Kanoal deur Walchern

't Kanoal deur Walchern met an den overkant de Stoasje van Middelburg (ryksmonument) in de provinsje Zêeland

't Kanoal deur Walchern (Nederlands: Kanaal door Walcheren) es een Hollands kanoal in de provinsje Zêeland. 't Kanoal is e woaterwegverbiendienge tusschn de Westerschelde by Vlissiengn en 't Veerse Meer by Veere. 't Kanoal deur Walchern, woar dat ôok Middelburg an ligt, is 14.5 kilometers lank. Die belangryke voarroute van in den tyd wordt nu mêer gebruukt vo recreoatie.

Geschiedenisse van 't Kanoal deur Walchern

't Kanoal deur Walchern is g'opend up den 8ste september 1873 deur de vroegere keunienk Willem III en tezelfdertyd ôok de nieuwe oavn van Vlissiengn en de spôorlyne Goes-Vlissiengn. 't Kanoal wos economisch styf belangryk vo Walchern. Deur 't deur twêen snyen van Middelburg vo den anleg van 't Kanoal deur Walchern, most de Vlissiengsche pôorte gesloopt wordn en kwam de sectie van d' oude stadswallen los van de reste. En in Vlissiengn most de Rammekenspôorte weg, zodat d' (Oude) Vlissiengscheboane nie mè deureliep toet in de binnenstad.

• 
  Zicht ip 't Kanoal deur Walchern, vanof de droaibrugge by Soeburg (ryksmonument) in de provinsje Zêeland
• 
  Zicht ip de Stationsbrugge over 't Kanoal deur Walchern by Middelburg in de provinsje Zêeland

Trivia

Up moandag 8 september 2014 was 't 141 joar geleedn da Keunienk Willem III 't Kanoal deur Walchern opende.

Referensjes

• Geschiedenisse van 't Kanoal deur Walchern - vlissingen.nl
• 't Kanoal deur Walchern. uut: De Schelde-Reynverbinding - lex-ikon.eu
• Nieuws over Kanoal deur Walchern - omroepzeeland.nl
• Anleg van 't Kanoal deur Walchern - fotositesouburg.nl

Ofbeeldiengn die ier by passn ku je vien in de categorie Kanoal deur Walchern van Wikimedia Commons.