Africae

Africae is the warld's seicont mucklest an seicont maist-populous continent (the first bein Asie in baith categories). At aboot 30.3 million km² (11.7 million square miles) includin adjacent islands, it cuivers 6% o Yird's tot surface aurie an 20.4% o its tot laund aurie. Wi 1.2 billion fowk as o 2016, it accoonts for aboot 16% o the warld's human population. The continent is surroundit bi the Mediterranean Sea tae the north, baith the Suez Canal an the Reid Sea alang the Sinai Peninsula tae the northeast, the Indie Ocean tae the sootheast an the Atlantic Ocean tae the wast. The continent includes Madagascar an various airchipelagos. It conteens 54 fully recognised sovereign states (kintras), nine territories an twa de facto independent states wi leemitit or na recogneetion. The majority o the continent an its kintras are in the Northren Hemisphere, wi a substantial portion an nummer o kintras in the Soothren Hemisphere.

Africae

Aurie	30,370,000 km2 (11,730,000 sq mi), 2nt
Population	1,225,080,510 (2016, 2nt)
Population density	36.4/km2 (94/sq mi)
GDP (nominal)	$2.1 trillion (2016, 5t)
GDP (PPP)	$6.0 trillion (2016, 5t)
GDP per capita	$1,809 (2016, 6t)
Demonym	African
Kintras	54 (an 2 disputit)
Dependencies	Freemit (3) Mayotte Réunion Saunt Helena, Ascension an Tristan da Cunha Internal (4) Canary Islands Ceuta Madeira Melilla
Lairgest ceeties	Leet o ceeties in Africae Lagos Cairo Kinshasa Johannesburg Abuja Khartoum Dar es Salaam Alexandria Abidjan Algiers Kano Casablanca Ibadan Nairobi Addis Ababa Accra

Africae's average population is the youngest amangst aw the continents; the median age in 2012 wis 19.7, whan the warldwide median age wis 30.4. Algerie is Africae's mucklest kintra bi aurie, an Nigerie is its mucklest bi population. Africae, pairteecularly central Eastren Africae, is widely acceptit as the place o oreegin o humans an the Hominidae clade (great apes), as evidenced bi the diskivery o the earliest hominids an thair auncestors, as weel as later anes that hae been datit tae aroond seiven million years ago, includin Sahelanthropus tchadensis, Australopithecus africanus, A. afarensis, Homo erectus, H. habilis an H. ergaster—wi the earliest Homo sapiens (modren human) foond in Ethiopie bein datit tae circa 200,000 year ago. Africae straidles the equator an encompasses numerous climate auries; it is the anly continent tae stretch frae the northren temperate tae soothren temperate zones.

Africae hosts a muckle diversity o ethnicities, culturs an leids. In the late 19t century European kintras colonised awmaist aw o Africae; maist present states in Africae oreeginatit frae a process o decolonisation in the 20t century. African naitions cooperate throu the establishment o the African Union, that is heidquartert in Addis Ababa.