Varda el testo de Maurizio Galbaio

{{Infobox de Personajo
|nome = Maurizio Galbaio
|nome orixenałe = 
|imajine = 
|didascaliaimajine = 
|larghesaimajine = 
|incarghi = 
|tìtułi = 
|data de nasimento = sirca cuarto desenio de l'[[VIII sècoło]]
|liogo de nasimento = Eraclea
|data de morte = 
|liogo de morte = 
|data de sepełimento = 
|liogo de sepełimento = 
|spoxà = 
|mare = 
|pare = 
|dinastia = 
|firma = 
|didascaliafirma = 
|larghesafirma = 
|sito = 
}}

'''Maurizio Galbaio''' (-797) el ze stà uno dei Dozi de Venesia.

==Biografia==
Orizenario de [[Heraclia|Eraclea]], el fazeva  parte del ceto dei posidenti e, segondo [[Giovanni da Venezia|Giovanni Diacono]], el zera un gran esperto de ła cosa pùblega.

El zera stà nomenà doze inte'l [[764]] a [[Małamoco]], ałora sentro połìtego de'l [[Ducato de Venesia|Dogado de Venesia]], durante na asenblea che ła se jera riunìa drìoman a ła depozision de [[Domenico Monegario]]. Ła só ełesion, avenjesta sensa atriti, ła gavea sarà in un łongo parìodo de instabiłità caratarizada dai scontri interni a l'aristocrasia, dividesta in varie fasion in baze ai intaresi econòmeghi e połìteghi. Fursi anca l'ełesion de un eracleense inte ła sità rivałe de Małamoco ła pol èsar vedesta cofà un senjałe de distension.

El só łongo dogado el ze recordà da łe cronìche cofà un parìodo de paze interna e de bona aministrasion. Segondo i stòreghi, oltra ad èsar un goernante ecuiłibrà e giusto, el ga avùo el merito, par cuanto posibiłe, de łasar el Dogado al de fora dei turbinozi avenimenti europei de'l parìodo: ła fin de'l [[Regno Łongobardo|Renjo Łongobardo]], l'aseza de [[Carlo Magno]], el nuovo ròło połìtego de'l [[papa]], ła crize de l'[[Inpero Bizantin]] in Osidente.

Maurizio Galbaio el ga contribuìo anca a potensiar ultariormente ła fegùra de'l doze, nasesta cofà senplise carga burocràtego-miłitar afiancada dai tribuni. Pur restando formalmente dependente da Costantinopołi, el se ga spesegà el proceso de afrancasion de Venesia e el ''dux'' el ze deventà na istitusion prinsipesca co sucesion dinàstega. Ło dimostra, inte'l [[778]]-[[779]], ła nomena a corezente de'l fìo [[Giovanni Galbaio]].

El doze el ga contribuìo invano a ła defeza de l'[[Istria]] concuistada dai [[Łongobardi]] intorno a'l [[770]]. 'Sto avenimento el ga provocà ła smenbrasion de l'antiga [[regio X Venetia et Histria]] che, sin da'l momento de ła só istitusion ai tenpi de [[Augusto]], ła gaveva senpre raprezentà na realtà unitaria. Segondo el ''[[Liber pontificalis]]'' durante el ràdego só fiol Giovanni el ze cascà prezonièr dei ocupanti.

Drioman el ga dovesto afrontar el menaso dei [[Franchi]] de Carlo Magno, che inte'l [[774]] i gavea concuistà el Renjo dei Łongobardi. Maurizio Galbaio el gaveva respondesto a sto avenimento azindo in anbito ecleziàstego: inte'l [[775]] el ga promovesto ła fondasion de ła [[diòsezi de Ołivoło]], creando cusì na istitusion de'l tuto dezligada a ła Teraferma e in sintonia co'l goèrno łagunar. 'Sta desizion ła ga simentà un rùspido scontro co'l [[patriarca de Grao]] [[Giovanni da Trieste|Giovanni]], màsema carga ecleziàstega de łe Venesie.

Inte'l parìodo [[787]]-[[788]] i Franchi i ga concludesto ła concuista de l'Istria e el Dogado el se ga catà sidià par intièro. Inte'l [[787]] i marcanti venesiani i ze stài parài via da ła zona de [[Ravena]] e da ła [[Pentapoli]] e ne ze stà confiscà i beni inte ła [[diòsezi de Ravena]]. L'ato, sostenjesto anca da'l pontefice, el gaveva come obietivo cueło de indebołìr una de łe ùlteme realtà bizantine in Itałia.

== Bibliografia ==
* {{cita web
|cognome= Azzara
|nome= Claudio
|url= http://www.treccani.it/enciclopedia/maurizio-galbaio_(Dizionario-Biografico)/
|titolo= MAURIZIO Galbaio
|accesso= 12 zugno 2011
|editore= Treccani
}}

== Altri progetti ==
{{Interprojeto}}

{{DEFAULTSORT:Galbaio, Maurizio}}
[[Categoria:Dozi venesiani]]