Dumont. The Nile. Monographiae Biologicae 89. Springer Science + Business Media B.V. s. 263–286. ISBN 978-1-4020-9725-6.

[3] «Ramsar Sites». ugandawildlife.org. Arkivert frå originalen 31. juli 2019. Henta 21. september 2019.

[Wandera2011-4] Wandera, S.B.; J.S. Balirwa (2010). «Fish species diversity and relative abundance in Lake Albert—Uganda». Aquatic Ecosystem Health & Management 13 (3): 284–293. doi:10.1080/14634988.2010.507120.

[5] Dorothy Middleton (2004). «Baker [née von Sass], Florence Barbara Maria, Lady Baker (1841–1916)». Oxford Dictionary of National Biography. Oxford University Press. Henta 11. september 2015.

[1]

[2]

[3]

[4]

[5]