Straffe Hendrik

Straffe Hendrik is een Belgisch bier gebrouwn deur den Brouwery D'Olve Moane in Brugge. 't Is een tripel met een alcoolgehalte van 9%.

Ol van in 't begin wierd er bier in Brugge gebrouwd, in de brouwery die nu de name D'Olve Moane (De Halve Maan) êt.

't Schynt dat in 1981, voa d' inhuldigienge van een bild van Sint Arnoldus, den patrôonhilligen van de brouwers, een stravver bier up de markt wier gebrocht. Dat is zo'n success gewist dan ze 't bluuvn produceern ên ounder de name Straffen Hendrik.

't Merk wierd in 1988 deur de brouwery Riva uut Dentergem overgenoomn, en de productie wierd in 2002 in Brugge gestopt, en toet an 't failissement van Liefmans Breweries in 2007 in Dentergem vôortgezet. Ounder de name van Straffen Hendrik brouwden ze een blond bier met 6% alcool en een bruun bier met 8,5% alcool.

Doarup wierd Straffen Hendrik tydelik deur de brouwery Duvel-Moortgat gemakt, moar in 2008 êt D'Olve Moane 't merk were van under ofgekocht, en nu brouwn ze were den oorsprounkelike tripelversie.