漢溪長隆站
| 漢溪長隆 HANXI CHANGLONG | |
| |
| 漢溪長隆站（7號綫）嘅站名 | |
| 概覽 | |
|---|---|
| 冧巴 | 303 705 |
| 位置 | 番禺區大石街道嘅長隆歡樂世界南邊 |
| 座標 | 22°59′45.6″N 113°19′28.2″E / 22.996000°N 113.324500°E |
| 車站色 | 3號綫： 7號綫： |
| 經過路線 | 3 7 |
| 啟站 | 3號綫：2006年12月28號 7號綫：2016年12月28號 |
| 月台數 | 2 |
| 站口數 | 6 |
| 營運資訊 | |
| 車站服務時間 | 06:05～23:52 |
| 列車服務時間 | 06:10～23:47 |
| 廣州地鐵3號綫 天河客運站 ◄大石 （3.1km） （6.2km）市橋► 海傍 | |
| 廣州地鐵7號綫 美的大道 ◄鍾村 （1.7km） （2.2km）南村萬博► 燕山 | |
漢溪長隆站（粵拼：hon3 kai1 coeng4 lung4 zaam6；英文：Hanxi Changlong Station），規劃同施工期間先後嗌過漢溪站（hon3 kai1 zaam6；Hanxi Station）同長隆站（coeng4 lung4 zaam6；Changlong Station），係廣州地鐵3號綫同7號綫嘅轉車車站，位置喺番禺區大石街道嘅長隆歡樂世界南邊附近。兩邊嘅站廳同月台開放時間都唔一樣，其中3號綫區域喺2006年12月28號開放，而7號綫區域喺2016年12月28號開放。
結構
[編輯]樓層
[編輯]呢個站一共有3層樓嘅地下區域。其中地下1樓係站廳同轉車通道，有票務設施，客務中心同商鋪、警務室；地下2樓係3號綫月台同7號綫設備；地下3樓係7號綫月台。雖然車站冇休息室，但廁所喺7號綫月台西邊。
打掂
[編輯]| 地下 １樓 |
3號綫站廳 | 售票機、客服中心、車站警務室 | |
| 轉車通道 | 往返3號綫同7號綫 | ||
| 7號綫站廳 | 售票機、客服中心、車站警務室 | ||
| 地下 ２樓 |
7號綫設備區 | 7號綫車站設備 | |
| 2月臺 | ←3號綫列車去大石站（行天河客運站 / 機場北嗰邊） | ||
| 1月臺 | 3號綫列車去市橋站（行海傍嗰邊）→ | ||
| 地下 ３樓 |
4月臺 | ←7號綫列車去鍾村站（行美的大道嗰邊） | |
| 3月臺 | 7號綫列車去南村萬博站（行燕山嗰邊）→ | ||
打橫
[編輯] |
 |
 |
 |
 |
 |
站廳
[編輯]站廳分開咗3號綫同7號綫兩個。由於其中一個站廳喺2002年起，另一個站廳喺2012年起，所以兩個站廳色系同裝修風格都唔一樣。其中3號綫係海綠色嘅焗漆牆面，站廳天花板嘅裝飾都係平行嘅長方形框架；而7號綫係草綠色嘅玻璃板牆面，站廳天花板嘅裝飾都係圓角六邊形框架。兩個站廳啱好形成個數學符號「＜」噉。
收費區方面，7號綫喺東北站廳西南角，3號綫喺西南站廳東北角。由於兩個站廳嘅收費區都有轉車嘅通道連埋一齊，所以免費區之間唔相通。不過每個站廳都有好多部𨋢、扶手電梯同樓梯往返邊條綫嘅月台都得，而且周邊重有好多商舖圍住收費區。
月台
[編輯]呢個站一共有2個月台，其中3號綫月台喺新光快速路東北角地底，而7號綫月台喺漢溪大道東嘅地底。其中3號綫喺上邊，7號綫喺下邊。兩綫月台整成似數學符號「＜」噉，但兩個月台之間冇聯絡通道連埋一齊。
