Buxlyarimos le Europikane Ekipnasko
O Evropikano Yekipen, po shirdipnaste, sas kerdini andar shov thema pe 1952to bersheste tay palal kodya barilyas ji kay 25 thema somdasne (membrurya). Katar 1952 ji akana sas panj buxlyarimata, o bareder ando 1 mai 2004, kana vi 10 neve thema kiderden. Kana vi i Rumuniya tay i Bulgariya kiderena ando 1 Yanuara 2007to bersh, atunchi avena 27 thema.
Kashte phandel le Evropikano Yekipnasa, yek them trebul te kerel nishte kidipnaske tay forovipnaske mangimata, jangle sar Kopenhaga mangimata (palal o maladipen andi Kopenhaga, 1993). Vi fishtesavo akanutno somdasno them trebul te aprobisarel le neve zumavde.
Purane buxlyarimata
[editisar | modificare sursă]
- 9 Panjtonay 1950 — O Franshezikano Avrutno Ministro, o Robert Schuman anel lesko mangimos te avel yek phandli Evropa, janglo sar o mangimos Schuman dikhlyovel sar o shir la yeke phandle Evropyake.
- 23 Shovtonay 1952 — O Tratato andar le Parizoste kerdilo o Evropikano Khetanipen le Karbunosko tay le Sastryesko andar themende (po shirdipnaste) Beneluks, Luksemburgo, Okshidentutni Jermaniya, Franshiya tay Italiya.
- 1958 — O EKKS kerel o Evropikano Kidipnasko Khetanipen, savi, palal kodya avel o Evropikano Khetanipen (Yek).
- 1 Pervonay 1973 (Yekto buxlyarimos) — Danemarka, Republika Irland, tay Phandlo Thagaripen kideren ando Yek.
- 1 Pervonay 1981 (Duyto buxlyarimos) — Greshiya avel ando Yek.
- 1985 — Shov bersha palal i Danemark del autonomiya, Gronlanda alosarel te inklel katar le Yekeste. Dikh Uzalune rika le somdasne themenge tay lenge relasiya le Yekesa.
- 1 Pervonay 1986 (Trito buxlyarimos) — Spaniya tay Portugaliya aven ando Yek.
- 3 Deshtonay 1990 — Oriyentuti Jermaniya tay Okshidentutni Jermaniya palemphandel (dikh Phandipen la Jermaniyako), tay i purani Oriyentuti Jermaniya avel ando Yek; yek phandipen kiderel ando Yek phuv tay manusha, ta shi baryarel o gin le themenge.
- 1 Deshtoyeknay 1993 — O Trato Maastricht shirdel te avel zakono, kerindoy o Evropikano Yekipen.