吉野家
提示：呢篇文講嘅唔係吉野號。| Yoshinoya Co., Ltd. | |
 | |
| 類型 | 上市公司 |
|---|---|
| 開檔 | 1899年（創業） 2013年12月26號（現公司法人成立） |
| 創辦人 | 松田榮吉 |
| 總部地址 |  日本 〒103-8517東京都中央區日本橋箱崎町36番2號 |
| 業務地區 |  世界 |
| 緊要人物 | 河村泰貴（代表取締役社長） |
| 產業 | 食品服務業、日式快餐 |
| 產品 | 牛丼同日式快餐 |
| 網址 | www |
| Yoshinoya holdings Co., Ltd. | |
 | |
| 商業名 | 吉野家控股（吉野家HD） |
|---|---|
| 類型 | 上市公司 |
| 股票代號 | 東證1部：9861 |
| 開檔 | 1958年12月27號 |
| 總部地址 | 日本 〒103-8517 東京都中央區日本橋箱崎町36番2號 |
| 緊要人物 | 河村泰貴（代表取締役社長） |
| 產業 | foodservice  |
| 子公司 | 吉野家株式會社資產管理服務 100% YOSHINOYA AMERICA INC. 100% 台灣吉野家股份有限公司 83.43% 上海吉野家快餐有限公司 50% 深圳吉野家快餐有限公司 40% ASIA YOSHINOYA INTERNATIONAL SDN.BHD. 100% Yoshinoya (S) Pte. Ltd. 100% |
| 網址 | www |
吉野家（英文：Yoshinoya）係源自1899年嘅日本快餐店，最出名賣日式牛肉飯（牛丼），而家全球連鎖店超過1,700間。分店遍及日本、中國大陸、香港、台灣、新加坡、馬來西亞同埋美國加州等地。佢個名係日本漢字「吉」字，正式寫法係上「土」下「口」「𠮷」。佢個日本國內最大競爭對手係食其家，後者係日本最多分店。
2001年年底，由於日本出現瘋牛症個案，「牛丼」銷量遭受打擊。2003年，美國華盛頓爆發瘋牛症，而美國係牛丼牛肉主要來源，吉野家暫停入口美國牛肉，之後2004年2月11號重停賣牛肉飯，直到至2006年12月1號先至正常返。吉野家即刻舉行一日「牛肉飯復活大節」而且好受日本人歡迎[1]。
歷史
[編輯]- 1899年：喺日本橋魚市場正式開張，店名源自大阪府西成郡野田村字吉野（而家大阪市福島區吉野町）。
- 1987年：日本吉野家開始海外事業，美國丹佛1號店開張。
- 1988年：台灣吉野家開張。
- 1991年：喺香港開設首間分店。
- 1992年：分別喺北京及新加坡開設首間分店。
- 2006年：香港吉野家引入Shabu Shabu。
- 2007年：香港吉野家開始搞外賣速遞服務。
- 2010年：喺廣州開設首間分店。
- 2012年：喺港鐵站開設首間外賣店。
- 2013年：吉野家喺北京、天津、河北、吉林、遼寧、黑龍江、內蒙古等地區已經開咗304間。
- 2016年：香港吉野家慶祝成立25週年，大搞Shabu Shabu放題。
- 2018年：日本吉野家國內店舖數已經超過 1200 間，海外店舖數多過817間，遍及台灣、中國、美國、菲律賓、香港、新加坡、印尼、泰國、柬埔寨、馬來西亞。
重要事件
[編輯]中國同香港經營權
[編輯]
合興集團洪氏家族由2010年代前後，開始一一得到中國東北至華北地區，香港等地吉野家連鎖店特許經營權。中國大陸、香港吉野家公司同日本吉野家公司係唔同。