另外，喺3號綫南邊嘅區間接近呢個站位有條渡綫。若果3號綫北段出冬瓜豆腐時，去天河客運站同廣州白雲國際機場啲車都會攞呢個站做總站，跟住喺呢條存車線返轉頭。屆時去大石到機場南、天河客運站啲中途站嘅要轉其它交通工具先至得。同時呢條渡綫用嚟畀3號綫南邊啲車或工程車入去區間嘅側線。
商舖同自助服務
[編輯]而家嘅漢溪長隆站入面有便利檔同洗衫檔、羊城通服務中心等呢啲鋪頭，但凈喺3號綫區域出現。
另外，漢溪長隆站入面重有自助服務設施畀乘客用，包括咗自動販賣機同自動影相機等；重有可以充羊城通、交水電費同交通嘅罰錢、查地鐵嘅路線、頭尾班車同埋地鐵嘅安全指引同畀乘客登記變成廣州地鐵薈嘅會員嚟查獎分、換獎品嘅服務。
|
|
出入口
[編輯]| 漢溪長隆站冚唪唥嘅出入口 | ||||||||||
|---|---|---|---|---|---|---|---|---|---|---|
|
呢個站一共整咗6個出入口，分別係A、C、D、E、F，G。但A、C同D、E、F、G出入口之間都屬兩個唔同站廳，係因為舊時3號綫西北角近北邊出入口通道已經改成轉車通道同納入收費區，所以兩邊嘅免費區唔相連。
| 冧巴 | 標記 | 方位 | 去到邊度 |
|---|---|---|---|
| 3號綫站廳 | |||
出入口A  |
漢溪大道 | 漢溪大道 | |
| 出入口C | 漢溪大道 | 漢溪大道、停車場、地鐵漢溪長隆站公交總站 | |
| 7號綫站廳 | |||
| 出入口D | 漢溪大道 | 漢溪大道 、地鐵漢溪長隆站巴士站（西行） | |
出入口E  |
廣州長隆旅遊度假區 | 新光快速路、長隆旅遊度假區（長隆歡樂世界、長隆野生動物世界、長隆水上樂園、長隆國際大馬戲、長隆酒店）、地鐵漢溪長隆站公車站（東行） | |
| 出入口F | 漢溪大道 | 漢溪大道、新光快速路、地鐵漢溪長隆站巴士站、地鐵漢溪長隆站巴士站（東行） | |
出入口G  |
漢溪大道 | 漢溪大道、樓巴車站、奧園城市天地、地鐵漢溪長隆站巴士總站、地鐵漢溪長隆站巴士站（東行） | |
| 註： 有盲人引導徑 | 有輪椅升降臺| 有𨋢
| |||
車站歷史
[編輯]3號綫
[編輯]規劃
[編輯]呢個站最先喺2000年份廣州地鐵規劃入面出現咗。嗰時番禺撤市改區，原先3號綫向南延長到番禺廣場，重喺漢溪大道東同規劃緊嘅新光快速路交界位整咗個站，位置同而家差唔多。
施工
[編輯]- 2002年2月：3號綫正式喐手起時亦開始動工。
- 2004年8月9號：大石到漢溪嘅區間右線隧道順利貫通[1]。
- 2006年9月：車站正式起好。
開通
[編輯]2006年12月30號，由於3號綫一期全線通車，呢個站亦正式開放。期間一直做3號綫嘅中途站身份直到2016年12月28號中午為止。
7號綫
[編輯]規劃
[編輯]喺2003年嘅地鐵規劃入面未出現呢個站，嗰時嘅7號綫行大石站而唔經呢個站，但係到咗2010年地鐵規劃時，改咗而家呢個站嚟停。
施工
[編輯]- 2013年11月11號，車站正式喐手起[2]。
- 2015年8月23號，呢個站到鍾村段之間嘅右線盾構隧道正式貫通[3]。
- 2015年9月25號，呢個站到鍾村段之間嘅左線盾構隧道正式貫通[3]。
- 2015年11月30號，呢個站到鶴莊段之間嘅左線盾構隧道正式貫通[4]。
- 2016年2月28號，呢個站到鶴莊段之間嘅右線盾構隧道正式貫通[5]。
開通
