聖芳濟書院 (香港)

聖芳濟書院 St. Francis Xavier's College
溫良剛毅 Suaviter in Modo; Fortiter in Re（拉丁文） Gentle in Matter; Resolute in Action（英文）
地址
香港九龍大角咀詩歌舞街45號
明細
類	津貼中學
校訓	溫良剛毅 Suaviter in Modo; Fortiter in Re（拉丁文） Gentle in Matter; Resolute in Action（英文）
宗教聯繫	天主教
成立	1955年
Locale	英文
校監	陳運財修士
校長	梁文輝先生
教師人數	約57名
註冊學生人數	約750人
校色	綠色
辦學團體	聖母昆仲會
電話	+852 2393 2271
傳真	+852 2391 6101
網站	http://www.sfxc.edu.hk

聖芳濟書院（St. Francis Xavier's College）係香港九龍大角咀一間男子天主教英文中學，由聖母昆仲會修士響1955年創立。佢係新中國成立之後響上海搬到香港嘅學校，同荃灣聖芳濟中學係兄弟學校。

歷史

1891年（光緖十七年），聖母昆仲會修士去到大清，並喺1893年（光緒十九年）獲邀去到聖芳濟書院 (上海)教書。佢哋喺1950年中華人民共和國成立後走難來到英屬香港，喺聖馬丁書院執教，從此展開咗教育使命。1955年12月9號，全體師生搬咗去學校現址上堂。呢間學校為咗突顯同上海聖芳濟書院嘅聯繫，正式命名為聖芳濟書院。

大事記

• 1955年12月9日——聖芳濟書院創校，第一任嘅校長係竇安寧修士（Rev. Bro. Kenny T. Doheny）。
• 1960年9月——學生數目去到1000人。
• 1963年5月——顧鴻勳修士（Rev. Bro. Vincent Kunert）接任第二任校長。
• 1964年12月6日——第一代校報《文宬》（Athenaeum）出版。
• 1969年——第二代校報《聖芳濟學報》（Xaverian）出版。
• 1971年8月——Rev. Bro. Gregory Seubert接任第三任校長。
• 1975年8月——魏岫山修士接任第四任校長。
• 1987年1月——第三代校報《芳泉》出版。
• 1989年10月1日——四社系統正式運作，並以校訓（溫良剛毅）命名四社。
• 1994年8月——第四任校長魏岫山修士退休，鍾振勇修士接任第五任校長。
• 2005年——創校50周年、新翼啟用。
• 2006年——第五任校長鍾振勇修士退休，袁志輝先生接任成為第一位世俗校長。
• 2010年——第六任校長袁志輝先生退休，由副校長何定先生接任第七任校長。
• 2011年9月——學校正式縮班，中一班別由五班（F，J，M，R，V）縮至四班（A，B，C，D）。
• 2012年9月——學校正式推行中一、中二級別精英班制度，中二班別由五班縮至四班。
• 2013年8月——第七任校長何定先生退休，由副校長姚廣智先生接任第八任校長。
• 2016年9月——中一、中二再次增至五班（A、B、C、D、E）
• 2017年9月——中三增至五班（A、B、C、D、E）

學生組織

呢間學校嘅學生組織一共分為八類，分別係學生會、社、學術類、興趣類、宗教類、服務類、體育類、服務類同埋校隊。大部分嘅學生組織嘅招生、行政同財務事宜，除咗年度計劃同埋報告要經顧問老師審核之外，其他全部由學生自己管理。

社

• 呢間學校有四個社，分別係溫社、良社、剛社同埋毅社，代表着呢間學校溫良剛毅嘅校訓。
• 呢間學校所有嘅學生同老師都有自己所屬嘅社。
• 每個社每年都會透過四項比賽，包括運動會、高同低級社制比賽同埋水運會，爭奪全年總冠軍。

校隊

• 呢間學校有大概十五隊校隊畀學生參加，喺音樂方面，有管樂團、弦樂團同合唱團；體育方面，就有多項課後體育訓練班（好似曲棍球、壁球、游水、劍擊）畀學生參加；同時亦都有中英文辯論隊；有興趣嘅同學經選拔之後就可以加入校隊受訓。

文化

聖芳濟精神

喺聖芳濟書院讀嘅學生會俾人叫做「濟記仔」（英文：Xaverian）。

喺七八十年代，學生同舊生之間成日講「四海之內皆兄弟」嘅概念，以表示學校裏面唔同人嘅密切關係。之後，就變咗強調「Once a Xaverian, Always a Xaverian」，即係學生同學校之間嘅關係。

「三自」

自七十年代到而家，學校都積極提倡「三自」思想，修士相信，聖芳濟嘅學生有「自動自覺、自我控制、自重重人」三種自律嘅精神。

學校畀學生着波鞋或者皮鞋。大部份學生都係着波鞋返學，主要嘅顏色好似黑、白、軍藍、墨綠、暗紅、灰色等等，穿着顏色鮮艷同埋設計誇張嘅波鞋係唔畀嘅。學生喺冇體育堂嘅日子都可以着波鞋返學，所以成為學校學生嘅特色。襪一般唔可以有花紋同唔可以着船襪。

喺香港嘅中學，只係得聖芳濟書院、聖類斯中學同荃灣聖芳濟中學畀學生喺所有嘅上堂日子着不限單色嘅波鞋。

醜聞

校長姚廣智俾人話喺2016年開始設立「書面備忘」（Written Reminder）處分機制，去到2019年已經向唔同老師畀咗超過廿張。理由好似無即刻處理學生上堂瞓覺等。經報導後佢向所有被收到「書面備忘」嘅老師道歉。