Kaja Kallas
.jpg)
Kaja Kallas (š. kesimáánu 18. peeivi 1977, Tallinna, Eestieennâm SST, Sovjetlitto) lii eestilâš äššivyeijee, politikkár, Eestieennâm reformpiäláduv saavâjođetteijee (2018– ) já Eestieennâm 19. uáiviminister (2021– ). Kallas lii vuossâmuš nissoon, kii väljejui Eestieennâm uáiviministerin.[1]
Tuávááš
Kaja Kallas šoodâi kesimáánu 18. peeivi 1977 Tallinnast. Suu eeči lii eestilâš politikkár Siim Kallas[2], kii lâi talle staatâvarijministeriö äššitobdee já maŋeláá Eestieennâm 14. uáiviminister (2002–2003). Suu enni lii eestilâš tuáhtár Kristi Kallas. Suu madâräijih lâi Eduard Alver[3], kii lâi ohtâ Eestieennâm täsivääldi vuáđudeijein kuovâmáánu 24. peeivi 1918 já Eestieennâm poolis vuossâmuš hovdâ.
Škovlim
Škovlâivijdis Tallinnast sun juuđij vistig vuáđuškoovlâ Tallinna Lilleküla Gümnaasiumst iivij 1984–1992 já te luvâttuv Tallinna 7. Keskkoolist iivij 1992–1995. Luvâttuv maŋa sun varrij Tartton já algâttij uápuidis Tartto ollâopâttuvâst, kost sun luuvâi vuoigâdvuođâtiettuu válduamnâsin. Sun valmâštui kandidaatin ive 1999. Ive 2007 sun oppeet opâškuođij, taan keerdi Estonia Business Schoolist, mast sun valmâštui MBAn kyevti ive maŋa. Sun jotkui siämmáá priivaat kävppitiettuu ollâopâttuvâst já valmâštui EMBAn ive 2010.
Käldeeh
- ↑ Wright, Helen (toim.) Gallery: President appoints new government. Eesti Rahvusringhääling. 26.1.2021. Čujottum 26.1.2021 (eŋgâlâskielân)
- ↑ Biography. kajakallas.ee. Čujottum 27.1.2021 (eŋgâlâskielân)
- ↑ Pulver, Andres. Pastoraadihoone paljastas siivutu SALADUSE. Virumaa Teataja 9. 9.12.2017. s. 1. Čujottum 26.1.2021 (virokielân)