[編輯]2016年12月28號，喺3號綫一期全線通車10週年之際，當日中午受到7號綫一期開通嘅影響，呢個站嘅7號綫區域亦正式開放而成為3號綫同7號綫嘅轉車車站。
站名搞出大龍鳳
[編輯]中文名
[編輯]車站喺規劃初期，由於就近地方屬漢溪村而改成漢溪站個名。到施工期間，由於E出入口會去到長隆旅遊度假區，所以喺2006年5月改名做長隆站，但無耐俾好多居民話站名有偏向企業一方嫌疑，重質疑3號綫開通後，長隆集團會唔會利用呢個站搞額外收費嘅問題[註 1]。後嚟喺市民強烈改名嘅要求情況下，廣州市人民政府同廣州市地名辦喺2006年8月22號決定又將呢個站改次名，變咗而家嘅漢溪長隆站[6]。
英文名
[編輯]呢個站嘅站名雖然用咗「長隆」兩個字，但佢嘅英文譯名方面，雖然長隆集團同佢嘅產業都有「CHIMELONG」個名，但地鐵方冇用到佢屬下嘅產業英文名，連7號綫嘅英文站名都係一樣冇用到。
出入口
[編輯]
車站開通初期有A、C、D、E呢4個出入口，而且個個都相通。但2013年11月11號因為起7號綫而封閉咗D出入口[2]，隨後喺2014年4月19號又封閉咗E出入口[7]。嗰時凈得返A同C兩個出入口，但D出入口圍蔽範圍大到去A出入口附近對出馬路；至於C出入口，原先附近係臨時商業街，2015年11月18號商業街撤場後俾好多圍墻同鐵絲網圍住，令街坊以為呢個站封閉咗而成為出行難問題[8][9]。後嚟番禺區相關部門話，A出入口因為成日有五類車喺地鐵門口搞搭客生意，政府係要打擊所以噉做[8]；而C出入口係臨時商業街喺2015年8月3號收到當地政府部門發出嘅《收地通知》，加上商業街方已經通知搭臨時商業街條友交地，但條友一直唔肯撤場，直到2015年11月18號俾當地政府出大絕先至得[8]。嗰時出入呢個站非常之唔方便，令好多喺呢度玩或住啲人要揀其它交通工具出入廣州或番禺[註 2]先至得。
以上情況直到2016年12月28號中午D同E出入口重新開放返先至完全改善[10]。雖然車站多咗F同G兩個出入口，但原先嘅D同E出入口從3號綫區域變成7號綫區域同F、G呢兩個出入口相連。佢同A、C出入口之間嘅區域俾轉車通道隔開咗，加上轉車通道已納入收費區，所以兩者通道都唔再相連。
原先D同E出入口用嘅係海綠色嘅焗漆牆面，但因為要起7號綫而暫時封閉咗。2016年12月28號中午重新開放時，D同E出入口變成草綠色嘅玻璃板牆面。而D出入口從漢溪大道南邊改到漢溪大道北邊。
事件
[編輯]強制市民卸咗恐怖化粧
[編輯]2019年10月20號，有網上發佈短片話呢個站嘅E出入口喺入站安檢時，發生咗要求好多位乘客必須要「卸妝」先至畀入站搭車嘅事[11]。呢單嘢出街之後，好多中國大陸網上都出現話題。事發第二日，據廣州地鐵嘅工作人員解釋，話因爲近幾日臨近萬聖節，喺長隆歡樂世界嗰邊搞咗個「今晚搞乜『鬼』」嘅活動，要求部份市民化粧到比較恐怖（例如帶血跡或恐怖題材嗰啲）個樣入去參加主題活動。雖然話咁恐嚇嘅化粧樣喺嗰個遊樂場冇乜唔多妥，但係由於漢溪長隆站本身係地鐵站，本身係密實嘅空間，加上2010年代初，廣州當地啲差佬發佈過一系列提醒話冇化埋嗮啲好易嚇嚫第啲乘客嘅粧嚟搭地鐵。畢竟唔係所有人都接受化咗恐怖粧啲事[12]。
利用狀況
