金山區 (新北)
金山區係中華民國臺灣新北市嘅一個區，位於新北市北部，面積49.21平方公里，人口2.2萬。金山區境內有台灣位置最北嘅溫泉：金山溫泉，日治時期曾經喺呢度設置總督行館，開發溫泉休憩，近年嚟又因為溫泉旅遊熱潮而逐漸受到重視。除此之外，由於同陽明山之間嘅交通便捷，亦都令金山區成為北海岸嘅重要遊憩點。金山區係北濱地區嘅精華所在，擁有鑲嵌住突出岬角、弧形沙灘嘅綿長海岸線、翠綠嘅山川田園，同埋由磺溪沖積而成嘅肥沃平原，從大屯火山群一直向海延伸，密佈住形狀唔規則嘅水田。
歷史
[編輯]金山區喺4500年前，已經係史前人類嘅活動領域。十七世紀中葉以前，呢區係平埔族凱達格蘭族金包里社群（巴賽語：Ki-taparri）嘅聚居地。有另一個講法係有人曾經喺磺溪發現金沙（其實係硫，因為金山地區唔出產黃金，九份同埋金瓜石先有出產），所以就用符合發音同埋譯名嘅「金包里」呢個稱呼。[1]
史前
[編輯]金山區擁有豐富嘅考古遺址同埋文化遺物，而且係臺灣少數史前文化能夠連結近代原住民族文化傳承嘅地區之一。由東北嘅雙溪河口流域延續到金山區一帶，全部都屬於舊社文化嘅分布區域。呢區嘅原住民族，就係最具海洋文化特色嘅馬賽人-金包里社群。大屯山麓特產嘅硫磺，成為北部原住民同埋其他外來者—荷蘭人同埋漢人貿易嘅主要商品。
西班牙時期
[編輯]西班牙人佔據北臺灣16年，分三個省區：淡水省區（大雞籠/金包里地區、淡水地區）、噶瑪蘭省區，同埋哆囉滿省區，金包里地區包含2到3個村落。記載金包里人活動範圍已經達到淡水河口，並且控制部分硫磺礦產。
荷蘭時期
[編輯]1642年8月21號荷蘭人北上攻打雞籠，25號佔領西班牙人嘅城堡。1642年9月22號，北濱嘅大雞籠社、金包里社同埋三貂社等就表達願將土地獻畀荷蘭東印度公司，荷蘭人亦分贈王子旗畀各社。文獻記載金包里社喺1647年有84戶，288人；1655年有48戶，157人。
清朝時期
[編輯]金包里社首度出現喺1700年（康熙39年）郁永河嘅《裨海紀遊》，係嚟到臺灣漢人嘅對北海岸某啲原住民村落嘅稱呼。由1684年（康熙23年）到1894年（光緒20年），金包里社落入清廷嘅管轄。到咗1684年（康熙23年）屬於福建省臺灣府諸羅縣，1723年（雍正元年）改為隸福建省臺灣府淡水廳，1875年（光緒元年）又改為隸福建省臺灣府基隆廳，1888年（光緒14年）再度改為臺灣省台北府基隆廳轄下。郁永河喺裨海紀遊曾經描述「金包里係淡水小社，亦產硫，人性巧智」。清朝嚴禁採硫，但係依當時美國人李讓禮觀察，私採偷製嘅人仍然好多，喺大油坑結聚成村落。
日治時期
[編輯]早期金包里堡，包含今日金山區同埋萬里區。大正9年（1920年），臺灣實施州郡街（庄）制，改為日式地名金山，設金山庄，隸屬臺北州基隆郡。
| 時間 | 行政區所屬 |
| 1895年（明治28年） | 臺北縣基隆支廳 |
| 1897年（明治30年） | 臺北縣金包里辨務署 |
| 1898年（明治31年） | 臺北縣基隆辨務署 |
| 1901年（明治34年） | 基隆廳金包里支廳 |
| 1909年（明治42年） | 臺北廳金包里支廳 |
| 1920年（大正9年） | 臺北州基隆郡 |
臺灣戰後時期
[編輯]1945年臺灣戰後時期後，改設臺灣省臺北縣金山鄉。2010年12月實施五都改制，改為新北市金山區。
