ߞߊ߬ߙߊ߲߬ߕߏ߲ ߞߋߕߊ߬
[߁]ߞߊ߬ߙߊ߲߬ߕߏ߲ ߞߋߕߊ߬ ߕߘߍ߬ ߦߋ߫ ߊߡߊ߯ߣߊ߫ ߡߊ߲߬ߛߊ߬ ߟߊ߬ߓߊ߲ ߦߋ߬ ߘߌ߫߸ ߡߍ߲ ߣߌ߫ ߜߋ߲߬ߞߊ߲߬ ߗߡߐ ߞߟߍ߬ ߘߊ߫ ߓߊ߬ߟߊ߲߬. ߕߎ߬ߙߋ ߞߍߣߍ߲ ߊ߬ ߟߊ߫ ߞߐ߲ߛߐ߲ߧߊߟߌ ߞߟߍ ߣߐ߬ߝߍ߬ߜߍ߲߬ ߠߴߏ߬ ߛߊ߲߬ ߠߊ߬ߞߊ ߟߊ߫، ߊ߬ ߣߴߏ߬ ߝߣߊ߫ ߘߍ߬ ߘߊ߫ ߞߊ߬ ߞߊ߬ ߣߏߙߊߛߏߓߊ߫ ߞߍ߬ߟߍ߫. ߊ߬ߟߋ߬ ߟߊ߫ ߞߍ߬ߟߍ߫ ߝߌ߬ߟߊ ߏ߬ ߟߎ߫ ߟߋ߬ ߡߊߟߐ߲ߣߍ߲߫ ߦߴߊ߬ ߟߊ߫ ߘߐ߬ߝߐ ߘߐ߫ ߒ߬ ߓߟߏ߫ ߡߎߣߎ߲߬.
ߞߊ߲߬ߛߓߍߟߌ
ߞߊ߬ߙߊ߲߬ߕߏ߲߬ ߞߋߕߊ߬ ߛߐ߬ߘߐ߲߬ ߘߊ߫ ߡߊ߲߬ߘߋ߲߫ ߞߊ߬ߝߏ߬ߓߏߟߏ߲ ߘߏ߫ ߟߋ߬ ߘߐ߫ ߞߏ߫ ߊߡߊ߯ߣߊ߫، ߡߍ߲ ߞߎߓߋߘߊ ߕߘߍ߬ ߦߋ߫ ߞߙߎ߬ߛߊ߫ ߘߌ߫. ߊ߬ߟߋ߫ ߟߊ߫ ߘߐ߬ߝߐ ߞߎ߲߬ߝߟߐ ߟߐ߲ߣߍ߲߫ ߕߍ߫ ߒ߬ ߓߟߏ߫ ߡߎߣߎ߲߬. ߊ߬ ߡߏߦߌߣߍ߲߫ ߦߋ߫ ߝߊ߯ߘߐߞߍ߫ ߁߉߲ ߞߎ߲߬ߝߟߐ ߟߋ߬ ߘߐ߫߸ ߞߊ߬ ߛߵߊ߬ߟߋ߬ ߝߊ߯ߘߐߞߍ߫ ߞߋߟߋ߲ ߏ߬ ߞߎ߲߬ߕߊ߮ ߞߘߐ߫. ߊ߬ߟߋ߫ ߛߌ߰ߣߍ߲߫ ߦߋ߫ ߡߐ߱ ߡߍ߲ ߣߐ߭ ߘߐ߫، ߏ߬ ߟߐߣߍ߲߫ ߕߍ߫ ߒ߬ ߓߟߏ߫ ߡߎߣߎ߲߬߸ ߞߎߡߊ߫ ߕߴߊ߬ ߣߘߐ߬ߓߌߟߊ߫ ߡߊ߬[߁].