[編輯]呢個站周邊除咗長隆旅遊度假區同埋漢溪村之外，冇任何建築。嗰時除週末或節假日外，其它時段都拍嗮烏蠅。隨住附近有好多間商業中心陸續起好[13]，亦改變咗車站開通初期一直冇乜人上落嘅情況。原先附近有個巴士總站，專畀乘客坐巴士同樓巴等其它交通工具去到鍾村同南村等城鎮區域或祈福新邨、雅居樂等大型樓盤。所以嗰時出入站除工作日早晚高峰時段比較多人及節假日因為有人去長隆嗰邊玩而比較多人上落之外，其它時段都拍嗮烏蠅。自從2016年12月28號中午開通咗7號綫之後，原先到雅居樂、鍾村同南村、祈福新邨啲人都唔再喺呢個站出站轉巴士。喺低峰時段，好多時有人流出入站或轉車。
由於早高峰時段同好天週末、節假日間，呢個站都有好多人上落，所以早高峰同週末、節假日時段成日有客流控制措施。
高峰客流控制時間
[編輯]每個禮拜一到五，07:40～09:00。週末好天或節假日啱開始幾日時，車站會不定期採取高峰客流控制措施。
附近嘅建築同景區
[編輯]
公園
[編輯]樓盤
[編輯]酒店
[編輯]文化牆
[編輯]註同攷
[編輯]
- 註
- 攷
- ↑ 〈地铁三号线盾构工程完成一半 首个盾构区间贯通〉。南方网。2004-10-30。
- ↑ 2.0 2.1 〈汉溪长隆站D出口今起封闭〉。《信息时报》。網易。2013-11-11。原著喺2018-02-23歸檔。喺2017-02-01搵到。
- ↑ 3.0 3.1 〈七号线【钟村站～汉溪长隆站】区间双线贯通〉。《广州地铁》。2015-09-25。原著喺2020-09-08歸檔。喺2017-02-01搵到。
- ↑ 7号线汉溪长隆站～鹤庄站区间左线顺利贯通 互聯網檔案館嘅歸檔，歸檔日期2015-12-02. 地铁族
- ↑ 〈广州地铁七号线最后一段隧道贯通 力争年底开通〉。图吧地铁。2016-03-09。原著喺2020-03-28歸檔。喺2017-02-01搵到。
- ↑ 〈三号线一车站两度改名〉。《新華網》。2006-08-23。原著喺2010-02-08歸檔。喺2017-02-01搵到。
- ↑ 〈关于汉溪长隆站E出口关闭的通知〉。长隆集团。2014-04-14。
{{cite web}}: CS1 maint: url-status (link) - ↑ 8.0 8.1 8.2 〈汉溪长隆地铁站出口"设围墙"〉。《信息时报》。2015-12-12。
{{cite news}}: CS1 maint: url-status (link) - ↑ 〈汉溪长隆地铁站A口装铁门C口砌围墙 数万居民出行不便〉。《新闻日日睇》。O, I, See 微信。2015-12-09。
{{cite web}}: CS1 maint: url-status (link) - ↑ 〈关于汉溪长隆站E出口及D出口开放的通知〉。长隆集团。2016-12-23。原著喺2020-03-28歸檔。喺2017-02-02搵到。
- ↑ 〈广州地铁安检要求乘客卸妆:妆容惊悚 避免引起恐慌〉。《北京时间》。網易。2019-10-21。
- ↑ 〈广州地铁安检时要求多名乘客卸妆 回应：因妆容"带有血迹" 避免引起恐慌〉。《北京时间视频》。網易。2019-10-21。原著喺2019-10-22歸檔。喺2019-10-22搵到。
- ↑ 〈番禺石壁 荒地野草过人头 汉溪长隆 十栋高楼平地起(组图)〉。《广州日报》。網易。2014-09-19。原著喺2016-12-30歸檔。喺2017-02-02搵到。
上一站·下一站
[編輯]| 上一站⇚⇚ 廣州地鐵 ⇛⇛下一站 | ||
| 大石站 天河客運站← |
漢溪長隆站 3號綫 |
市橋站 →海傍站 |
| 鍾村站 [[[美的大道站]]← |
漢溪長隆站 7號綫 |
南村萬博站 →燕山站 |
| |||||
