Tol'n (agj)

Tol'n-agjan kart

Tol'n (mad'j.: Tolna megye [ˈtolnɒ]) om üks' Mad'jaranman agjoišpäi. Sen administrativine keskuz da kaikiš suremb lidn om Seksard.

Geografijan andmused

Agj levigandeb valdkundan suvipäivlaskmas, Dunain oiktal (päivlaskmaižel) randpolel. Röunatab nellänke agjanke: Baran'janke suves, Šomod' om päivlaskmas, Fejer levigandeb pohjoižes, Bač-Kiškun om päivnouzmas.

Pind om 3 703,16 km². Reljef om alangoikaz päivnouzmas, om kukhid keskuzpalas. Mad'jaranman üks'jäine atomelektrostancii radab agjas, sen jändusiden varažom sijadase täs-žo.

Administrativine jagand

Agjan rajonad vspäi 2013

Tol'n-agj jagase kudeks jarašaks (rajonaks). Edel vn 2013 administrativišt reformad viž kišteršegad (rajonad) oli niiden sijas.

Lidnad

Neciš agjas om üks'toštkümne lidnad:

• Batasek (Bátaszék)
• Bon'had (Bonyhád)
• Dombovar (Dombóvár)
• Dunaföl'dvar (Dunaföldvár)
• D'jonk (Gyönk)
• Nad'man'jok (Nagymányok)
• Pakš (Paks)
• Šimontorn'j (Simontornya)
• Seksard (Szekszárd) — agjan administrativine keskuz
• Tamaši (Tamási)
• Tol'n (Tolna)

Lidnoihe ližaks, om olmas 98 žilod Tol'nas, niiden kesken viž oma sured žilod.

Eläjad

Vn 2011 Mad'jaranman rahvahanlugemižen mödhe agjan ristitišt oli 230 361 eläjad, vl 2015 — 225 936 eläjad. Vl 1949 agjan eläjiden lugu oli 275 644 ristitud, siš aigaspäi ristitišt poleneb (päiči vn 1980 rahvahanlugemišt, konz se ližadui i oli 266 273 ristitud).

Rahvahad (2011, kahtenvuiččidenke vastusidenke): mad'jaralaižed — 84,5 %, saksalaižed — 4,4 %, čiganalaižed — 3,8 %, toižed rahvahad — 0,6 %, rahvahuden ozutandata — 13,9 %.

Irdkosketused

• Agjan oficialine sait (tolnamegye.hu). (mad'j.)