用「大陸米」、「美國牛」聲明
[編輯]2011年3月11號日本福島縣發生福島第一核電廠核災後，香港吉野家為網傳用過「福島米」一事解釋，佢以「我憤怒烏，已Call 999（報警）」發表聲明，指無用「日本食材」[2]。當佢話用黑龍江米之後，香港媒體轉述指有網友發嬲批評[3][4]。另外，由於吉野家係一間用「美國牛肉」做飯商店，早前美國牛肉爭議同瘦肉精風波都影響到公司，2012年當時停賣過牛肉飯一排[5]。
「獅子狗」事件
[編輯]2019年7月10號，香港吉野家Facebook專頁發文稱：「想食獅子狗，唔只大埔有。嘢可以亂食，名唔可以亂叫」，指「獅子狗」正確名稱為「竹輪」。由於「獅子狗」諧音同「撕紙狗」而引起爭議。香港多區因應反送中運動而出現「連儂牆」，警察介入同親中陣營人士一齊清除牆上文宣，遭相對人士貶稱做「撕紙狗」[6]。公關就有關大埔墟站連儂牆一事「抽水」雖得到泛民主派社運人士讚賞，但係得罪母公司合興集團洪明基。
洪明基表示自己係「撐警」，重話廣告出街前「事先唔知情，同埋好憤怒」所以話「炒人」。佢身為合興集團CEO，同時係中國大陸全國政協關係。洪生出聲之後，令公司引來大批人攻擊，有門市遭遇示威同「裝修拆鋪」，做唔到生意[7][8]，而無咁勇武派就表明「罷買」。由當時7月開始合興集團股價仆直，到10月創下接近20年新低點，10月15號得返0.1蚊，最高時係2007年10月18號有8毫2仙[9]。至10月尾觀察所得，事件發生後多個月，香港吉野家 Facebook 專頁已冇更新，同埋有好多批評留言同洗版[10]，去到2020年3月先至低調地鹹魚翻生。
參考
[編輯]- ↑ 新井一二三 (2008年8月1號)。《偽東京 - 吉野家圓勺子之謎》 (臺灣中文)。台灣：大田。頁 61-63頁。ISBN 9789861791012。
- ↑ 〈再澄清無用福島食材 吉野家憤怒烏，已報警〉 (香港中文)。2015年10月12號。歸檔時間2019年8月17號。
{{cite news}}: CS1 maint: unfit URL (link) - ↑ 〈夠膽自揭用黑龍江米 吉野家指符安全法釋疑〉 (香港中文)。2015年10月13號。原著喺2019年10月15號歸檔。
- ↑ 〈吉野家稱用「黑龍江日式米」 網民憤怒：中國米你食埋我個份〉 (香港中文)。
- ↑ 〈美牛爭議影響吉野家:停賣牛丼〉。《公視新聞網》 (臺灣中文)。2012年3月9號。
- ↑ 〈吉野家刪獅子狗正名竹輪Po惹熱議 別名其實來自忍者小靈精〉。《香港01》。原著喺2019年10月15號歸檔。
- ↑ 吉野家急刪「獅子狗」正名fb帖 撐警總裁劃清界線：已解僱負責廣告員工 互聯網檔案館嘅歸檔，歸檔日期2019年10月15號，. HKET 2019年7月12號
- ↑ 合興集團中期盈利跌7.7% 互聯網檔案館嘅歸檔，歸檔日期2019年10月15號，. 信報財經 2019年8月29號
- ↑ 合興集團(00047.HK) 阿斯達克
- ↑ 〈香港抗議者的「裝修」和人人自危的「親中」企業〉 (繁體中文)。BBC。2019年10月15日。
睇埋
[編輯]出面網頁
[編輯]
- 香港網絡大典：吉野家
- 吉野家（日本）（日文）
- 吉野家（美國）（英文）
- 吉野家（北京）（中文）
- 吉野家（遼寧、內蒙）（中文）
- 吉野家（上海）（中文）
- 吉野家（香港）（中文）
- 吉野家（台灣）（中文）
- 吉野家‧發現幸福嘅facebook頁
- 香港吉野家嘅facebook頁