跳去內容

山手綫

出自維基百科，自由嘅百科全書
山手線列車

山手線（粵拼：saan1 sau2 sin3）係日本東京嘅通勤鐵路線之一，由東日本旅客鐵道（JR東日本）經營。列車運行路線全長34.5公里，共行經29個車站，全程（一次環狀運轉）大概61分鐘。路線代表色係黃綠色■。

（註：山手線嘅定義分為「路線名」同「列車運行」兩種。前者嘅範圍只限於品川站～新宿站～田端站段路線；後者就係包括JR東海道線、東北線部份路段在內嘅營運區間。本條目中關於山手線嘅描述，亦係「列車運行」定義上嘅山手線。）

簡介

[編輯]

山手線係東京都心部最大嘅鐵路運輸動脈，亦係東京鐵道路網嘅骨幹之一，目前全線用JR東日本開發嘅E231系電車行。環狀嘅運行路線連結都心部眾多主要地區；同大阪市嘅JR大阪環狀線同樣係日本都市通勤鐵路嘅代表。喺都市發展上，山手線已大致成為都市中心區域同市郊地帶嘅分界、鐵道交通轉接點。

由於東京地下鐵路線大多喺山手線環狀區間內側交錯佈設，私營鐵路線亦大多自環狀區間外側，向市郊呈放射狀分布，因此山手線嘅29個車站當中，有24個係除JR路線外其他路線嘅轉乘站。除咗可以轉新幹線嘅傳統轉線大站—東京站同上野站，以及同樣可以搭新幹線嘅品川站之外，西半邊嘅營運區間亦有池袋站、新宿站、澀谷站等幾條私鐵同地下鐵路線共同匯集嘅大型轉乘站，伴隨副都市中心嘅發展而出現。無論而家已有幾條地下鐵路線同私鐵路線相互直通運轉，但係山手線嘅地位並未受到影響。

運轉方式同特色

[編輯]
E231系電車上嘅列車運行資訊顯示螢幕

山手線列車喺環狀嘅運行路線上，都係循固定方向往復行。列車運轉模式分為「外圈」（外回 り，順時針方向）同「內圈」（内回 り，逆時針方向）：

  • 外圈：大崎站→澀谷站→新宿站→池袋站→上野站→東京站→品川站→大崎站
  • 內圈：大崎站→品川站→東京站→上野站→池袋站→新宿站→澀谷站→大崎站

（時間表上以大崎站作為列車每一次環狀運行間嘅分隔站。）

山手線嘅營運區間同好多其他JR路線嘅部份營運區間構成並行嘅關係，例如東半邊營運區間同JR東海道新幹線、東北新幹線、東海道線、東北線、京濱東北線、橫須賀線、總武線（快速）、中央線（快速／本線各站停車／中央‧總武線各站停車）、常磐線（快速／普通快速）；西半邊營運區間同JR埼京線、湘南新宿線等。由於山手線列車站站停，因此具有同其他路線快速列車間相互接駁嘅功能。而且山手線營運區間嘅車站間距亦比一般鐵路嚟得短，接近都市軌道運輸系統嘅平均站距。

歷史

[編輯]

山手線最早嘅原型係1885年3月1號通車嘅日本鐵道品川線（私營鐵道；赤羽站～品川站），係當時東京市區第一條南北向縱貫嘅鐵路線，並同官設鐵道嘅東海道本線交會；1903年4月1號，日本鐵道豐島線（池袋站～田端站）通車。日本鐵道喺1906年11月1號國有化後，原本嘅品川線同豐島線亦由1909年起統稱為「山手線」（取路線所行經嘅「山之手」區域為名），並將路線電氣化，開始行電車，營運區間亦有所延伸。

隨住新嘅東京站完工啟用，1919年，山手線嘅營運區間一度同延伸通車至東京站嘅中央線連接，形成「の」字形嘅運轉方式（中野站～東京站～品川站～池袋站～上野站）。直到1925年11月1號，上野站～神田站段完工，山手線先至真正轉變為環狀嘅營運區間。原本山手線列車响田端站～田町站段，同京濱線（亦即係後來嘅京濱東北線）電車共用軌道，1956年11月19號，複線軌道增設完成，山手線列車同京濱東北線列車分離運行，各自使用獨立嘅軌道設施。1972年，赤羽站～池袋站段同山手線分離，併入埼京線營運區間。

「山手線」名稱嘅日文讀法

[編輯]

早期「山手線」嘅日文平假名同羅馬字拼音，都係直接依漢字發音拼為「やまてせん」（Yamate-sen；Yamate）。但係由1971年起，當時嘅經營者—日本國有鐵道（JNR，1987年民營化為JR）決定將「山手線」全面統一拼為「やまのてせん」（Yamanote-sen；Yamanote Line）。關於作出呢個改變嘅原因，有兩種講法：國鐵方面認為，依路線名嘅起源嚟睇，「山手」拼成「やまのて」比較合理；另一種講法就係為咗避免同橫濱嘅根岸線「山手站」（やまてえき），以及後來起嘅神戶市起地下鐵「山手線」（依舊拼為「やまてせん」）互相撈亂。

