林卓廷
| 林卓廷 | |
|---|---|
 | |
| 出生日 | 1977年6月13號  （47歲） |
| 出生地 | 英屬香港 |
| 國籍 | 英屬香港、中華人民共和國 |
| 信奉 | 基督教 |
| 母校 | 香港中文大學 |
| 職業 | 政治人 |
| 政黨 | 民主黨 |
[改維基數據] | |
林卓廷（Lam Cheuk Ting，1977年6月13號—），香港泛民主派政客，花名「阿廷」、「高佬廷」、「咖啡廷」、「廷SIR」，身高六呎四，係第六屆香港立法會新界東選區議員、第五、六屆北區區議會民選議員（石湖墟選區，2016至2021年），同時亦係民主黨成員。
生平
[編輯]- 2018年6月13號
立法會二讀《廣深港高鐵（一地兩檢）條例草案》，林卓廷、尹兆堅等五名議員先後被逐出會議廳，期間林、尹二人聲稱畀保安員抬走時受傷，要送院治理。
- 2018年12月12號
以大埔區議會議員區鎮樺、沙田區議會議員丁仕元、卸任民主黨副主席李永成等人為首嘅「前綫系」率領59人退出民主黨，當中包括5名新界東區議員同6名社區主任。其中區、丁等人喺記者會批評林卓廷喺黨內隻手遮天，炮轟林卓廷「毫無政治道德」、「態度專橫」、「以權謀私」。林卓廷發聲明指指控嚴重失實，故意對佢作出人格謀殺。今次係民主黨繼2002年同2010年後再出現退黨潮。
- 2019年6月16號
譴責鎮壓撤回惡法大遊行當晚（當時正值香港修例風波初期），民主黨街頭發表演說，林卓廷聲稱「贏緊」林鄭月娥5:0，[1] 叫香港人「唔駛衝」。
事後呢句嘢被部分網民重覆抽水恥笑。[2]而佢亦曾經俾網民起咗「五比零」嘅花名。
- 2019年6月30號
林卓廷喺添馬公園舉行「撐警集會」期間離開立法會，經過海富中心天橋時畀人包圍同用粗口指罵，有人大嗌「掟佢落去」，有人企圖搶佢手入面嘅電話，向佢揮拳令佢眼鏡差啲飛甩，「有人捉住我條腰，有人用長遮插我腹部，被插中兩次；有男人捉住我左手，屈我無名指同尾指；亦有人向我頭部掟水樽」。林卓廷之後去瑪麗醫院驗傷並報警，譴責暴徒行為，希望警方儘快緝拿兇徒。
- 2019年7月1號
林卓廷喺朝早6點左右去咗金鐘發生衝突嘅地點巡邏，睇下示威者係咪需要協助，希望確保佢哋安全。12點左右，示威者開始包圍同衝入立法會，林卓廷到場叫示威者唔好咁做，仲試過下跪力阻衝擊。
事後網民形容依啲行為只係「割席」，但林反駁：「想佢哋衝入去，就係應該？」「乜都話人割席，咁冇得講」。仲話自己阻住示威者衝入立法會係為咗保護佢哋，同擔心佢哋安全；自己唔會責備同舉報佢哋。[1]
- 2019年7月中旬
有香港人包圍新城市廣場客戶服務中心，要求商場交代佢哋喺七一四沙田區大遊行之後發生嘅警民衝突入面嘅角色。林卓廷到現場聲稱「調停」，指見到有人帶鐵通入廣場，重話已經影咗相，呼籲香港人唔好作出暴力行為，隨即畀香港人喝倒采。有香港人嚴正警告林卓廷即刻刪咗啲相、公開道歉，並承諾以後唔再影「義士」嘅相，「否則現場再見到你當你狗咁Ｘ走。」
- 2019年7月21號
林卓廷趕去元朗西鐵站白衫人無差別攻擊市民事件現場，畀多人喺列車內圍毆，事後被送去屯門醫院醫。林卓廷嘴角縫18針，手臂骨裂。
- 2020年8月26號
林卓廷畀警方拘捕，話佢喺七二一元朗襲擊嗰陣「參與暴動」。
- 2021年3月31號
林卓廷因為參與泛民主派35+初選案被還柙，冇辦法履行區議員職務，正式劈炮。
攷
[編輯]出面網頁
[編輯]
| 主席 |  | ||||||||||
|---|---|---|---|---|---|---|---|---|---|---|---|
| 地方選區 | |||||||||||
| 功能界別 |
| ||||||||||