Pink av Aerosmith
| Pink Singel av Aerosmith frå albumet Nine Lives | ||
| Utgjeve | 18. november 1997 | |
| Innspelt | 1996 | |
| Sjanger | Bluesrock | |
| Lengd | 3:55 | |
| Selskap | Columbia | |
| Låtskrivar(ar) | ||
|---|---|---|
| Produsent | Kevin Shirley | |
| Aerosmith-kronologi | ||
| «Hole in My Soul» (1997) |
Pink | «Full Circle» (1997)
|
«Pink» er ein song av det amerikanske rockebandet Aerosmith. Han vart skriven av Steven Tyler og dei profesjonelle låtskrivarane Richie Supa og Glen Ballard, og gitt ut som den tredje store singelen frå Nine Lives i 1997.
Komposisjon
[endre | endre wikiteksten]Songen blir framheva av eit munnspel av Steven Tyler i byrjinga, og dessutan ein sterk bassrytme gjennom heile songen, og ei blanding av akustiske gitarar og klirrande elektriske gitarar gjennom versa.
Mange av linjene i versa startar med ordet «pink» (t.d. «Pink it's my new obsession», «Pink it's not even a question», «Pink on the lips of your lover»). Songen er òg svært suggestiv, i og med at opphavet til fascinasjonen for rosa stammar frå beundringa av det reproduktive organet til kvinna, spesielt innsida av dei ytre leppene - «pink in the middle» - og òg penisen til mannen - «I wanna wrap you in rubber» og «my favorite crayon».
Musikkvideo
[endre | endre wikiteksten]Musikkvideoen til songen brukte CGI for å forvandla ansikta til karakterane til andre kroppar. Ei rekkje tilfeldige karakterar vart blanda med bandmedlemmer som flytta seg mot kameraet og forvandla seg til ulike karakterar i prosessen (t.d. Joe Perry som ein kentaur, Brad Whitford som ein liten gut, Steven Tyler som eit skjelett og ein gut kledd som påskeharen). Videoen hadde premiere 11. november 1997, og vart regissert av Doug Nichol.[1]
Det finst to versjonar av musikkvideoen. I den usensurerte versjonen er det ei kvinne kledd i ein blå jumpsuit som går mot kameraet. I eit kort sekund blir den øvste, opne delen av jumpsuiten trekt bort og avslører det høgre brystet hennar. Det er eit anna tilfelle der eit kvinnebryst kort blir fullstendig synleg når ei kvinne, malt i blått og grønt, gjer ein piruett.
Den usensurerte versjonen skapte mindre kontroversar, og fleire fjernsynsnettverk kravde at Nichol sensurerte videoen for visning på dagtid. Som eit resultat vart piruett-scena sensurert i den redigerte versjonen. Den reine versjonen viser òg Tyler og Perry presentert som ein tohovuda mann, og berre den tildekte delen av brystavsløringsscena er til stades.
Konsertversjonar
[endre | endre wikiteksten]Per 2007 er «Pink» ein av berre to songar frå Nine Lives som konsekvent blir spelt på Aerosmith-turnear, saman med «Falling in Love (Is Hard on the Knees)».
Innhald
[endre | endre wikiteksten]| Nr. | Tittel | Lengd |
|---|---|---|
| 1. | «Pink» (albumversjon) | 3:55 |
| 2. | «Pink» (The South Beach Mix) | 3:54 |
| 3. | «Pink» (Live) |
Andre versjonar
[endre | endre wikiteksten]Ein annan versjon av songen, The South Beach Mix, vart inkludert på den karriereomspennande samleplata O, Yeah! Ultimate Aerosmith Hits.
Den japanske utgåva av singelen «Pink» frå «Nine Lives» inneheld seks spor: tre miksar av «Pink» (albumversjonen, The South Beach Mix & Live from the Howard Stern Radio Show), pluss live-versjonar av «Falling In Love (Is Hard On The Knees)» og «Walk This Way» spelt inn i mars 1997. I tillegg er det ein techno-remix av «Falling in Love (Is Hard On The Knees)» med tittelen Moby Fucked Remix.
Songen er spelebar i videospelet Guitar Hero: Aerosmith, og det einaste sporet frå Nine Lives som finst i spelet. I Wii- og PlayStation 2-versjonane av dette spelet er ordet «high» (i «Pink gets me high as a kite») fjerna.
Janelle Monáe-songen «Pynk» frå 2018 interpolerer Aersomith sin «Pink», med Steven Tyler og Glen Ballard kreditert som medforfattarar.
Prisar
[endre | endre wikiteksten]Songen vann bandet sin fjerde og siste Grammy-pris i 1999 for beste rockesong av ein duo eller gruppe med vokal[2].
I tillegg vann videoen ein MTV Video Music Award for beste rockevideo i 1998.[3]
Salslister
[endre | endre wikiteksten]| Liste (1997) | Plassering |
|---|---|
| Tyskland (Media Control AG)[4] | 81 |
| Nederland (Mega Single Top 100)[5] | 58 |
| UK Singles (Official Charts Company)[6] | 38 |
| US Billboard Hot 100[7] | 27 |
| US Mainstream Rock (Billboard)[8] | 1 |
Salstrofé
[endre | endre wikiteksten]| Region | Salstrofé | Salstal |
|---|---|---|
| USA (RIAA)[9] | Gull | 500 000^ |
|
xuspesifserte tal er baserte på sertifiseringa aleine | ||
Kjelder
[endre | endre wikiteksten]- Denne artikkelen bygger på «Pink (song)» frå Wikipedia på engelsk, den 16. mai 2023.
- ↑ «Aerosmith - Pink (1997)». IMVDb (på engelsk). 11. november 1997. Henta 16. mai 2023.
- ↑ «Vinnere: beste rockesong av ein duo eller gruppe med vokal». Grammy.com. Henta 15. mai 2023.
- ↑ «Madonna, Prodigy, Will Smith, Aerosmith Win Big At Video Music Awards» MTV news, 10. september 1998.
- ↑ "Die ganze Musik im Internet: Charts, News, Neuerscheinungen, Tickets, Genres, Genresuche, Genrelexikon, Künstler-Suche, Musik-Suche, Track-Suche, Ticket-Suche – musicline.de" (på tysk). Media Control Charts. PhonoNet GmbH.
- ↑ "Dutchcharts.nl – Aerosmith – Pink" (på nederlandsk). Mega Single Top 100. Hung Medien / hitparade.ch.
- ↑ "Chart Stats – Aerosmith – Pink" UK Singles Chart. Chart Stats.
- ↑ "Aerosmith Album & Song Chart History" Billboard Hot 100 for Aerosmith. Prometheus Global Media.
- ↑ "Aerosmith Chart History (Mainstream Rock)". Billboard. Retrieved 16. mai 2023.
- ↑ «American single salstrofé – Aerosmith – Pink». Recording Industry Association of America. If necessary, click Advanced, then click Format, then select Single, then click SEARCH
