Imperiu Español

	estáu desapaecíu
Himnu nacional	Marcha Real;
Alministración
Nome oficial	Imperio español (es)
Capital	City of Madrid (dende 1606); Ciudad de Toledo (es) ; Ciudad de Valladolid (es)
Forma de gobiernu	monarquía polisinodial (es) (de 1516 a 1705); xunión personal (de 1492 a 1516); Monarquía absoluta (dende 1705)
Llingües oficiales	castellanu
Relixón oficial	Ilesia católica llatina y catolicismu
Rellaciones diplomátiques	ver Reinu de Mosquitia ; ;
Xeografía
Coordenaes	40°N 0°E / 40°N 0°E
Superficie	20000000 km²
Demografía
Población	60 000 000 hab. (1790)
Densidá	3 hab/km²
Economía
Moneda	Real español, peseta y real de a 8 (es)

Denómase Imperiu Español al conxuntu de territorios conquistaos, heriedaos y reclamados por España o poles dinastíes reinantes n'España; magar qu'en dalgunos d'ellos tales como les grandes praderíes d'América del Norte o la parte más austral d'América del Sur, la presencia estable española foi munches vegaes más teórica que real. Algamó casi los 14 millones de quilómetros cuadraos no cabero del sieglu XVIII. Nos sieglos XVI y XVII, pue definise como una prollongación del territoriu. Ye nel sieglu XIX, cuando alquier cadarma puramente colonial.

L'imperiu español foi'l primer imperiu global, darréu que per primer vegada, un imperiu caltenía posesiones en tolos continentes, los que, a desemeyanza de lo qu'asocedía nel Imperiu romanu o nel Carolinxu, nun se comunicaben per tierra los unos colos otros.

Consideraciones xenerales

Nos sieglos XVI y XVII, España aportó a ser la primera potencia mundial, en competencia direuta primeramente con Portugal y, postreramente, con Francia, Inglaterra y l'Imperiu Otomanu. Castiella, xunto con Portugal taba na avanzada de la esploración europea y de l'apertura de rutes de comerciu al traviés de los mares (nel Atlánticu ente España y les Indies, y nel Pacíficu ente Asia Oriental y Méxicu, vía Filipines).

Los conquistadores españoles descubrieron y dominaron enantaos territorios pertenecientes a diferentes cultures n'América y otros territorios d'Asia, África y Oceanía. España, especialmente el reinu de Castiella, enantóse, colonizando esos territorios y construyendo con ello el mayor imperiu económicu del mundu d'entós. Ente la incorporación del Imperiu Portugués en 1580 (perdíu en 1640) y la pérdiga de les colonies americanes nel sieglu XIX, foi ún de los imperios más grandes por territoriu, pese a sofrir bancarrotes y derrotes militares a partir de la segunda metada del sieglu XVII.

La política matrimonial de los reis permitió la so xunión cola Corona d'Aragón primero, y con Borgoña y, temporalmente, Austria dempués. Con esta política foron adquiríos numberosos territorios n'Europa, au se convirtió nuna de les principales potencies.

España dominaba los océanos gracies a la so avezada Armada, los sos soldaos yeren los meyor entrenaos y la so infantería la más temía. L'Imperiu Español tuvo la so Edá d'Oru ente'l sieglu XVI y la primera metada del sieglu XVII, tanto militar como culturalmente.

Esti vastu y esbillau imperiu tuvo de contino en griesca con potencies rivales pola mor territorial, comercial o relixosa. Nel Mediterraneu col Imperiu Otomanu; n'Europa, con Francia, que-y disputaba la primacía; n'América, nún entamu con Portugal y llueu con Inglaterra, y una vegada que los holandeses algamaron la so independencia, tamién escontra éstos n'otros mares.

Les lluchas continuaes con potencies que surdíen n'Europa, davezu simultáneamente, durante llargos periodos y sofitaes tantu en diferencies polítiques como relixoses, cola perda adulces de territorios, abegosemente defendibles pola so dispersión, aidaron al sele decayer del poder español. Ente 1648 y 1659, les paces de Westfalia y los Pirineos ratificaren l'aséu d'España como potencia hexemónica. Esti decayer tuvo la so cume, no que cinca al dominiu sobro territorios , cola Paz d'Utrecht (1713), roblada por un monarca que procedía d'una de les potencies rivales, Felipe V: España renunciaba a los sos territorios n'Italia y nos Países Baxos, perdía la hexemonía n'Europa, renunciaba a siguir dominando na política europea.

Sicasí, España caltuvo y enantó dafechu el so territoriu d'ultramar, acosáu pol espansionismu británicu, francés, y holandés, calteniéndose como una potencia económica más importantes, hasta que delles revoluciones sucesives, quitáron-y los sos territorios nel continente americanu a entamos del sieglu XIX.

España caltuvo dalgunes fraiciones del so imperiu n'América, principalmente Cuba y Puertu Ricu, como tamién Filipines y dalgunes islles n'Oceanía como Guam, Paláu o les Carolines y les Marianes. La Guerra ente España y Estaos Xuníos de 1898 supunxo la perda de cásique toos estos caberos territorios. Les úniques posesiones que se salvaren foren les pequeñes islles d'Oceanía (sacantes Guam), que foren a la fin vendíes a Alemaña en 1899.

El impautu moral de'esta derrota foi duru, y tentóse de compensalu criando, con escasu aceñu, un segundu imperiu colonial n'África, centráu en Marruecos, El Sáḥara Occidental y Guinea Ecuatorial, que perduró hasta la descolonización de les décades de 1960-1970 al abandonar la cabera colonia, El Sáḥara, en 1975.

Referencies

Enllaces esternos

Los imperios coloniales colonialismu \| Imperialismu \| Descolonización
Imperiu colonial alemán \| Imperiu colonial belxicanu \| Imperiu Británicu Imperiu colonial danés \| Imperiu Español \| Imperiu d'Estaos Xuníos \| Imperiu colonial francés Imperiu colonial italianu \| Imperiu de Xapón \| Imperiu holandés \| Imperiu otomanu Imperiu Portugués \| Imperiu Rusu \| Imperiu colonial suecu