نعیم الدین مراد آبادی

نعیم الدین مراد آبادی
عالم دین مفتی; نعیم الدین مراد آبادی
لقب	صدر الافاضل
ذاتی
پیدائش	1 جنوری 1887; (21 صفر 1300ھ ); مرادآباد, شمال مغربی صوبے, برطانوی راج
وفات	13 اکتوبر 1948 (عمر 61 سال); (18 ذو الحجہ 1367ھ); مراد آباد, متحدہ صوبے, بھارت ڈومینین
مدفن	جامعہ نعیمیہ مراد آباد (مرادآباد)
مذہب	اسلام
قومیت	انڈیاn
دور حکومت	جنوبی ایشا
فرقہ	سنی
فقہی مسلک	حنفی
بنیادی دلچسپی	فقہ, تفسیر
قابل ذکر کام	تفسیر کنز الایمان, کتاب العقائد, دیوان اردو
مرتبہ
	مؤثر احمد رضا خان;

ممتاز عالم دین جن کا تاریخی نام 'غلام مصطفے' تھا۔ والد کا نام مولانا محمد معین الدین نزہت تھا۔ ( 21 صفر المظفر 1300ھ۔ 18 ذوالحجہ 1367ھ )

حصولِ تعلیم

آٹھ سال کی عمر میں قرآن پاک حفظ کیا۔ اردو اور فارسی کی کتب والد بزرگوار سے پڑھیں۔ ملا حسن تک درس نظامی حضرت مولانا شاہ فضل احمد سے پڑھا اور حضرت مولانا سید شاہ گل محمد سے 1318ھ میں تکمیل کر کے افتاء نویسی سیکھی۔ طب کی تعلیم مولانا شاہ فضل احمد امروہوی سے حاصل کی۔ 1320ھ میں دستار بندی ہوئی۔آپ کے نمایاں شاگردوں میں مفتی عبد الجلیل نقشبندی بھی سر فہرست ہیں۔جن کا مزار ٹھاروشاہ سندھ پاکستان میں واقع ہے۔

لقب و خطاب

تدریس میں خاصا کمال حاصل تھا اور 'استاذ العلماء' کے لقب سے مشہور تھے۔ مولانا احمد رضا خان فاضلِ بریلوی نے انھیں 'صدرالافاضل' کا خطاب دیا۔

تحریر و تحقیق

ایک عرصہ تک مولانا ابو الکلام آزاد کے رسائل ابلاغ اور الہلال میں مضامین لکھتے رہے۔ بیس برس کی عمر میں مولانا شاہ محمد سلامت اللہ رام پوری کے رسالہ 'اعلام الاذکیا' کی تائید میں 'الکلمتہ العلیاء' لکھا۔ آپ زبردست مناظر تھے۔ امام احمد رضا خان بریلوی کے ترجمۂ قرآن کنز الایمان پر تفسیری حاشیہ بنام خزائن العرفان تحریر کیا۔

پاکستان میں شاگرد

حکیم الامت مفتی احمد یار خان نعیمی گجرات۔ مفتی محمد حسین نعیمی لاہور۔ علامہ غلام فخر الدین گانگوی میانوالی ۔ جسٹس پیر محمد کرم شاہ بھیرہ شریف ۔

تصانیف

تصنیفات وتالیفات: دینی وملی، سیاسی وسماجی، تدریسی اور تبلیغی خدمات کے باوجود صدر الافاضل نے تقریباً دودرجن کتابیں بطور یاد گار چھوڑی ہیں۔

{1} تفسیر خزائن العرفان
{2} نعیم البیان فی تفسیر القرآن
{3} الکلمۃ العلیا لاعلاء علم المصطفیٰ
{4} اطیب البیان در رد تقویۃ الایمان
{5} مظالم نجدیہ برمقابر قدسیہ
{6} اسواط العذاب علی قوامع القباب
{7} آداب الاخیار
{8} سوانح کربلا
{9} سیرت صحابہ رضی اللہ تعالٰی عنہم
{10} التحقیقات لدفع التلبیسات
{11} ارشاد الانام فی محفل لمولود والقیام
{12} کتاب العقائد
{13} زاد الحرمین
{14} الموالات
{15} گلبن غریب نواز
{16} شرح شرح مائۃ عامل
{17} پراچین کال
{18} فن سپاہ گری
{19} شرح بخاری (نامکمل غیر مطبوع)
{20} شرح قطبی (نامکمل غیر مطبوع)
{21} ریاض نعیم (مجموعہ کلام)
{22} کشف الحجاب عن مسائل ایصال ثواب
{23} فرائد النور فی جرائد القبور

آل انڈیا سنی کانفرنس

1946ء میں بنارس میں منعقدہ آل انڈیا سنی کانفرنس میں سنی علما میں اتحاد و اتفاق کی فضا پیدا کرنے میں اہم کردار ادا کیا۔

وصال

67 برس کی عمر میں 18 ذوالحجہ 1367ھ میں وصال ہوا۔ جامعہ نعیمیہ مراد آباد میں مزار ہے۔

بیرونی روابط

امام نعیم الدین مراد آبادی^{[مردہ ربط]}

د ب ت احمد رضا خان
رضویات · قبیلہ بڑیچ کی شخصیات · خاندان احمد رضا
کتابیات	فتاویٰ رضویہ حسام الحرمین تدبیر فلاح و نجات کنزالایمان الملفوظ حدائق بخشش
شاہکار کام	قصیدہ نور قصیدہ معراجیہ مصطفٰی جان رحمت پہ لاکھوں سلام
ادارے	دار العلوم منظر اسلام رضا اکیڈمی
خاندان	کاظم علی خان پر دادا رضا علی خان دادا نقی علی خان والد حسن رضا خان بھائی مصطفٰی رضا خان بیٹا حامد رضا خان بیٹا ابراہیم رضا خان پوتا اختر رضا خان سبحان رضا خان توقیر رضا خان سبطین رضا خان عسجد رضا خان (موجودہ سجادہ نشین)
خلفا	برہان الحق جبل پوری تقدس علی خان حاجی لعل محمد مدراسی حامد رضا خان سید دیدار علی شاہ سید سلیمان اشرف ضیاء الدین مدنی ظفر الدین بہاری عبد العلیم صدیقی قاضی عبد الوحید فردوسی محمد امجد علی اعظمی محمد شریف کوٹلوی محمد عبد السلام جبل پوری مصطفٰی رضا خان نعیم الدین مراد آبادی
متعلقہ شخصیات	ڈاکٹر، اوشا سانیال پروفیسر حاکم علی
متعلقہ موضوعات	بریلوی مکتب فکر رضویات پر پی ایچ ڈی کے مقالات، فہرست اعلیٰ حضرت ایکسپریس (براستہ احمد آباد) اعلیٰ حضرت ایکسپریس (براستہ بھلدی) درگاہ اعلیٰ حضرت عرس رضوی خانقاہ برکاتیہ
زمرہ کومنز ویکی اقتباسات