ߛߊ߬ߡߘߎ߬ߜߍ߫ ߕߎ߬ߙߋ߫ ߥߟߌ߬ߣߍ߲ ߊ߬ ߟߊ߫ ߞߐ߲ߛߐ߲ߧߊߟߌ߫ ߞߟߍ ߟߊ߫ ߡߊ߲߬ߘߋ߲߫ ߞߐ߬ߘߎ߰ߝߊ߲ ߠߎ߬ ߘߐ߫، ߊ߬ ߞߊ߬ ߞߟߍ߬ߓߏߟߏ߲ ߘߏ߫ ߘߏ߲߬ ߊ߬ ߘߐ߯ߞߍ߫ ߜߋ߲߬ߞߊ߲߬-ߗߡߐ ߓߟߏ߫ ߞߎ߬ߙߊ߲߬ߞߐ߫ ߣߌ߫ ߛߊ߲ߞߊߙߊ߲߫ ߠߎ߫ ߞߟߍ߬ ߞߊ߲ߡߊ߬. ߏ߬ ߟߎ߫ ߟߋ߬ ߞߊ߬ ߞߍ߬ߟߍ ߏ߬ ߞߍ߫ ߟߊ߬ߥߛߊ ߘߝߊߣߍ߲ ߘߐ߫ ߝߎߚߎ߫ ߝߴߊ߬ ߛߋߣߍ߲ ߓߊ߬ߟߊ߲߬ ߥߟߎ߬ߓߊ߫، ߒ߬ߓߊ߬ ߞߊ߬ߙߊ߲߬ߕߏ߲߫ ߞߵߏ߬ ߟߋ ߡߍ߲߫ ߞߵߊ߬ߟߎ߫ ߞߎ߲߬ߓߍ߲߬ ߦߋ߲߬. ߒ߬ߓߊ߬ ߞߍ߬ߟߍ ߡߍ߲ ߞߍ߫ ߘߊ߫ ߦߋ߲߬߸ ߏ߬ ߟߋ ߦߋ߫ ߓߊ߬ߟߊ߲߬ ߥߟߎ߬ߓߊ߫ ߞߟߊߓߍ߲ ߘߌ߫. ߞߊ߬ߙߊ߲߬ߕߏ߲߫ ߠߊ߫ ߛߏ߬ߝߊ ߟߎ߬ ߞߊ߬ ߕߊ ߓߍ߯ ߟߊ߫ ߗߐ߬ߡߐ ߟߊ߫ ߞߟߍ߬ߘߋ߲ ߠߎ߬ ߞߊ߲߬߸ ߞߊ߬ ߛߏ߬ߝߊ ߘߏ߫ ߟߎ߫ ߞߍ߫ ߓߟߏߡߐ߮ ߘߌ߫߸ ߞߊ߬ ߛߏ߬ ߉߀ ߟߎ߫ ߞߍ߫ ߞߐ߲ߛߐ߲ ߠߎ߬ ߘߌ߫[߁].
ߘߎ߯ߙߊ߬ ߖߐ߯ߡߌ߲ ߣߌ߫ ߞߏߟߏ߲ߞߊߟߊ߲߫ ߘߟߊߛߌ߱
ߓߊ߬ߟߊ߲߬ ߥߟߎ߬ߓߊ߫ ߞߟߊߓߍ߲ ߜߏߦߊ ߡߍ߲ ߞߍ߫ ߘߊ߫ ߜߋ߲߬ߞߊ߲߬ ߗߡߐ ߟߴߏ߬ ߘߌ߫، ߊ߬ߟߎ߫ ߞߊ߬ ߞߟߊ ߞߘߐߞߊ߬ ߞߊ߬ ߥߴߏ߬ ߖߊ߲߬ߖߏ߲ ߠߊߞߊ߬ߟߌ߫ ߝߊ߰ߡߊ ߢߍ߫. ߏ߬ ߞߊ߬ ߛߊ߬ߡߊ ߞߍ߫ ߛߍ߬ߣߍ ߣߌ߫ ߓߟߏߘߐߓߍ߲ ߠߎ߬ ߟߊ߫. ߕߟߋ߬ߡߊ ߓߐ ߡߍ߲ ߞߍ߫ ߘߊ߫، ߊ߬ ߥߟߌ߬ ߘߴߊ߬ ߟߊ߫ ߞߐ߲ߛߐ߲ߧߊߟߌ߫ ߞߟߍ ߟߊ߫߸ ߡߍ߲ ߞߊ߬ ߓߊߕߍ߫ ߟߊߡߌ߲ߣߌ߲ ߠߎ߬ ߞߍ߬ߟߍ߫. ߞߵߊ߬ ߘߊߡߌ߬ߣߊ߬ ߓߊ߫ ߛߊ߲ߘߐ߫ ߡߊ߬ (ߡߌߟߏ ߝߍ߬)߸ ߞߊ߬ ߕߊ߬ߡߌ߲߬ ߞߙߎ߬ ߟߊ߬ߡߌߣߌ߲߫ ߣߌ߫ ߜߙߋߘߎ߯ ߓߊ߬ߟߌ߬ߦߊ߫ ߟߎ߫ ߞߟߍ߬ ߟߊ߫ ߞߊ߬ ߥߊ߫ ߞߍ߬ߟߍ ߟߊߢߐ߲߯ߢߐ߲߫ ߘߎߙߊ߬[߁].