組織
[編輯]區本部
[編輯]- 區長
- 主任秘書
業務單位
[編輯]- 民政災防課
- 社會人文課
- 工務課
- 農經課
- 秘書室
- 人事管理員
- 會計室
- 調解委員會
- 里辦公處
政區
[編輯]金山總共有十五里：
- 和平里：舊時叫做金裡村，因為金包里地區而有呢個名。
- 大同里：舊時叫做金鄉村。
- 豐漁里：原名水尾村，位於金包里溪同埋磺潭溪嘅交匯（員潭溪）出海口，水尾漁港就係喺呢度。
- 磺港里：磺溪入海口，金山地區漁會、磺港漁港就係喺呢度。
- 美田里：舊時叫做田心子。
- 五湖里：原本係五福同埋南勢湖兩條村分別管轄，由行政區域調整而嚟。
- 重和里：重光、三和兩村合併而來。
- 兩湖里：由葵扇湖同埋倒照湖兩條村落組成。
- 六股里：舊時叫做六股莊。
- 三界里：村裏面建有三界公廟，名稱叫三界壇。
- 清泉里：里裏面有清水溪、後方有西勢溪。
- 西湖里：里裏面西勢湖，係村名嘅由來。
- 萬壽里
- 永興里：由永樂、民興兩條村合併而嚟。
- 金美里：2005年6月1號行政區域調整，由美田里分出嚟。
歷屆首長
[編輯]
鄉長時期
[編輯]| 屆次 | 姓名 | 備註 |
|---|---|---|
| 1 | 李龍洲 | |
| 2 | 李龍洲 | |
| 3 | 李龍洲 | |
| 4 | 林國治 | |
| 5 | 林國治 | |
| 6 | 王其清 | |
| 7 | 李連旺 | |
| 8 | 李連旺 | |
| 9 | 李國芳 | |
| 10 | 蕭福助 | |
| 11 | 李國芳 | |
| 12 | 許春財 | |
| 13 | 許春財 | |
| 14 | 游忠義 | |
| 15 | 許春財 |
區長時期
[編輯]| 任次 | 姓名 | 備註 |
|---|---|---|
| 1 | 楊志宏 | |
| 2 | 李偉人 | |
| 3 | 陳國欽 | |
| 4 | 廖武輝 |
自然環境
[編輯]金山區主要由大屯山北麓紅土階地、磺溪、金包里溪、員潭溪，同埋西勢溪沖積嘅平原構成。
地形
[編輯]金山平原係三角洲平原，磺港半島係質地較硬嘅五指山層，半島尖端係岩礁一形成嘅海上燭台。金山岬向東北方延伸，中間有國聖灣阻隔，同野柳岬相望。沙丘發達，磺溪迂迴繞海灘出海。
特殊火山地形
[編輯]金山區嘅北、西、南三邊畀火山地形圍繞，可再細分地形為火山口、火山體、熔岩台地、火山窪地同埋噴氣孔。
火山口
[編輯]- 磺嘴山火山
- 位於重和里南邊，火山口形成長130、寬30公尺嘅水池磺嘴池。磺嘴山同大油坑之間有另一馬蹄狀嘅火山口，高約860公尺，係舊時採硫磺嘅礦場。
- 大油坑火山口
- 喺本區最南端同埋臺北市士林區交界嘅地方，而家劃入陽明山國家公園。
- 竹子山火山口
- 喺本區重和里同埋三芝區、臺北市北投區交界處，火山口位於竹子山（高度1095m）嘅南側，係北磺溪嘅發源地。
火山體
[編輯]- 有錐狀嘅磺嘴山，主要係角閃兩輝安山岩組成。大屯火山群第二高峰嘅竹子山，東坡坡度陡峻，熔岩流範圍相當廣，向北可以達到富貴角與麟山鼻。
熔岩台地
[編輯]- 磺嘴山噴發熔岩，向北流喺本區形成秀峰坪—大孔尾同埋及硫磺仔坪台地、向東南流向萬里區形成鹿堀坪同埋大坪台地、向西北流將重和里八煙一帶切割成八煙同埋高厝兩處低緩平地。
