大寫高度

大寫高度（英文：cap height），喺英文書法同字型設計，係指大楷字母嘅高度；而大寫頂綫（cap line）就指嘜maak1低爾個高度嘅一條綫。大寫頂綫喺寫書法嘅時候可以畫出來，作為打稿用嘅一種架生，做字型設計嗰陣亦都會顯示出來，但係喺其他情況基本上只係概念上存在。

所謂頂綫（top line）係一種英文書法嘅概念，指字母頂部概念上可以去到幾高（即係打稿嘅時候喺邊度畫綫），但係大楷字母同細楷字母係用兩條唔同嘅頂綫，所以大楷嘅大寫頂綫唔好同細楷嘅上升筆劃綫（即係細楷字母嘅頂綫）搞亂，一般來講，係大寫頂綫低過上升筆劃綫。即係話，有上升筆劃嘅細楷字母通常都高過同字款嘅大楷。

大寫高度

細楷字母對應大寫高度嘅，除咗上升筆劃綫之外，仲有一個叫 X 長嘅高度。