Finn Blakstad

Finn Blakstad
Statsborgarskap	Noreg
Fødd	15. januar 1865 Blakstad
Død	24. januar 1941 (76 år)
Yrke	bonde, politikar
Språk	norsk
Politisk parti	Samlingspartiet, Høgre

Finn Blakstad (15. januar 1865–24. januar 1941) var ein norsk gardbrukar og politikar frå Asker. Han representerte partiet Høgre på Stortinget frå 1906 til -15 og 1931-33. Wilhelm Blakstad var bror hans.

Blakstad var frå storgarden Blakstad i Asker. Han tok eksamen frå landbrukshøgskulen på Ås i 1884 og var i seks år gardsfullmektig. I 1890 kjøpte han garden Bråstad i Øyestad i Aust-Agder og var gardbrukar der til 1911, då han kjøpte garden Borgen i Sørum i Akershus.

Blakstad var medlem 1895-1907 av heradsstyret i Øyestad, ordførar dei siste seks åra. Frå 1906 representerte han einmannskrinsen Nedenes på Stortinget. Han var 1906-09 medlem av Protokollkomiteen, og 1910-12 formann i Jarnbanekomiteen og medlem i Valkomiteen. Perioden 1913-15 heldt han fram som stortingsmann, men då frå einmannskrinsen Nedre Romerike og som medlem i Vegkomiteen. Etter mange år ute av Stortinget, var han stortingsrepresentant frå Akershus fylke valbolken 1931-33, medlem i Skog- og vassdragskomiteen.

Blakstad var med i fleire statlege nemnder, så som Lønnskommisjonen av 1919 og Skattelovkommisjonen av 1929.

Kjelder

• Stortingsbiografi Arkivert 2016-08-16 ved Wayback Machine.