火山窪地
[編輯]- 位於本區三界里同埋兩湖里、倒照湖同埋西勢湖一帶。窪地開口向東南，可能係受磺溪西北—東南向嘅支流侵蝕所致。
噴氣孔
[編輯]大屯火山區嘅噴氣孔分布喺金山斷層以東，北投到金山沿線之間。長18公里嘅硫氣孔，喺金山區主要有4處：
地質
[編輯]喺250萬年前形成金山到新莊嘅逆衝斷層，斷層線上的破裂地帶引起嘅火山活動，延續到50萬年至約30萬年前左右至漸漸休止，成為大屯火山群，而喺呢條逆衝斷層上嘅金山區，亦產生好多源源不絕嘅溫泉水脈。本區地層依序由老而新為：中新世早期同晚期嘅沉積岩、更新世大屯火山熔岩、現世沖積層砂丘。火成岩分佈喺本區東西兩側，因大屯火山群嘅熔岩覆蓋而成，地層多屬更新世嘅火山岩。沈積岩就多屬中新世晚期，分佈於本區西北方，沖積層就沿磺溪沿岸分佈，至下游堆積成一沖積平原。
溫泉
[編輯]大屯火山群嘅溫泉地熱活動，分佈喺北投同金山之間，長約18公里寬約3公里嘅狹長地帶。熱源由深部向上儲存喺五指山層，喺七星山馬槽區下方最熱，而火山碎屑岩受熱水換質作用矽化形成黏土，形成本區溫泉嘅良好覆蓋層，金山岬嘅溫泉區，係五指山層喺金山區嘅露出點。
水資源
[編輯]金山沖積平原嘅含水層，係由第四紀未固結現代沖積層所構成。礫石、粗砂同砂土等未固結材料，厚度大約有200公尺，原生孔隙、高滲透性、孔隙連通良好，可由自身嘅水力坡，輸出相當可觀嘅水量。
轄區內有大細幾十條溪流，以磺溪最大。北磺溪出自七星山北麓，另兩條較主要嘅河流係清水溪同埋西勢溪。清水溪源自兩湖里葵扇湖山頭，而西勢溪以西湖里西勢湖山頂為發源地。
危險水域
[編輯]金山區危險水域有9處：
- 水尾漁港右側沙灘
- 水尾一線天岩岸
- 磺港漁港旁沙灘
- 磺溪出海口兩側沙灘
- 中角珠沙灣海域
- 中角漁港
- 永興漁港
- 水尾附近海域
- 中角、沙珠灣附近海域
洋流
[編輯]
金山海域嘅洋流，5月到10月嘅春夏溫暖季節有嚟自巴士海峽嘅暖流黑潮[2]，11月到4月較寒冷嘅季節，就有由日本、琉球群島而嚟嘅寒流親潮[3]。
黑潮係北部海域最重要嘅漁產來源，當中包括鰹魚同吞拿魚等經濟價值高嘅魚種[4]。
親潮係北部海域另一個魚汛，主要係南返嘅黑潮迴游魚類，包括經濟價值高嘅鰆（土托鰆、馬加鰆、闊腹鰆）同黑鮪魚[5]。
氣候
[編輯]本區氣候特色為：
- 受海洋調節，冬暖夏涼，熱季有8個月，涼季有4個月。
- 雨量多，每年平均降雨200日以上[6]。冬雨型明顯，每年雨量達到3000厘米以上。
- 雲量多，日照率低。
- 冬季盛行東北季風，夏秋之際多颱風[6]，夏季多西南風，強風日數多
植物
[編輯]受地質、地形同氣候因素影響，本區植物可依特色分為海岸植物同火山植物。
- 海岸植物：本區海岸植物都順住風勢，形成唔對稱單向生長，因為沿海東北季風強風吹拂，加上土層薄鹽分高，造成特殊嘅海岸景觀。
- 火山植物：因地熱及硫磺噴孔造成熱霧環境，重有持續噴氣形成強酸同埋鈣缺乏，再加上東北季風豐沛雨量同埋強大風力影響。
動物
[編輯]本區西南部分劃入陽明山國家公園範圍，主要嘅動物有：
人口
[編輯]| 歷史人口 | ||
|---|---|---|
| 年份 | 人口 | ±% |
| 1981 | 19,564 | — |
