馬亞木
| 馬亞木 | |
|---|---|
| 出生日 | 1931年  |
| 出生地 | 潮安 |
| 死亡日 | 2024年3月17號 |
| 死亡地 | 香港浸信會醫院 |
| 國籍 | 香港 |
| 職業 | 生意人 |
[改維基數據] | |
馬亞木博士（1931年—2024年3月17號），原名馬木林[1]，花名「小巴大王」，經營香港最大規模嘅專線小巴經營商冠榮車行。
佢喺中國廣東省潮州市出世，17歲去香港搵食，喺紅磡大環山木屋區居住後改建為七層徙置樓住。1952年創立「廣發隆米行」同衫舖，工作交由大仔馬僑生打理。1960年代，通脹好高，馬亞木每次先用高息標頭會，囤積存貨，善價而沽。1967年香港暴動，糧食短缺，賺到第一桶金。六七暴動後，港府籌報並為免大量喺九巴罷工期間停駛，造成以輕工業為支柱嘅香港經濟損失，將普通客車轉為黑白階磚仔客車繼續以載客為主營業，實行牌車分離，有牌嘅至可以換車，作為管制，手持嗰類牌照嘅，可自由轉讓，當時牌價約五千至八千港元，司機人工一二百港元，政府限制小巴發牌行動，造就馬亞木一帆風順嘅開始。
1970年代同友人合資創立冠榮車行。1977年，專線小巴法例立法前，馬亞木已經儲咗廿幾個牌，銀行業改革，以兩成首期供款十年重有餘額，於是加快轉業專注小巴業務。
1979年，投得黃大仙往慈雲山37號專線服務，加上該區陸續興建入伙，大量乘客更助長一代流氓富豪嘅誕生，至今壟斷全港專線小巴嘅絕大部分利潤。
2015年，馬氏從領展（港交所：00823）買入兩個商場，被譽為全港數一數二嘅「舖王」同埋合資江蘇省嘅鎮江百貨城，每位投資者各出一億港元。
2024年，瑪亞木於浸會醫院逝世，享年96歲
親屬
[編輯]- 姪：馬振達，喺六七暴動中吃過甜頭，得以取得公共小型巴士十四座牌照，馬亞木一問個姪架車嘅狀況，決心積極轉型投資公共運輸。
- 仔：馬僑生、馬僑武、馬僑文，都係冠榮車行嘅股東，逐步接掌家族事業。
作風
[編輯]馬亞木作風極為低調，鮮有喺公開場合露面，行蹤亦非常保密。佢啲仔衣着樸素，更以普通車款代步，可謂香港典型嘅隱形富豪家族。
個人榮譽
[編輯]攷
[編輯]- ↑ 1.0 1.1 〈馬亞木 MA Ah-muk 2017 榮譽院士〉 (繁體中文)。香港演藝學院。原著喺2020年3月28號歸檔。喺2020年3月11號搵到。
 |