張衡

張衡 (78年－139年），字平子，漢南陽西鄂（今河南省南陽縣石橋鎮）人，係天文學家、數學家、發明家、地理學家、製圖學家、詩人、漢朝官員同學者。佢在洛陽同長安受教育，起初在南陽做小官，後來成為咗主要嘅天文學家，同埋響朝廷做官。佢喺歷史同曆法嘅問題上，毫不妥協，使佢當時成日爭拗，無法成為官方嘅史官。佢響漢順帝時期，政治上同宦官對抗，最後佢決定退出朝廷，去河北。佢返来南陽老家後無耐，朝廷就響138年召回，之下過無耐，響139年去世。

發明

張衡識力學同齒輪，用佢發明唔少嘢。佢發明咗水力渾天儀，係世界第一個，加多個缸，就變水鐘。佢重發明咗地動儀，探測到500公里外嘅地震。另外，佢又改進計算圓周率嘅方法。除咗響星表中，記錄咗2500粒星星，佢重研究埋月光同太陽嘅關係。佢討論咗月球嘅球形、佢反射陽光嘅亮嘅一面同黑暗嘅一面，以及日食同月食嘅原理。佢嘅賦同詩經常被佢以後嘅中國文人評論。張衡得到咗很多榮譽，一些學者公認為佢係通才。一啲現代學者，重將佢做嘅嘢，同托勒密（86－161）相提並論。1802號小行星，就係以佢個名命名。