Radøy
| Radøy | |
|---|---|
 Alversund bru, mellom Radøy og Lindåshalvøya | |
| Geografi | |
| |
| Stad | Nordhordland |
| Koordinatar | 60°41′26″N 04°59′50″E / 60.69056°N 4.99722°E
|
| Høgaste punkt | Morkefjellet (217 moh.)
|
| Administrasjon | |
| Land | Noreg |
| Fylke | Vestland |
| Største busetnad | Manger (1148 innb.)
|
| Demografi | |
| Folketal | 6058 (2023)
|
Radøy er ei øy i Nordhordland i Alver kommune. Radøy er omgitt av fastlandet og andre øyar på alle kantar. Ho er skilt frå fastlandet på Lindåshalvøya i aust av eit langt og til dels svært smalt sund. I nord skil Hoplandsosen Radøy frå Fosnøy i Austrheim. I vest skil Mangerfjorden og Radfjorden øya frå Holsnøy i Meland. Fylkesveg 565 går over øya frå nord til sør med brusamband til Lindåshalvøya i sør og til Fosnøy i nord. Manger er den største tettstaden på øya. Andre tettstader med over 200 innbyggjarar er Haugland og Austmarka.
Fram til 1964 var øya delt mellom kommunane Hordabø, Manger og Sæbø, med to mindre delar i Lindås kommune og éin liten del i Austrheim kommune. I 1964 vart det meste av øya samla i Radøy kommune, men sørspissen var framleis del av Lindås. Frå 2020 er heile øya del av Alver kommune.
Folketalsutvikling:
| 1900[1] | 2000[2] | 2023[2] |
|---|---|---|
| 4802 | 51421 | 60581 |
1Med Fesøyna
Kjelder
[endre | endre wikiteksten]- ↑ Folketeljing 1900, frå Digitalarkivet
- ↑ 2,0 2,1 Befolkning, etter grunnkrets, statistikkvariabel og år, frå Statistisk sentralbyrå