peter

Walon (Rifondou)

Tayon-bodje latén « pedo » (minme sinse), çou ki dene on mot avou l’ cawete di codjowaedje « -er » des viebes.

AFE :
- diferins prononçaedjes : /pɛ.ˈte/ /pɛ.ˈtɛ/ /pɛ.ˈtiː/ (minme prononçaedje cåzu pattavå)
- prononçaedje zero-cnoxheu : /pɛ.ˈte/
Ricepeures : pe·ter

Djin et tins	Codjowa
Cåzant Ind. pr. (dji, dj’)	pete
Atôtchî(s) Ind. pr. (vos, vs)	petez
Cåzants Ind. pr. (nos, ns)	petans
Rwaitants Ind. pr., nam. (i/il, ele/elle)	petnut
Cåzant Ind. fut. (dji, dj’)	petrè
Cåzant D.I.E. (dji, dj’)	petéve
Cåzant Suddj. pr. (ki dji, dj’)	pete
pårt. erirece (dj’ a, vos av)	peté
Ôtes codjowaedjes	come bouter

peter

(v. sins coplemint) (mot d’ fiziolodjeye) fé rexhe on gåz di s’ dirî, avou on brut k’ on-z ôt bén.
(v. sins coplemint) esplôzer.
- Li balon a peté.
(v. sins coplemint) si finde.
- Avou les troes djoûs d' waernu, totes les plantches ont peté
diner (on côp).
- Dji lyi a peté ene bafe e plinne figueure.
- Mins dvins zels end a portant
  [...]Qui sont ene miete trop spitants,
  [...]Ås cis ki m' vont prinde li taye,
  Dji lyi dit tot petant so s' mwin :
  Va rzè, va, ti rvénrès dmwin ! — Jean Bury, Joyeux rèspleus (1899), "Cantiniére di gârd-civique" (fråze rifondowe et rarindjeye).
- Mins ene taeyante pire finda l’ espåce,
  Et vna fåyler l’ front do moudreu !
  Li gougne aveut peté si roed,
  Ki l’ ome, a l’ efant, dmanda gråce. — Joseph Vrindts, ”Vîx Lîge” (1901), p.80, “Li p’tit Pît’lé” (fråze rifondowe).
(pus stroetmint) avou brut.
- RIDANT. – Vos estoz bén emacralé, valet ; et d’ ene feme, eco !
  KINÅVE. – Djel saveu bén, dai !
  RIDANT […] (i sere li live tot l’ fjhant peter et brait) C’ est Bebete !
  KINÅVE. (les ouys serés) C’ est çoula minme ! — Henri Simon, « Li Neûre Poye » 1889, (eplaidaedje da Jean Haust di 1936), p.77 (fråze rifondowe).
(viebe å prono) (avou l’ divancete a) si mete a fé ene sacwè, tot d’on côp.
- I s’ a peté a rire.
- Ele s’ a peté a braire.

peter å diåle
èn nén peter on mot : èn nén moti
- Il est grigneus, i n’ pete nén on mot.
- I n’ pete nén on mot d’ inglès.
peter pus hôt ki s’ cou : fé do grandiveus. F. "jouer les prétentieux"..
peter l’ francès (u ké-n ôte lingaedje) : cåzer grandiveuzmint e francès.
peter des godoms, dire sacwants côps "godom", "meydiu", disdjurer.
el peter hôt.
- Gn a waire, a s’ feye k’ aléve a messe,
  Li mame k’ inme bén del peter hôt,
  Vina lyi braire di-stant l’ finiesse :
  « Ne marchez pas dans les poteaux !» — Joseph Vrindts, ”Vîx Lîge” (1901), p.49, “Ji vous, ji n’pous” (fråze rifondowe).