李典
| 李典 | |
|---|---|
| 出生日 | 180年  （1844歲） |
| 出生地 | 鉅野 |
| 國籍 | 中華人民共和國 |
| 職業 | 軍人 |
[改維基數據] | |
李典（粵拼：lei5 din2，180年？—217年？），字
生平
[編輯]同老豆效力
[編輯]開頭同老豆李乾跟住曹操襲擊黃巾軍，喺壽張打敗黃巾軍。又參加征討袁術、攻打徐州呢啲戰役。佢老豆喺呂布別駕薛蘭、治中李封嘅招降下拒絕，俾佢哋殺害。李乾個仔李整帶領佢嘅兵馬，破薛蘭、李封佢哋，後嚟去世，封李典做穎陰令，中郎將，後嚟轉移做離狐太守。
攻打袁氏
[編輯]官渡之戰嗰陣李典負責押運糧草。袁紹輸咗之後，升做裨將軍。曹操攻擊袁尚、袁譚嗰陣李典同程昱負責押運糧草。袁尚嘅部下高蕃屯兵喺河上阻住曹軍用水道運糧，李典睇到高蕃輕敵，同程昱過河將佢擊敗。建安九年（204年），參與圍攻鄴城。建安十年（205年），同樂進喺壺關圍攻高幹。建安十一年（206年），喺長廣打底管承。封做捕虜將軍、都亭侯。
抵抗劉備
[編輯]建安七年（202年），劉表叫劉備北侵，夏侯惇帶領兵馬，劉備退兵誘敵，俾李典睇穿，但冇俾夏侯惇接納。夏侯惇同于禁進攻，俾劉備伏擊，但劉備又俾喺度留守嘅李典擊退。
幫合肥解脫危境
[編輯]建安十四年（209年），李典同張遼、樂進駐守合肥。建安二十年（215年），孫權帶兵包圍合肥，李典唔計私嫌同張遼一齊打倒孫權，威震逍遙津，幫合肥解脫危境。冇幾耐病逝，享年三十六歲，諡〔愍侯〕。