Aligòt
 |
| Aqueste article fa partida de la seria Cosina |
| Comprendre... |
|
Istòria - Ustensilhas |
| Faire... |
|
Espècia - Ingredients |
| Conéisser... |
|
Occitana - Chinesa |
| Vejatz tanben... |
| Portal:Gastronomia |
L'aligòt o cuècha localament, es un plat originari del plan d'Aubrac. Lo mot d'aligòt es derivat de « aliqu'ot », el meteis derivat del latin "ali quod" que significa « quicòm ». Aqueste plat èra a l'origina preparat amb de tròces de pan e de toma fresca. Los monges d'Aubrac lo servissián als pelegrins que traversavan lo massís, sus la Via Podiensis per anar a Sant Jacme de Compostèla.
Aqueste plat es ara preparat amb de trufas. S'agís d'una purèa de trufa que li son mescladas de crèma e de toma fresca que cal trabalhar e tornar trabalhar per obténer la textura perfecha. Los amators i ajustan tanben un pauc d'alh. Tradicionalament, l'aligòt èra produch (e tastat) dins los ostals de vaquièrs, los masucs. Se pòt ajustar que los vaquièrs nomenavan aqueste plat cuècha que non pas aligòt.
