州

州，本義水中陸，住得人。及後引伸為地域分野。

商時渭水有族叫州，當地叫州，見於甲骨文、金文。

傳說禹分九州，借州字意思做大地分域，大地以大川分，之後又有十二州。

為咗分別，啲人另造新字洲，以表原意。到佛教傳入，佛教講世界，有講四洲，或者四大洲。近世借用大洲，對照西文，為世界分部，亞洲、歐洲咁。

漢時開以借州做行政分界，大政區分野。之後人越來越多，政區自然加多。咁樣，州又相應加多，州地越分越細，往往再上加級管州，近乎底層，最終同縣無差，廢棄。不過地名上，仍有殘留，如廣州、溫州、潮州等等，新行政分野，會用返個名，但唔係舊日州嘅意思。

古時日本、朝鮮、越南，都有用過州。現時亦有殘留地名。

現今州，唐人多數用來叫外國頂級行政分野，尤其係相當自主，多數聯邦制，如美國、德國咁。不過唔一定，有時會叫省或者邦。

字

甲骨文洲，川字中間一筆，正中有個圈，以示沙州陸地。

水中可居曰州，周遶其㫄，从重川。昔堯遭洪水，民居水中高土，或曰九州。《詩》曰：「在河之州。」一曰州，疇也。各疇其土而生之。

漢劉徹時，借州名做監察分界，由刺御史巡查。到黃巾之亂時，官演變成州牧，全權負責州內事宜，兼具軍權、政權。州自此轉成頂級行政區，下管郡，郡管縣，三級制。

南北朝時州數大增，一州所管地方變細。

隋唐反覆，二三級制，有時省州，有時復州，有時省郡，有時復郡。唐最終下為州縣上有道，三級定落來。州為中級。

宋時，道變成路，下領州，州領縣。重要嘅州會升為府。州為中級。

大元改制，最上為行中書省，省下有路、府、州、縣，五級制。唔一定一級級，有時會直轄。省管路，又會直管府，管州。路管府，又會直管州，管縣。府管州，又會直管縣。最尾州管縣。州為中下級。

大明改行中書省，叫承宣布政使司，不過多數叫省。精簡咗啲，省、府、州、縣，四級制。當中又有所謂直隸州。唔係全部都三級，只省州縣，另一啲地方，省府州。州有時底層，有時中層。

大清時，省、府、縣為主。另有州同廳。州係特設。有時設直隸州，下領縣，歸省管。有時府下唔叫縣，叫散州。

明清時，有啲府名，會承襲之前州名，如廣州府。

中華民國廢府州廳。無州。但有承襲州名，如廣州市。