Dimars gras

Dimars gras es un periòde festiu, que marca la fin de la « setmana dels set jorns gras ». Lo Dimars gras es seguit pel dimècres de las Cendres e la Quaresma, pendent la quala los crestians fan « magre » en s'abstenent de manjar de carn.

Se situís donc just abans lo periòde de june, es a dire abans la « quaresmentrant ». Los « set jorns gras » s’acaban en apoteòsi pel Dimars gras, e son l'escasença d'una liberacion collectiva. L'esperit de june e d'abstinéncia que s'anóncia es un briu oblidat amb lo carnaval.

Calendièr

La data del Dimars gras es mobila dins lo calendrièr gregorian.

Es associada a la data de Pascas, - lo primièr dimenge que seguís la luna plena que seguís l'equinòcci de prima (lo 21 març) - data donc sempre compresa entre lo 22 de març e lo 22 d’abril. Lo Dimars gras es lo darrièr jorn avant lo començament del periòde de quaresma, 41 jorns + 6 dimenges, o fin finala 47 jorns avant Pascas, es a dire entre lo 3 de febrièr e lo 9 de març. Las datas actualas d’aquesta fèsta son los dimars seguents, segon lo comput, :

• Annada passada: dimars 13 de febrièr de 2018 ;
• Annada actuala: dimars 5 de març de 2019 ;
• Annada venenta: dimars 25 de febrièr de 2020.

Festenals

Los festenals associats al carnaval precedent, dins la tradicion crestiana, la dintrada en quaresma pendent que lo crestian manja « magre », en s'abstenent de vianda o plats de tria lo jorn de Dimercre de las cendres, que marca la dintrada de la quaresma. L'abstinéncia (manjar pas de vianda) es observada los divendres de l'annada e subretot los divendres de quaresma.

Lo mot « carnaval » ven del latin medieval carne levare, significant « levar la carn », es a dire concrètament suprimir sus la taula pendent tota la peròde de la quaresma la vianda o, es a dire, lo « gras ».

Vejatz tanben

Bibliografia

• Paul Hugger, Carnaval, Dictionnaire historique de la Suisse, 2005.

Articles connèxes

• Candelosa
• Carnaval
• Quaresma

Ligams extèrnes

• Datas del Dimars gras de 1801 a 2000.
• Datas del Dimars gras de 1947 a 2050.