| 1986 | 19,156 | −2.1% |
| 1991 | 18,751 | −2.1% |
| 1996 | 20,128 | +7.3% |
| 2001 | 21,611 | +7.4% |
| 2006 | 22,191 | +2.7% |
| 2011 | 22,447 | +1.2% |
| 2016 | 22,207 | −1.1% |
| 來源：內政部統計月報-各鄉鎮市區人口數[8] | ||
| 金山區歷年人口變化（1981年－2020年）[9] | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
統計表
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
文化
[編輯]史前遺址
[編輯]- 中角遺址
- 位於萬壽里，屬十三行文化，有方格軟陶、印紋陶、煉鐵遺跡。十三行文化起始年代至少係1800年前，而且延續年代有1500年深度。
- 海尾遺址
- 位於萬壽里、清泉里，屬於舊社系統，貝塚長期暴露所以已遭到嚴重破壞。
- 龜子山遺址
- 位於五湖里至萬里區大鵬里，屬舊社系統，有繩紋陶片、彩陶片。
傳統文化
[編輯]- 蹦火仔
蹦火仔係金山古老嘅捕魚法，利用燃燒火把同埋喺點燃嘅時候製造嘅聲響，用聲音加上利用魚類趨光性嘅特點去撈捕躍出海面嘅青鱗魚。[10]地點主要係喺磺港港口，1927年嘅《台北州漁村調查報告書》已經有記載，而家係新北市政府向聯合國文教組織申請為世界文化遺產項目之一[11]。
特色
[編輯]金山溫泉
[編輯]金山溫泉位於金山區同埋隔籬嘅萬里區下萬里（大鵬村－萬里加投社區）境內，濱臨東海，屬於大屯火山群嘅火成岩溫泉。包括中性碳酸泉、酸性硫磺泉、鹼性硫磺泉、白磺多種泉質，部分濱海嘅泉水含有鹽份，泉水溫度喺攝氏45至50度之間，出水口溫度達到攝氏90度。1896年（明治29年）10月，金包里郵電局長紫藤靜首先喺水尾港附近發現溫泉，隔年喺磺溪出海口附近亦都發現溫泉。
1903年（明治36年）8月28號，金包里設置咗臺北衛戍病院附屬轉地療養所。1902年（明治45年），臺北廳花費1980幾圓修築浴場。1939年（昭和14年），建築基隆郡金山庄金包里溫泉州營浴場。
| 所在地 | 種類 | 溫度 | 酸鹼性 | 地層 |
| 焿子坪 | 硫磺泉 | 57 | 酸性 | 火山岩 |
| 頂中股三重橋 | 硫磺泉 | 高熱 | 酸性 | 火山岩 |
| 頂中股磺溪內 | 硫磺泉 | 溫 | 酸性 | 火山岩 |
| 下中股磺港 | 鐵泉 | 60-80 | 酸性 | 第三系 |
| 下中股金包里溫泉 | 單純泉 | 37 | 弱鹼性 | 第三系 |
金山八景
[編輯]- 八煙望洋
- 竹峰吐霧
- 磺港漁火（磺仔火捕魚）
- 燭臺雙嶼（燭台雙峙）
- 水尾泛月
- 跳石銀瀾
- 磺嘴吼煙
- 龜島曉日
交通
[編輯]
教育
[編輯]高級中學
[編輯]國民小學
[編輯]佛學院
[編輯]公共設施
[編輯]- 新北市立圖書館金山分館
- 警政：新北市政府警察局喺金山區設有金山分局，並下轄中角、金山、重光等三個派出所，同獨立設置金山交通分隊。
- 消防：新北市政府消防局喺金山設有金山分隊，隸屬於管理市內東北區域各區嘅第六大隊之下。
