Krasnoslobodsk (Mordovii)
Lidnanznam
|
Flag
|
| Valdkund | Venäma |
| Eläjiden lugu (2021) | 8,910 ristitud |
| Pind | 10,48 km² |
| |
| Pämez' | Nikolai Truntaev (kül'mku 2016—) |
| Telefonkod | +7−83 443-xx-xxx |
| Avtokod | 13, 113 |
| Aigvö | UTC+3 (MSK+0) |
Sil sanal voib olda toižid znamoičendoid; miše nähta niid, tulgat tänna.
Krasnoslobodsk (ven.: Краснослобо́дск, erz.: Якстерекуро, mokš.: Ош) om Venäman lidn Mordovijan Tazovaldkundan lodehes. Se om Krasnoslobodskan rajonan lidnankund, administrativine keskuz da üks'jäine lidn.
Istorii
[vajehta | vajehtada lähtetekst]Eländpunktan aluz om pandud vl 1571 kuti Rusked Slabad-lidnuz (ven.: острог Красная Слобода). Vl 1706 se sai lidnan statusad. Vl 1780 udesnimitihe lidnad nügüdläižikš. Vn 1817 lämoipalon jäl'ghe Krasnoslobodsk om saudud möst regulärižen planan mödhe oiktoidenke irdoidenke.
Krasnoslobodsk šingotase nenil edheotandoil: metalližtegesiden edheotand tegimišton täht, radiotegim, «Aktiv elektro»-tegim, kezerduzkudondfabrik, argvoin tegim. Niiden ližaks, nevondkundaližel aigal radoiba leibän i linkapken tegimed, tegimištoline, sömän i punümbriradandan kombinatad, turbhan edheotand.
Geografijan andmused
[vajehta | vajehtada lähtetekst]Lidn seižub Mokš-jogen hural randal (Okanjogen oigedpol'ne bassein). Matkad Saranskhasai om 103 km päivnouzmha avtotedme. Lähembaine lidn om Temnikov 44 km lodeheze orhal vai 64 km avtotedme. Lähembaine raudtestancii om Kovilkino-lidnas, se sijadase 50 kilometras suvhe orhal.
Krasnoslobodsk om lidnankundan üks'jäižeks eländpunktaks.
Eläjad
[vajehta | vajehtada lähtetekst]Vn 2010 kaiken Venäman rahvahanlugemižen mödhe lidnan eläjiden lugu oli 10 151 ristitud, rajonan ristitišton kaks' videndest. Kaik 9 556 eläjad oli lidnas vl 2017. Kaikiš suremb lidnan ristitišt oli läz 12 tuhad eläjid vozil 1992−2001 (12 000 rist. vl 1998).
Ortodoksižen hristanuskondan kuz' pühäpertid[1] oma kaičenus i saudud lidnas: Sündun Eläbzdusen kafedraline päjumalanpert' (letihe vll 2005−2007), Jumalanmaman Emäganpäivän jumalanpert', kodijumalanpert' enččes hengeližes školas, Jumalanmaman Emäganpäivän naižjumalankodi (ei ole väges, kodijumalanpert' om avaitud), Eläban Eziauguižen Stroican päjumalanpert' (ei ole väges). Niiden ližaks koume jumalanpertid ei ole kaičenus.
Krasnoslobodskan agrarine tehnikum[2] (mülüti zoovettehnikumad vl 2012) i Krasnoslobodskan medicinine kolledž[3] oma lidnan professionaližen opendusen aluzkundoikš.
Galerei
[vajehta | vajehtada lähtetekst]-
Sündun Eläbzdusen kafedraline päjumalanpert', vn 2018 nägu -
Jumalanmaman Emäganpäivän naižjumalankodi, vn 2015 nägu -
Agrarine tehnikum (2012, ende zoovettehnikum, istorine P.I. Sevastjanovan usadib) -
Kul'turkeskuz (2015) -
Keskškol nomer 1 (2012, ende mehiden hengeline škol)
Homaičendad
[vajehta | vajehtada lähtetekst]- ↑ Krasnoslobodskan pühäpertid sobory.ru-saital. (ven.)
- ↑ Krasnoslobodskan agrarižen tehnikuman sait (uchhoz.profiedu.ru). (ven.)
- ↑ Krasnoslobodskan medicinižen kolledžan sait (krslmedcolledg.ru). (ven.)
Irdkosketused
[vajehta | vajehtada lähtetekst]- Lidnankundan tobmuden aluzkundoiden oficialine sait (adm-krasnoslobodsk.ru). (ven.)
- Krasnoslobodsk-lidnan informacine sait (kc13.ru). (ven.)
 |
Krasnoslobodsk (Mordovii) Vikiaitas |
| Mordovijan Tazovaldkundan lidnad | ||
| Ardatov | Insar | Kovilkino | Krasnoslobodsk | Ruzajevk | Saransk | Temnikov | ||