Mehrimah Sultan (II Mahmudun qızı)

Mehrimah Sultan
مهرماہ سلطان
Şəxsi məlumatlar
Doğum tarixi	29 iyun 1812
Doğum yeri	İstanbul, Osmanlı imperiyası
Vəfat tarixi	31 avqust 1838 (26 yaşında)
Vəfat yeri	İstanbul, Osmanlı imperiyası
Dəfn yeri	Nəqşidil Sultan türbəsi
Fəaliyyəti	əsilzadə
Atası	II Mahmud
Anası	Hoşyar Sultan
Həyat yoldaşı	Səid Mehmed Paşa
Uşağı	Sultanzadə Abdullah bəy
Ailəsi	Osmanlı xanədanı

Mehrimah Sultan (29 iyun 1812, İstanbul – 31 avqust 1838, İstanbul) — 30. Osmanlı sultanı II Mahmudun altıncı qızı.

Həyatı

Mehrimah Sultan 10 iyun 1812-ci ildə dünyaya gəldi. Atası Osmanlı sultanı II Mahmud, anası isə Hoşyar Sultandır. Dünyaya gəlişi eyni ildə anadan olan bacısı Şah Sultan və Şahzadə Bəyazid ilə birlikdə imperiyanın hər tərəfinə elan edilmişdir. 6 aprel 1836-cı ildə mühüm dövlət adamlarından Səid Mehmed Paşa (ö. 1869) ilə nikahlanmışdır. Şeyxülislam Məkkəyizadə Mustafa Əfəndinin kəsdiyi nikah əsnasında sultanın vəkili olaraq dövrün Darüssəadə ağası Abdullah ağa və hərəm ağalarından Osman ağa iştirak etmişdir. Cütlüyün toy mərasimi isə 28 aprel 1836-cı ildə Dolmabağça sarayında baş tutmuş və 9 gün davam etmişdir. Toy mərasiminin ardından qardaşları Şahzadə Əbdülməcid və Şahzadə Əbdüləziz Səadabad qəsrində sünnət edilmişdir.

Ancaq çox keçmədən 31 avqust 1838-ci ildə doğum əsnasında vəfat etmişdir. Cənazəsi Nəqşidil Sultan türbəsinə dəfn edilmişdir. Dünyaya gələn oğlan uşağı da çox yaşamamışdır.

Mənbə

• Necdet Sakaoğlu, Bu Mülkün Kadın Sultanları, 4. baskı, s. 505-506
• Mehmet Işık, Siyaset ve Şenlik: 1836 Sur-i Hümayun, İstanbul 2014