Alger

Denne artikkelen handlar om hovudstaden i Algerie. For organismane, sjå algar.

الجزائر
Kysten av Alger Kysten av Alger
Kallenamn «Al-Bahjah (البهجة), Alger la Blanche, 'den kvite Alger'»
Styresmakter
Land Wilaya	Algerie Provinsen Alger
Grunnlagd	944 evt.
Geografi
Flatevidd	363 km²
Flatevidd  - By	272,97 km²
Innbyggjarar  - By (2005)  - Byområde  - Storbyområde	1 519 570 2 029 936 3 518 083
Koordinatar	36°42′N 3°13′E
Høgd over havet	10 m
Tidssone	CET (UTC+1)
Diverse anna
Postnummer	16000-16132
Plassering
Plassering av Alger

Alger er hovudstad og den største byen i Algerie i Nord-Afrika. I følgje ei folketeljing i 1998 var budde det 1 519 570 innbyggjarar i sjølve byen, 2 135 630 i byområdet, og 3 518 083 i omlandet til byen, og for heile Provinsen Alger 5 723 749 (2006). Byen vert kalla «den kvite» på grunn av dei skinande kvite bygningane.

Byen ligg ved kysten heilt vest i Middelhavet. Namnet kjem frå det arabiske ordet al-jazā’ir, som tyder «øyane», og refererer til dei fire øyane som låg like utanfor kysten før dei vart ein del av fastlandet i 1525. Al-jazā’ir er i seg sjølv ei kortare utgåve av det gamle namnet på byen, jazā’ir banī mazghannā, «øyane til (stamma) Bani Mazghanna», som vart brukt av geografar som al-Idrisi og Yaqut al-Hamawi tidleg i mellomalderen. Det urbane området Stor-Alger er det største i Maghreb etter Stor-Casablanca. Den moderne delen av byen er bygd på flat grunn ved stranda, medan den gamle delen av byen er bygd i dei bratte klippene bak den moderne byen med festninga som krona på verket, 120 meter over havet. Festninga og dei to kaiane dannar ein trekant.