Иза

Село около Хуста Иза Іза укр. Держава УкраинаУкраина Область ЗакарпатскаЗакарпатска Район Хустскый Громада Хустска Координаты 48.213889, 23.32861148°12′50″ с. ш. 23°19′43″ в. д.48.213889° с. ш. 23.328611° в. д.    Надморска вышка 182 м Обывательство 5237 особ (2001) Часова зона UTC+2, влѣтѣ UTC+3 Телефонный код +380 31-42 Поштовый индекс 90436 КОАТУУ 2125383601 Иза

Иза — село в Хустском районѣ Закарпатской области Украины, центер сельской рады, котрой тыж подряджене село Карповтлаш.

Административа

Ізянська сільська радаукр.

90436, Закарпатська обл., Хустський р-н,

с. Іза, вул. Леніна, 97

тел. (03142) 56-0-23

Од року 2020 входить до Хустской громады.

Полога

Лежить меджи двома горскыма пасмами на лѣвом березѣ Рѣкы, правого притока Тисы, за 5 км на сѣверовыход од районного центру Хуст.

История

Територия села была заселена оддавна. Тому свѣдчать найдены ту два могилникы од І. – III. стороча. Найстарша документарна упоминка походить з року 1387, коли село было дароване землепану Драгомеру. В роках 1859–1885 в селѣ быв парохом Иоанн Раковскый (1815–1885), редактор русскоязычных выдань, котрый ширив серед селян любовь ку России, русскому языку и литературѣ, идею перехода з грекокатолицкой вѣры на православну, ай е ту в селѣ и погребеный. Село одзначало ся револучныма протестныма традициями и подтримков комунистох, так, в часѣ парламентскых выберанок в року 1925 комунисты достали 50% голосох.

В року 1910 зоз 2842 обывательох двѣ найвекшы групы чинили 2503 Русины и 252 Нѣмцѣ.

В року 1930 село мало 3198 обывательох, з них были: 2797 Русины, 376 Евреи, 19 Чехы и Словаци, 2 Мадяре, 1 Нѣмець, 3 чужинцѣ. Православна громада числила 2738 вѣрникох. В селѣ была русинска школа (6 клас) и чешска (2 класы), нотарскый уряд, жандарска станиця, ходив державный автобус.

24. октобра 1944 едноткы 151-го стрѣлецкого полку Червеной армады заяли Изу, и одтогды зачинать ся украинска доба истории села. В року 1950 поставлена нова штокова школа, од року 1955 — середня. В року 1967 — фелчарьско-породницкый пункт, в року 1968 — комбинат служеб з торговым домом, каварньов, рештаврациев, фризерньов. В року 1968 селяне передплачовали 3400 екземплары новинок и часописох (при числѣ обывательох 3677 особ).

Вызнамны родаци

• Димитрий Вакаров (1920–1945), русскоязычный поет
• Кирил Галас (1921–1995), поет, педагог, лингвиста

Жерела и одказы

• A történelmi Magyarország atlasza és adattára 1914 ISBN 963 85683 3 X Доступно онлайн мад.
• Ярослав Достал: Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. ISBN 978-966-671-374-5укр.
• Тронько П. и др. (ред.): Історія міст і сіл України. Том 7. Закарпатська область. К. 1969. [1] укр.
• Информер: Иза, Хустскый район укр.
• Облікова картка: Иза, Хустський район укр.

Референции

Навигация по Хустскому району (до р. 2020) Районный центер (в район не входить): Хуст Мѣстечка: Вышково Села: Александровка • Березово • Боронява • Велятино • Вертеп • Гонцош • Горинчово • Данилово • Дѣлок • Драгово • Забережь • Забродь • Залом • Золотарьово • Иза • Каллӯв • Карповтлаш • Кычерелы • Копашново • Кошельово • Крайное • Крайниково • Крива • Кривый • Кутлаш • Липецка Поляна • Липовиць • Липча • Лунка • Медвежый • Модьорош • Монастырець • Нанково • Нижне Селище • Нижный Быстрый • Облаз • Ожоверх • Ольшаны • Осава • Поляна • Посѣчь • Поточок • Противень • Ракош • Рокосово • Ряпѣдь • Слоповый • Сокырниця • Становець • Стебльовка • Сюрюк • Тополин • Хустиць • Шаян • Шырокоє (Хустськый район • Яблоновка