用車

[編輯]
山手線E231系500番台電車

車站

[編輯]
  • 所有車站都位於東京都內
  • 日文表記：原始站名表記同中文有唔同先至列舉
中文站名 日文表記 累計距離
（km） 		轉乘路線
山手線
↑（內圈，環狀運轉）
品川 　 0.0　 JR東海道‧山陽新幹線
JR京濱東北線（快速／各站停車）、東海道線、橫須賀線
京急本線
大崎 　 2.0 JR埼京線、湘南新宿線
臨海線（りんかい線）
五反田 　 2.9 都營地下鐵 ○淺草線（A-05）
東急池上線
目黑 目黒 4.1 　 東京Metro ○南北線（N-01）
都營地下鐵 ○三田線（I-01）
東急目黑線
惠比壽 恵比寿 5.6　 JR埼京線、湘南新宿線
東京Metro ○日比谷線（H-02）
澀谷 渋谷 7.2 JR埼京線、湘南新宿線
東京Metro ○銀座線（G-01）、○半藏門線（Z-01）、○副都心線
東急東橫線、田園都市線
京王井之頭線
原宿 　 8.4 明治神宮前站轉乘：
東京Metro ○千代田線（C-03）、○副都心線
代代木 代々木 9.9　 JR中央線（本線各站停車／中央‧總武線各站停車）
都營地下鐵 ○大江戶線（E-26）
新宿 　 10.6 JR中央線（快速／本線各站停車／中央‧總武線各站停車）、埼京線、湘南新宿線
東京Metro ○丸之內線（M-08）
都營地下鐵 ○新宿線（S-01）、○大江戶線（E-27）
小田急小田原線
京王本線、新線
西武新宿線
新宿西口站轉乘：
都營地下鐵 ○大江戶線（E-01）
新大久保 　 11.9
高田馬場 　 13.3 東京Metro ○東西線（T-03）
西武新宿線
目白 　 14.2
池袋 　 15.4 JR埼京線、湘南新宿線
東京Metro ○丸之內線（M-25）、○有樂町線（Y-09）、○有樂町新線（未來副都心線的一部分）
西武池袋線
東武東上線
大塚 　 17.2 大塚站前站轉乘：
都電荒川線
巢鴨 巣鴨 18.3　 都營地下鐵 ○三田線（I-15）
駒込 　 19.0 東京Metro ○南北線（N-14）
田端 　 20.6 JR京濱東北線（快速／各站停車）
西日暮里 　 21.4 JR京濱東北線（各站停車）
東京Metro ○千代田線（C-16）
日暮里‧舍人線
日暮里 　 21.9 JR京濱東北線（各站停車）、常磐線（快速／普通快速）
京成本線
日暮里‧舍人線
鶯谷 　 23.0 JR京濱東北線（各站停車）
上野 　 24.1 JR東北‧山形‧秋田／上越‧長野新幹線
JR京濱東北線（快速／各站停車）、宇都宮線（東北線）、高崎線、上越線、常磐線（快速／普通快速）
東京Metro ○銀座線（G-16）、○日比谷線（H-17）
京成上野站轉乘：
京成本線
御徒町 　 24.7 JR京濱東北線（各站停車）
上野廣小路站轉乘：
東京Metro ○銀座線（G-15）
仲御徒町站轉乘：
東京Metro ○日比谷線（H-16）
上野御徒町站轉乘：
都營地下鐵 ○大江戶線（E-09）
秋葉原 　 25.7 JR京濱東北線（快速／各站停車）、中央線（中央‧總武線各站停車）
東京Metro ○日比谷線（H-15）
筑波快線（つくばエクスプレス，01）
神田 　 26.4 JR京濱東北線（各站停車）、中央線（快速／本線各站停車）
東京Metro ○銀座線（G-13）
東京 　 27.7 JR東海道‧山陽／東北‧山形‧秋田／上越‧長野新幹線
JR京濱東北線（快速／各站停車）、東海道線、中央線（快速／本線各站停車）、總武線（快速）、橫須賀線、京葉線（快速／各站停車）
東京Metro ○丸之內線（M-17）
有樂町 有楽町 28.5　 JR京濱東北線（各站停車）
東京Metro ○有樂町線（Y-18）
日比谷站轉乘：
東京Metro ○日比谷線（H-07）、○千代田線（C-09）
都營地下鐵 ○三田線（I-08）
新橋 　 29.6 JR京濱東北線（各站停車）、東海道線、橫須賀線
東京Metro ○銀座線（G-08）
都營地下鐵 ○淺草線（A-10）
百合鷗號（ゆりかもめ，U-01）
濱松町 浜松町　 30.8 JR京濱東北線（快速／各站停車）
東京單軌電車（東京モノレール）羽田線
大門站轉乘：
都營地下鐵 ○淺草線（A-09）、○大江戶線（E-20）
田町 　 32.3　 JR京濱東北線（快速／各站停車）
三田站轉乘：
都營地下鐵 ○淺草線（A-08）、○三田線（I-04）
高輪Gateway 　 33.6 JR京濱東北線
品川 　 34.5　 JR東海道‧山陽新幹線
JR京濱東北線（快速／各站停車）、東海道線、橫須賀線
京急本線
（外圈，環狀運轉）↓
由「https://zh-yue.wikipedia.org/w/index.php?title=山手綫&oldid=2195038」收