如東
行政区类别 | 县 |
县政府所在地 | 掘港镇 |
面积 | 1872 平方公里 |
方位 - 经度 - 纬度 |
东经 120°42′- 121°22′ 北纬 32°12′- 32°36′ |
气候 | 亚热带海洋性季风气候 |
平均气温 | 14.9℃ |
平均降水 | 1057毫米 |
人口 | 108.86万人(2004年末) |
民族 | 绝大多数为汉族,也有其他民族 |
国内生产总值(GDP) - 人均 |
人民币123.43亿元(2004年末) 人民币 11295 元 |
一二三产业比例 - 第一产业 - 第二产业 - 第三产业 |
(2002年) 30.7% 35.1% 34.2% |
识字率 | 92.4%(2004年末) |
县党委书记 | 严长俊 |
县长 | 詹立风 |
电话区号 | 513-84000000 (最后六位依地区而定) |
邮政编码 | 226400 (最后两位为地区编码) |
机动车牌照 | 苏F4XXXX (X可以是数字或大写字母) |
如东县(本地启海话: [lu] [toŋ])是中华人民共和国江苏省东南部个一个县,为南通地区个北三县之一。
历史
[编辑]如东为“如皋东乡”(即如皋东部地区个意思)个缩写。如东勒中华人民共和国成立之前,一直为原如皋县个一部分。1949年,中华人民共和国如东县人民政府成立。
搭其他南通中东部地区一样,现今如东一带古时候大都是长江口个沙洲或还弗曾成陆。
汉代,今如东中部一带有一块叫“扶海洲”(后来成为如东代名词)个沙洲。南北朝个辰光,搿块沙洲搭古扬州东部个砂咀并接。搿次并接使得扬泰砂咀(旧称蓼角嘴)朝东延伸了50多公里,到仔今长沙镇以东。
随仔唐宋时期范公堤等海岸工程个修筑,如东个陆地区域大致稳定下来。
到仔20世纪初,出身于南通地区个末代状元张謇实业兴国,组织江浙一带士绅勒长江口以北漫长个江苏海岸投资垦荒、围海造地,如东一带个沿海也勒当中。围垦不但帮如东加出来新个土地,还带过来海门、启东一带个移民。交关年数以来,围垦一直勿曾中断,如东个沿海目前仍有局部围垦活动。
部分事件
[编辑]- 日本和尚圆仁勒公元839年(唐文宗开成四年)前往中国。当时圆仁等人所乘个船勒如东沿海搁浅,伊俚登陆后曾经勒如东一带辗转。后来圆仁留居长安6年,于公元847年(唐宣宗大中元年) 返回日本。圆仁回到日本之后,写了《入唐求法巡礼行记》,书中记录了搿星经历搭当时如东一带个情况。
地理
[编辑]![](http://upload.wikimedia.org/wikipedia/wuu/thumb/3/36/Symbol_of_Rudong.jpg/280px-Symbol_of_Rudong.jpg)
如东位于苏中地区,长江三角洲北翼。如东东面搭北面濒临南黄海,隔海与韩国、日本相望。西部搭如皋,西北角子搭海安相连,南面搭通州为邻。
如东拥有106公里长个海岸线,海岸滩涂宽阔,有渔盐之利。另外,如东海岸常年大风,风力资源丰富,经实测,全年可供发电有效风时为7941小时。现在正勒到进行风力发电站个建设。
全境为冲积平原,土地肥沃。地势基本平坦,内地稍微比沿海高出一滴滴,标高一般勒海拔3.5—4.5米之间。地层主要为粉砂土层,地表数米余,为粉质粘土、粉土;深部以粉砂、细砂为主。地耐力一般为10~13吨/平方米。地质构造比较简单,相对稳定。居也是为啥如东呒得大地震(危害严重)个原因。
气候属亚热带季风性气候,温和湿润,四季分明。6、7月份有梅雨期,冬天有辰光有雪。
行政区划
[编辑]下辖十五个镇:
掘港镇 长沙镇 苴镇镇 马塘镇 双甸镇
袁庄镇 大豫镇 岔河镇 新店镇 曹埠镇
栟茶镇 丰利镇 河口镇 兵房镇 洋口镇
农业
[编辑]海产品丰富,是如东农业个特色。
可捕捞个各种近海生物资源繁多:贝类中以特产文蛤为最,其口味鲜美,年出口6000多吨(如东是全国最大个生产搭出口基地),此外还有竹蛏、泥螺、蚶子、蛤蜊等五十种。鱼类有一百种以上,以黄鱼、鲳片鱼、剥皮鱼、带鱼、刀鱼、板鱼、河豚等最有名。虾蟹类出名个有红虾、白虾、对虾及梭子蟹、大青蟹等。
河海也方便仔养殖业:如东著名个有紫菜、海带个海水养殖。对虾、扣蟹等个围塘养殖也勒迅速发展。
因为是平原地区,棉粮果蔬生产条件也非常良好。特别是冲积平原个沙质土壤适宜棉花个生长,皮棉产量尤为突出。
工业
[编辑]有纺织、医药化工、机械、电子信息、轻工、海洋生物等工业部门,拥有亚洲最大的毛巾、防护手套搭铁链生产及出口基地。
规划当中个洋口港区将会有重化工园区项目。
由于交通环境持续改善,临海型工业发展潜力非常大。
能源
[编辑]如东勒2005年前后获得了交关高额投资个能源项目。
- 江苏如东燃气电厂(建设中,规划装机容量为8×35千瓦)[1] 档案,存勒互联网档案馆当中。(2006年5月27号)
- 江苏如东25MW生物质发电工程(建设中,规划发电1.8亿千瓦时)[2] 档案,存勒互联网档案馆当中。(2006年5月27号)
- 如东东凌海上风电场项目(建设中,国家特许权示范项目,目标总装机规模为90万千瓦)
交通
[编辑]主要通过公路运输,有发达个长途汽车线路。
洋口港(建设中),大型散货、液体燃料深水港口,位于长沙镇。
人物
[编辑]- 李金华,中华人民共和国审计署审计长
- 管惟炎,中国科学技术大学前校长,中科院院士。
外部链接
[编辑]- 如东县官方门户 档案,存勒互联网档案馆当中。(2007年11月19号)
- 该文介绍着星如东数据
- 南通历史由来 档案,存勒互联网档案馆当中。(2006年9月3号)
- 如皋历史 档案,存勒互联网档案馆当中。(2007年5月14号)
- 经济现状 档案,存勒互联网档案馆当中。(2007年2月4号)
|