The Mamas
| The Mamas | |||
 | |||
| Aktiv | 2019– | ||
|---|---|---|---|
| Sjanger | gospel | ||
| Plateselskap | Universal Music Group | ||
The Mamas er ei svensk-amerikansk soul- og gospelgruppe, beståande av Ashley Haynes, Loulou Lamotte og Dinah Yonas Manna. The Mamas vann Melodifestivalen 2020 og skulle ha representert Sverige i Eurovision Song Contest 2020 med songen «Move». Men 18. mars 2020 avlyste EBU Eurovision Song Contest på grunn av koronaviruspandemien i Europa vinteren 2020.[1]
Bakgrunn
[endre | endre wikiteksten]Gruppa vart skipa i 2019 og består av tre medlemmar: Ashley Haynes (fødd 19. januar 1987 i Washington D.C.)[2], Loulou Lamotte (fødd 16. april 1981 i Malmö)[3] og Dinah Yonas Manna (fødd 5. september 1981 i Stockholm)[2]. Ein fjerde medlem, Paris Renita, forlét gruppa i 2019.[4]
Gruppa sørgde for støttevokal for John Lundvik sin song «Too Late for Love», som vann Melodifestivalen 2019.[5] Lundvik og The Mamas representerte deretter Sverige i Eurovision Song Contest 2019 i Tel Aviv i Israel.[6] Bidraget enda til slutt på femteplass i finalen 18. mai 2019.[7]
I slutten av 2019 vart det offentleggjort at The Mamas – utan Paris Renita – skulle deltake på ny i Melodifestivalen, denne gongen med sitt eige bidrag, «Move».[8] Dei deltok i den fyrste semifinalen laurdag 1. februar i Linköping og kvalifiserte seg til finalen 7. mars 2020 i Friends Arena i Stockholm.[9]
The Mamas vann ein knapp siger i Melodifestivalen 2020 med 137 poeng – berre eitt poeng føre Dottar og songen «Bulletproof».[10] Med sigeren skulle The Mamas ha representert Sverige i Eurovision Song Contest 2020 i Rotterdam i Nederland, i den fyrste semfinalen tysdag 10. mai 2020.[9] På grunn av koronavirusutbrotet i Europa vinteren 2020 såg EBU seg nøydd til å avlyse Eurovision Song Contest for å hindre spreiing av koronaviruset SARS-CoV-2 og den medfølgjande sjukdomen covid-19.[11]
I 2021 deltok The Mamas i Melodifestivalen med songen «In the Middle». Dei deltok i den fjerde semifinalen laurdag 27. februar og kvalifiserte seg til finalen 13. februar 2021. Bidraget enda til slutt på ein tredjeplass i finalen.
Diskografi
[endre | endre wikiteksten]Singlar
[endre | endre wikiteksten]| Tittel | År | Høgaste
plassering |
Album |
|---|---|---|---|
| SVE [12] | |||
| «Move» | 2020 | 1 | Ikkje frå album |
| «Let It Be»[13] | – |
Kjelder
[endre | endre wikiteksten]- ↑ Granger, Anthony (20. mars 2020). «Belgium: Hooverphonic Will Compete At Eurovision 2021» (på engelsk). Henta 20. mars 2020.
- ↑ 2,0 2,1 «The Mamas: Vi flyger fortfarande». Sydsvenskan. Henta 2. februar 2020.
- ↑ «LouLou Lamotte». Discogs (på engelsk). Henta 1. februar 2020.
- ↑ «The Mamas». Universal Music Sweden (på svensk). Henta 1. februar 2020.
- ↑ Eriksson, Anna Karolina (16. mai 2019). «Här är kvinnorna bakom John Lundvik». Göteborgs Posten (på svensk).
- ↑ Swedens John Lundvik storms into Eurovision final The Local Retrieved 2. februar 2020
- ↑ «Miss i Eurovision – Sverige kom femma». 22. mai 2019. Henta 7. mars 2020 – via Sveriges Radio.
- ↑ «Här är artisterna som tävlar i Melodifestivalen 2020». SVT Nyheter (på svensk). 26. november 2019.
- ↑ 9,0 9,1 Robin Bengtsson and The Mamas to Melodifestivalen final eurovision.tv Retrieved 2. februar 2020
- ↑ «Sweden: The Mamas win Melodifestivalen 2020 with "Move"». wiwibloggs. 7. mars 2020. Henta 7. mars 2020.
- ↑ Svendsen, Maiken (18. mars 2020). «Eurovision Song Contest avlyst» (på norsk bokmål). Henta 20. mars 2020.
- ↑ «Veckolista Singlar, vecka 11». Sverigetopplistan. Henta 20. mars 2020.
- ↑ eurovisiontj (16. mai 2020). «🇸🇪 The Mamas release their new single 'Let It Be'» (på engelsk). Henta 6. juni 2020.
- Denne artikkelen bygger på «The Mamas» frå Wikipedia på bokmål, den 31. mars 2021.