Dakar

Dakar is die hoofstad van Senegal, die tuiste van die Senegal Nasionale Vergadering en Senegal Presidensiële Paleis.

Dakar
Kaart	Wapen



	Distrikte


Land	Senegal
Région	Dakar
Département	Dakar
Koördinate	14°40′N 17°25′W / 14.667°N 17.417°W / 14.667; -17.417
Stigting	1444
Stadstatus	1444
Oppervlakte:
- Totaal	550 vk km
Hoogte bo seevlak	27 m
Bevolking:
- Totaal (2011)	3 215 255
- Bevolkingsdigtheid	5 846/vk km
Tydsone	UTC +0
Klimaat
- Tipe	Tropies
- Gemiddelde jaarlikse temperatuur	27 °C
- Gem. temp. Januarie/Julie	21,5 / 27,5 °C
- Gemiddelde jaarlikse neerslae	250 mm
Burgemeester	Khalifa Sall
Amptelike Webwerf	www.villededakar.org

Geskiedenis

Die stad Dakar is gevorm rondom 'n Franse fort. Dit is in 1857 gestig nadat inwoners van die nabygeleë Goréeeiland daarheen getrek het. Dit ontwikkel as 'n hawe en om 'n spoorlyn na Sint-Louis wat in 1885 ingebruik geneem is maar nou slegs vir spesiale uitstappies gebruik word. Die stad, geleë op die Cap-Vert skiereiland, word later 'n vlootbasis, en vervang Sint-Louis as die hoofstad van Senegal.

Die Fort D'Estrees op Gorée-eiland, waar slawe aangehou, opgefeil, en in skepe ingepak is, is in die 20ste eeu deur die Senegalese regering restoureer en in 'n museum verander. Frans-Wes- Afrika se hoofkwartier was hier toe dit in 1862 gestig is.

Administrasie

'n Ry huisvestings aan die uitgang van die stad Dakar

Die stad Dakar is 'n kommune (soms ook in Frans bekend as commune de ville), een van die 67 kommunes van Senegal. Die Dakarkommune is deur die Franse koloniale administrasie geskep op 17 Junie 1887 deur dit van die Goréekommune af te skei. Goréekommune wat in 1872 geskep is, was self een van die oudste westerse-styl munisipaliteite in Afrika (saam met die munisipaliteite van Algerië en Suid-Afrika).

Die Dakarkommune bestaan kontinu sedert 1887 nadat dit deur die nuwe staat Senegal na onafhanklikheid in 1960 behou is. Die grense daarvan het egter oor die jare heelwat verander. Die grens van die Dakarkommune het sedert 1983 onveranderd gebly. Die Dakarkommune word regeer deur 'n demokraties verkose munisipale raad (conseil municipal), wat vir vyf jaar dien, en 'n burgemeester verkies deur die munisipale raad. Daar was sedert 1887 20 burgemeesters in Dakar. Die eerste swart burgemeester was Blaise Diagne, burgemeester van Dakar van 1924 tot 1934. Die burgemeester wat die langste gedien het was Mamadou Diop, burgemeester vir 18 jaar tussen 1984 en 2002.

Uitsig oor die baai van Dakar

Die Dakarkommune is ook 'n département, een van die 34 départements van Senegal. Die omstandighede is amper dieselfde as die in Parys in Frankryk wat beide 'n kommune en 'n département is. Anders as die départements in Frankryk, het départements in Senegal geen politiese mag nie (geen Conceil Général), en is bloot plaaslike administratiewe strukture van die sentrale staat, verantwoordelik vir die uitvoer van sommige administratiewe dienste sowel as die beheer van die aktiwiteite van die communes binne die département.

Die département van Dakar word verdeel in vier arrondissements: Almadies, Grand Dakar, Parcelles Assanies (wat letterlik "drained lots" beteken; dit is een van die digstebevolkste arrondissement van Dakar), en Plateau/Gorée (Dakarmiddestad). Die arrondissements is taamlik anders as die arrondissements van Parys wat bloot plaaslike administratiewe strukture van die sentrale staat is, soos die Senegalese départements, en is dus meer vergelykbaar met die Franse departmentele arrondissements.

In 1996 is 'n reuse hervorming van die administratiewe en politieke afdeliongs van Senegal deur die Parlement ingestem. Die Dakarkommune, waarvan die bevolking nader kruip aan 1 miljoen inwoners, is geoordeel te groot en te digbevolk om ordentlike deur 'n sentrale munisipaliteit bestuur te kan word, en daarom word Dakar op 30 Augustus 1996 in 19 communes d'arrondissement verdeel.

