کشور کمار

کشور کمار
ذاتی معلومات
مقامی نام	আভাষ কুমার গঙ্গোপাধ্যায়
پیدائشی نام	ابہاش کمار گنگولی
پیدائش	4 اگست 1929(1929-08-04)کھنڈوا، برطانوی راج (موجودہ مدھیہ پردیش، ہندوستان)
وفات	13 اکتوبر 1987(1987-10-13) (عمر  58 سال) بمبئی، مہاراشٹر، ہندوستان (موجودہ ممبئی)
پیشے	گلوکار، غنائی شاعر، موسیقار، اداکار،فلم پروڈیوسر، ہدایت کار، منظر نویس
سالہائے فعالیت	1946ء–1987ء
دستخط

ابتدائی زندگی

ابھاس کمار گانگولی یعنی کشور کمار 4 اگست 1929ء کو مدھیہ پردیش میں ایک بنگالی خاندان میں پیدا ہوئے۔ ان کے والد ایک وکیل تھے اور کشور اپنے 4 بہن بھائیوں میں سب سے چھوٹے تھے۔ وہ ابھی چھوٹے ہی تھے کہ ان کے بھائی اشوک کمار نے بمبئی جاکر اداکاری کا پیشہ اختیار کیا۔ ان کے ایک دوسرے بھائی انوپ کمار بھی فلموں سے وابستہ تھے۔ اس طرح انھوں نے بھی اپنے بھائی کے نقش قدم پر چلتے ہوئے فلموں میں کام کرنے کے لیے بمبئی آئے۔ کیرئیر 1948ء میں بمبئی ٹاکیز کی فلم ضدی میں پہلا گانا گانے کا موقع ملا۔ بطور اداکار ان کی پہلی فلم اندھولن تھی جو 1951ء میں رلیز ہوئی۔ 1954ء میں انھوں نے بمل رائے کی نوکری میں ایک بے روزگار نوجوان کا کردار ادا کیا۔

مشہور فلمیں

نئی دہلی، آشا، جھمرو، ہاف ٹکٹ، چلتی کا نام گاڑی، ان کی کچھ اہم فلمیں رہیں۔ لیکن فلم پڑوسن میں نبھائے گئے ایک کردار کو کافی شہرت حاصل ہوئی۔ انھوں نے لگ بھگ 81 فلموں میں بطور اداکار کام کیا۔ ان کی اداکاری کا ہر کوئی مداح تھا۔

گلوکاری

برمن دا نے پہلی مرتبہ انھیں فلموں میں گانے کا موقع دیا۔ کشور نے تقریباً 574 فلموں کے لیے گانے گائے۔ برمن دا نے ان کی عمدہ گائیکی کو پہچان کر فلم منیم جی، ٹیکسی ڈرائیور، فنڈوش، نو دو گیارہ، گائیڈ، جیول تھیف، پریم پجاری، تیرے میرے سپنے میں کبھی نہ بھولنے والے گیت کشور کے ذریعے گوائے۔ فلم ڈون میں کھئی کے پان بنارس والا نے تو کشور دا کو ہمیشہ کے لیے امر کرنے میں اہم کردار ادا کیا۔

ہندی کے علاوہ تمل، مراہٹی، آسامی، گجراتی، بھوجپوری، جیسی زبانوں میں بھی گیت گائے۔ کندن لال سہگل کو گائیکی میں اپنا استاد ماننے والے کشور کمارنے لتا منگشکر اور آشا بھوسلے کے ساتھ کافی ہِٹ گیت گائے۔ لتا جی کو وہ بہن مانتے تھے۔

اعزازات

آج کے دور میں ہندوستانی فلموں کے کئی مشہور گلوکار کشور کمار کو ہی اپنا استاد مانتے ہیں۔ کشور کمار کو 1969ء میں فلم ارادھنا کے لیے بہترین گلوکار کا فلم فیر ایورڈ ملا۔ ان کے گائیکی کے لیے ان کو آٹھ مرتبہ یہ اعزاز ملا۔

فلمسازی

گائیکی کے ساتھ ساتھ کشور دا نے فلمسازی میں بھی قدم رکھا اور 1970 کے بعد تقریباً بارہ فلمیں بنائیں جن کو کامیابی حاصل نہ ہو سکی۔ اداکارہ مدھو بالا سے کافی عشق رہا ان کی بیماری کے دور میں مدھو بالا سے شادی کی اور موت تک وہ ان کے خدمت کرتے رہے۔

13 اکتوبر 1987ء کو ان کا انتقال ہو گیا۔

بیرونی روابط

• کشور کمار سنگیت کے ساگر تھے، جاوید اختر