Музика
![](http://upload.wikimedia.org/wikipedia/commons/thumb/0/0f/Op27_1_seg_mov.png/350px-Op27_1_seg_mov.png)
Музика, гр. μουσική умѣня — вид умѣня, представляючый реалиту через звуковы умѣлецкы образы, котрый основаный на способности чоловѣка асоциовати слуховы почутя зоз властныма зажитками, зо станом и процесами вонкашного свѣта. Средством реализации музичных образох суть музичны звукы.[1]
Музика е организована система звукох. Выбер звукох, их ритмичне членѣня и их порядок становлюють якость, функцию и естетичный вплыв музикы. Тот естетичный вплыв музикы ся реализуе лем в рамках исторично змѣнных правил и добового смаку. Музика была барз довго вязана на обряд и за самостатне умѣня была вызнана позднѣйше.
Музична култура каждого народа властнит шпецифичность, котра ся указуе передо вшиткым в народной музыцѣ. На основѣ народной творчости розвивать ся професионалне музичне умѣня.[1]
Фахова дисциплина, котра штудируе музику и вшытко што з ньов споене ся называть музикология або тыж музична наука.
Музиканте суть люде, звязаны з музиков:
- композиторы;
- спѣваци;
- интерпреты музикы;
- диригенты;
Языковы зазначкы
[едітовати | едітовати жрідло]В русинскых и сосѣдскых славянскых словниках (окрем украинскых) суть два адъективы, одведены од назывника музика: музикалный и музичный, не все еднако розумены. Жебы обыйти нееднозначности, хоснователям той Википедии ся рекомендуе тримати ся наступного:
- музикалный е такый, котрый
- мать наданя ку музицѣ, або любить музику (чоловѣк, родина, народ, слух, персты);
- розумѣе ся до музикы, звязаный з теориов музикы (критика, терминология, теория)
- гармоничный, мелодичный, приемный (голос, звук, звучаня, гра);
- музичный — в иншых припадах.
Жерела и одказы
[едітовати | едітовати жрідло]- Прохоров А. М. (гл. ред.). Большой энциклопедический словарь. Москва: Советская энциклопедия, 1993. 1630 с. ISBN 5-85270-015-0
Референции
[едітовати | едітовати жрідло]Тоты даны суть часточно або цалком основаны на перекладах статей Hudba на чеській Вікіпедії a Hudebník на чеській Вікіпедії.