Мукаррама Камолова

Мукаррама Камолова
Мукаррама Камолова
	Мукаррама Аъзамовна Камолова
Таърихи таваллуд:	6 январ 1937
Зодгоҳ:	Душанбе
Таърихи даргузашт	2 октябр 1994 (57 сол)
Маҳалли марг:	Душанбе, Тоҷикистон
Касб:	ҳунарпеша

Мукаррама Камолова (6 январи 1937, Душанбе — 2 октябри 1994, ҳамонҷо) — ҳунарпешаи синамои тоҷик, барандаи Ҷоизаи комсомоли Ленинии Тоҷикистон (1971). Ҳунарпешаи хизматнишондодаи Тоҷикистон (1974). Духтари дирижёр Аъзам Камолов ва раққоса Офтобхон Исомова.

Зиндагинома

Студияи миллии Институти давлатии санъати театрии ба номи А. В. Луначарский (ГИТИС)-ро хатм намудааст (1960). Ҳунарпешаи театри мазҳакаи мусикии ба номи А. С. Пушкини ш. Ленинобод (Хуҷанд, 1960-61), ҳунарпешаи ТДАДТ ба номи А.Лоҳутӣ (1961- 85).

Эҷодиёт

Беҳтарин нақшҳои офаридаи ҳунарпеша: Любов Гордеевна («Камбағалӣ айб нест»-и А.Островский), Клариче («Шоҳ гавазн»-и К.Готси), Луиза, Амелия («Макр ва муҳаббат» ва «Роҳзанон»-и Ф.Шиллер), Лутфия, Занҷира, Гулнор («Хор дар гулистон», «Горнизон таслим намешавад» ва «Дохунда»-и Ҷ.Икромӣ), Гурдофарид («Рустам ва Суҳроб»-и Ғ.Абдулло), Садорат («Хатро ман навишта будам»-и Ф.Ансорӣ), Ангустпас («Хонадони Бернарда Алба»-и Ф.Лорка) ва ғ.

Саҳм дар синамо

Дар филмҳои «Ҳасани аробакаш» нақши Зайнаб, «Ситораи Улуғбек»-и «Ӯзбекфилм» нақши Нисоро иҷро кардааст.

Эзоҳ

Сарчашма

Энциклопедия кино Таджикистана. — Душанбе, 2012, с. 86