Batalha de Legnica
|
Batalha de Legnica
| |
|---|---|
 | |
| Informacions generalas | |
| Data | 9 d'abriu de 1241. |
| Luòc | Legnica Pole. |
| Eissida | Victòria mongòla. |
| Belligerants | |
| Polonha[1]. |
Empèri Mongòl. |
| Comandants | |
| Enric II lo Piós. | Orda. |
| Fòrças en preséncia | |
| Aperaquí 28 000 òmes. | Aperaquí 20 000 òmes. |
| Pèrdas | |
| Fòrças importantas. | Feblas. |
La batalha de Legnica (tanben dicha batalha de Liegnitz ò batalha de Wahlstatt) se debanèt lo 9 d'abriu de 1241 dins la region de la vila de Legnica en Silèsia Bassa. Opausèt lei fòrças mongòlas dirigidas per Orda ai tropas polonesas dau duc Enric II lo Piós, sostengudas per de renfòrç mandats per divèrsei poissanças europèas catolicas. S'acabèt per una victòria mongòla e per l'anientament de la màger part de l'armada d'Enric II que foguèt tuat dins lo corrent de la batalha. Pasmens, en causa de la mòrt dau khan Ogedei, lei venceires poguèron pas aprofichar aqueu succès per conquistar lo país e deguèron se retirar per participar a l'assemblada tradicionala dau pòble mongòl cargada de la succession.
L'invasion mongòla de Polonha èra destinat a protegir l'invasion d'Ongria que representava l'objectiu principau de l'armada mongòla. D'efèct, permetiá d'empachar lei Polonés de venir renfòrçar leis Ongrés que foguèron esquichats a Mohi lo 11 d'abriu. Lo debanament de la batalha es mau conegut. Pasmens, l'armada polonesa sembla èsser totalament anientada amb un nombre feble de subrevivents.