- 醫療：臺大醫院金山分院
企業
[編輯]旅遊
[編輯]- 法鼓山世界佛教育教園區[9]
- 中國青年救國團救國團金山青年活動中心
- 竹子山（屬空軍軍事管制區，禁止一般遊客進入）
- 金山海濱公園
- 金山慈護宮
- 金山武英殿
- 金山老街（金包里老街）
- 跳石海岸
- 陽明山國家公園
- 燭臺雙嶼
- 朱銘美術館
- 中角灣：北海岸幾受歡迎嘅衝浪活動場地
- 筠園（鄧麗君紀念公園）：喺金寶山墓園內
- 魚路古道
- 楓林瀑布
- 嵩山觀景
- 舊金山總督溫泉
- 阿里磅瀑布
-
燭臺雙嶼遠景 -
位於金山老街底嘅金包里公共浴室 -
金山三界壇分校大正四年御大禮記念樹碑 -
金山古厝芑豐居
名產
[編輯]- 地瓜
- 全國最大杜鵑花產地
- 芋頭地瓜（芋仔蕃薯）
- 芋頭
- 筊白筍
- 金山老街廟口 - 鴨肉
區域立法委員
[編輯]註
[編輯]參考
[編輯]- ↑ 李世榮、吳立萍 (2003)。《臺灣的老鄉鎮》。新店市：遠足文化事業股份有限公司。頁 22-25。ISBN 957-28031-4-X。
- ↑ 蘇蜂鈞 (2015)。〈黑潮的前世今生與未來〉。《科學發展》 (pdf) (臺灣中文)。507: 6–7。原著喺2021-07-16歸檔。喺2017-07-16搵到。
- ↑
Glattstein, Judy (1996). Enhance Your Garden with Japanese Plants (英文). Kodansha International. p. 16. ISBN 978-1-56836-137-6.
[...] currents whirl around and ascend, and nourish microscopic plankton. Oyashio is thus the parent of fishes.
- ↑ 陳憲明。〈黑潮與臺灣東部海域漁場〉 (PDF) (pdf) (臺灣中文)。頁 11。喺2017-07-16搵到。
- ↑ 江峰 (2007-10-02)。〈吃什麼魚？〉。《幸福學分班》 (臺灣中文)。喺2017-07-16搵到。
- ↑ 6.0 6.1 李素芳編 (2001)。《台灣的海洋》 (臺灣中文)。新店市：遠足文化。頁 46。ISBN 957-28031-4-X。
- ↑ 洪振發 (2007)。〈家鼩（錢鼠、臭鼩、香鼠）〉。《國家教育研究院》 (臺灣中文)。脊椎動物百科全書。原著喺2021-07-16歸檔。喺2017-07-16搵到。
- ↑ 〈內政部統計月報-各鄉鎮市區人口數〉。中華民國內政部。原著喺2021年6月23號歸檔。喺2021年7月15號搵到。
- ↑ 〈各鄉鎮市區人口數〉 (臺灣中文)。內政部統計月報。2020-02-10。原著 (XLS)喺2020-05-01歸檔。喺2021-07-15搵到。
- ↑ 蔡昇達 (2014-10-19)。〈蹦火仔 世界唯一的磺火漁法，在金山海岸〉。《微笑臺灣 smiletaiwan》 (臺灣中文)。喺2017-07-15搵到。
- ↑ 〈金山磺火捕魚蹦火仔〉。《文化部文化資產局》 (臺灣中文)。新北市政府文化局。2011-11-06。喺2017-07-15搵到。