Hierdie communes d'arrondissement is uitvoerige magte verleen en is baie soortgelyk aan gewone kommunes. Hulle het meer magte as die arrondissements van Parys, en is nader aan die Londense boroughs. Die kommune of Dakar is behou bo die 19 communes d'arrondissement, en dit koördineer die aktiviteite van die communes d'arrondissement, in baie opsigte soos Greater London die aktiviteite van die London boroughs koördineer.

The 19 communes d'arrondissement belong to any of the four arrondissements of Dakar, and the sous-préfet of each arrondissement is in charge of controlling the activities of the communes d'arrondissement in his arrondissement.

N'gor – 'n noordelike woonbuurt van Dakar, naby die Yoff Lughawe.

Die commune d'arrondissement Dakar-Plateau (34 626 inwoners), in die arrondissement Plateau/Gorée, is die historiese hart van die stad en meeste ministeries en openbare administrasies is daar geleë. Die digste en hoogs bevolkte commune d'arrondissement is Médina (136 697 inwoners), in die arrondissement Plateau/Gorée. Die commune d'arrondissement Yoff (55 995 inwoners), in die arrondissement Almadies, is die grootste een, terwyl die kleinste een die commune d'arrondissement Île de Gorée (1 034 inwoners), in die arrondissement Plateau/Gorée is.

Die département Dakar is een van die vier départements van die Dakar région, wat een van die 11 régions van Senegal is. Die Dakar région bestaan uit die stad Dakar en al sy woonbuurte op die Cap-Vertskiereiland. Die oppervlak daarvan is dus ongeveer dieselfde as die oppervlak van die metropolitaanse gebied van Dakar. Sedert die administratiewe hervormings van 1996, is die régions van Senegal, wat tot op daardie stadium bloot plaaslike administratiewe strukture van die sentrale staat was, in volwaardige politieke eenhede, met demokraties verkose streeksrade (conseil region), en region presidente omskep. Hulle is uitgebreide magte gegee en bestuur ekonomiese ontwikkeling, vervoer, of omgewingbeskermingsake op die streeksvlak en koördineer dus die aksies van die kommunes onder hulle.

Na die politieke oorgang in 2000 toe Abdoulaye Wade, leier van die opposisie (Senegalese Demokratiese Party, of PDS), President Abdou Diouf (Sosialiste Party van Senegal) verslaan het, is plaaslike verkiesings in 2002 gehou. Twee leiers van die PDS, Pape Diop en Abdoulaye Faye, het gemik om burgemeester van Dakar te word. Op die ou einde is 'n kompromis bereik: Pape Diop sou vir die munisipale verkiesing in Dakar staan, terwyl Abdoulaye Faye vir die régionverkiesing van Dakar sou staan. Die plaaslike verkiesings in Senegal is op 12 Mei 2002 gehou, en lei daartoe dat die PDS die Sosialiste grootliks verslaan. Pape Diop is as burgemeester van Dakar verkies en verslaan daarmee die Sosialiste burgemeester Mamadou Diop, terwyl Abdoulaye Faye tot president van die streeksraad (regional council) van Dakar région, en verslaan daarmee die Sosialiste wat tot op daardie stadium die région beheer het.

Besienswaardigehede

Terugkeer van vissers by Soumbedioun

'n Car rapide in Dakar

Toeriste aantreklikhede in Dakar sluit in belangrike markte, Dakar Grand Mosque (in 1964 opgerig), Gorée Eiland, die IFAN Museum van Wes-Afrika-kultuur, uitstappies langs die kranse en strande, en Hann Park, tuiste van die Senegal Dieretuin.

Vervoer

Die stad dien as 'n hawe en is die tuiste van die Léopold Sédar Senghor Internasionale Lughawe. Dit is ook die eindpunt van die Dakar-Niger spoorlyn.

Allerlei

Dakar was voorheen die eindpunt van die Dakar-tydren en Dakar is 'n lid van die Organisasie van Wêrelderfenisstede. Cheikh Anta Diop Universiteit, ook bekend as die Universiteit van Dakar, is in 1957 gestig.
Dakar se susterstad in die VSA is Ann Arbor, Michigan.
In Julie 1987 word die Dakar-Beraad tussen die verbande ANC en 'n groep Afrikaners onder leiding van Thabo Mbeki en Frederik van Zyl Slabbert hier gehou.

Susterstede

Eksterne skakels

www.villededakar.org – Dakar se amptelike webwerf] (fr)