ߊ߬ ߞߵߊ߬ ߕߏ߫ ߦߋ߲߬ ߠߋ߬ ߛߊ߫ ߞߊ߬ ߗߋ ߓߌ߬ߟߊ߬ ߞߊ߬ߙߊ߲߬ߕߏ߲߫ ߞߋߕߊ߬ ߡߊ߬ ߞߏ߫ ߣߴߊ߬ ߡߊ߫ ߞߍ߫ ߞߍ߬ߟߍ߫ ߝߍ߬، ߞߴߊ߬ ߦߋ߫ ߣߵߊ߬ ߕߘߍ߬ ߖߐߡߌ߲ ߠߊ߫ ߦߋ߲߬. ߊ߬ ߝߣߊ߫ ߥߟߌ߬ ߘߊ߫ ߞߊ߬ ߥߴߊ߬ ߕߘߍ߬ ߦߋ߲߬. ߕߎ߬ߙߋ ߞߊ߬ ߞߋߕߊ߬ ߡߊߢߌ߬ߣߌ߲߬ߞߊ߫ ߞߏ߫ ߖߐ߲߫ ߠߋ߬ ߞߋߟߋ߲߫ ߞߊ߬ ߜߋ߲߬ߞߊ߲߬ ߗߡߐ ߞߟߍ߬ ߛߊߙߏ߲߬؟ ߞߊ߬ߙߊ߲߬ߕߏ߲ ߞߊ߲߫ ߞߴߊ߬ߟߋ ߟߋ߬ ߣߐ߬ ߦߋ߫. ߏ߬ ߞߴߊ߬ ߣߴߊ߬ ߟߊ߫ ߞߏߟߊߕߍ߮ ߟߎ߬ ߞߊ߬ ߞߊ߬ ߛߊ߭ߡߏ߬ߙߌ߫ ߛߟߏ߬ߣߊ߬ ߡߍ߲ ߞߍ߫، ߊ߬ ߞߵߊ߬ ߦߌ߬ߘߊ߫ ߞߴߊ߬ ߕߍ߫ ߛߐ߲߬ ߏ߬ ߡߊ߬߸ ߝߏ߫ ߣߴߌ ߞߊ߬ ߟߊ߬ߤߘߌ ߕߊ߬ ߒ ߧߍ߫ ߞߴߌ ߞߊ߬ ߝߊߘߌ߲ߧߊ߫ ߛߎ߮ ߡߍ߲ ߞߍ߫ ߛߊߙߏ߲߬߸ ߞߴߌ ߘߴߏ߬ ߢߐ߲߰ ߞߍ߫ ߒ ߧߍ߫ ߣߏߙߊߛߏߓߊ߫ ߞߟߊߓߍ߲ ߝߣߊ߫ ߘߐ߫. ߏ߬ ߞߍ߸ ߊ߬ߟߎ߫ ߘߍ߬ ߘߊ߫ ߞߊ߬ ߣߏߙߊߛߏߓߊ߫ ߘߟߊߛߌ߰߸ ߞߊ߬ ߟߊ߬ߥߛߊ߫ ߛߐ߬ߘߐ߲߫. ߞߊ߬ߙߊ߲߬ߕߏ߲߫ ߞߎ߲߬ߠߊ߬ߝߏ߬ߣߌ߲߫ ߜߘߍ߫ ߟߐ߲ߣߍ߲߫ ߕߍ߫ ߒ߬ ߓߟߏ߫ ߡߎߣߎ߲߬[߁].
ߦߟߌߣߐ ߣߌ߫ ߦߟߌߡߊߛߙߋ ߟߎ߬