ہݪ

ہَݪ (Plough) وائی بیجی وچ ورتیا جاݨ آݪا اک ضروری سَند اے ۔ ایہدے نال پہلاں زمین تیار کیتیی جاندی اے ۔ بی یا بوٹے لاوݨ توں پہلاں ہَࢦ دے ذریعے بی وی زمین وچ پائے جاندے نیں ۔ ہݪ نال فصل دی کٹائی توں بعد پچھلی فصل دیاں مُڈھیاں، چُعھنڈے کھود کے کڈھے جاندے نیں ۔

ہݪ اک وڈا سارا چُھرا ہُندا اے جیہدے نال لکڑی دا اک وڈا دستا ہُندا اے جیہڑا بلداں دی پنجاݪی وچ پھسیا ہُندی اے ۔ بلداں دی جوڑی اس لکڑ نوں کھِچدی اے تے ہݪ دا چُھرا زمین نوں کھود دیندا اے تے سیاڑ بݨاوندا جاندا اے ۔ ہݪ ہاݪیاں دا اک پراݨا اوزار اے ۔ پنجاب وچ سویرے سویرے ہاݪی بلداں نوں لے کے اپݨیاں پیݪیاں وچ جاندے نیں تے ایہدے نال زمین نوں تیار کردے نیں ۔ ہݪاں دیاں کافی ساریاں قِسماں ہُندیاں نیں ۔ اَج کَل بلداں دی تھاں ٹریکٹر نے لے لئی اے ۔