பகன்றை

பகன்றை
Crotalaria verrucosa
உயிரியல் வகைப்பாடு
திணை:	தாவரம்
தரப்படுத்தப்படாத:	பூக்கும் தாவரம்
தரப்படுத்தப்படாத:	இருவித்திலைத் தாவரம்
தரப்படுத்தப்படாத:	ரோசிதுகள்
வரிசை:	Fabales
குடும்பம்:	பபேசியே
பேரினம்:	Crotalaria
இனம்:	C. verrucosa
இருசொற் பெயரீடு
Crotalaria verrucosa

பகன்றை அல்லது கிலுகிலுப்பை (Crotalaria verrucosa) வெண்ணிற மலர். கருவிளை என்பது இதைப் போன்று நீல நிறத்தில் பூக்கும் மலர். பகன்றைக் கொடி கொழுகொழுப்பாகச் செந்நிறம் கொண்டிருக்கும். மகளிரும் மைந்தரும் பகன்றை மலரைக் கண்ணியாகக் கட்டித் தலையில் சூடிக்கொள்வர்.

பகன்றை மலர் பற்றிச் சங்கப் பாடல்கள் தரும் செய்திகள் சுவையானவை.

மலரின் தோற்றம்

• பகன்றை மலர் பால்மதி போல் வெண்ணிறம் கொண்டது.
• பகன்றை வெண்ணிறம் கொண்டது. கருவிளை இதைப் போலவே நீல நிறம் கொண்டிருக்கும்.
• பகன்றைக்கொடி கொழுத்து வளரும்.
• பகன்றைக்கொடி சிவப்பாக இருக்கும்.
• மகளிர் சேலை கட்டும் கொச்சகம் (கொசவம்) போல மடிப்புகளுடன் இருக்கும்.
• பாண்டில் என்னும் தோல்பறை போல வெண்ணிறத்தில் பூக்கும்.
• பாண்டில் பறை போலப் பூக்கும்.
• புலத்தி கஞ்சி போட்டு வெளுத்த துணி போலத் தூய்மையானது.
• பெரிய இலைகளுடன் கிண்ணத்தில் வைத்திருக்கும் நுரைத்த பால் போலப் பூக்கும்.

வயலிலும், வனத்திலும்

• வயலில் தழைக்கும்.
• சேற்றில் வளரும்.
• பசுமையான புதரில் மலரும்.

பனியிலும், தூவலிலும்

• பனியில் மலரும்.
• தூவல் தூறலில் மலரும்.

சூடுதல்

• பழையர் குடிமகளிர் சூடிக்கொள்வர்.
• ஆனிரை மேய்க்கும் கோவலர் சூடிக்கொள்வர்.
• உழவர் சூடிக்கொள்வர்.
• மள்ளர் (உழவர்) சூடிக்கொள்வர்.
• காடுகளில் பூக்கும் பகன்றைப் பூக்கள் சூடுவார் இல்லாமல் தாமே அழிவது போல் பிறரைப் பேணாமல் பிறந்து வாழ்ந்து மடியும் மக்கள்தான் உலகில் மிகுதி.

பயன்

• சங்ககால மகளிர் குவித்து விளையாடிய மலர்களில் ஒன்று.

உணவு

• கிழட்டுப்பசுவுக்கு உணவாக இதனையும் பாகல் கொடியையும் அறுத்துத் தருவர்.
• எருமைக் கன்று பகன்றை படர்ந்த கொம்பைக் கண்டு உண்ண அஞ்சும்.

இவற்றையும் காண்க

சங்ககால மலர்கள்

காட்சி

• 
  புதரில் பகன்றை
• 
  கோவா மாநிலத்தில் பகன்றை
• 
  புதரில் கருவிளை