Тэхналёгія

Тэхналёгія – у шырокім значэньні, гэта выкарыстоўваньне ведаў, прыладаў і майстэрства для кантролю, прыстасаваньня і пераўтварэньня навакольнага асяродзьдзя. Слова «тэхналёгія» мае паходжаньне ад грэцкага слова «technologia», «τεχνολογία» — «techne», «τέχνη» («майстэрства») і «logia», «λογία» («гаварыць»). Гэты тэрмін ужываецца як у агульным значэньні, так і ў канкрэтных галінах жыцьця, напрыклад «будаўнічыя тэхналёгіі», «мэдыцынскія тэхналёгіі», «перадавыя тэхналёгіі».

Чалавек пачаў разьвіваць тэхналёгіі з пераўтварэньня прыродных матэрыялаў і простыя прылады. У старажытнасьці, адкрыцьцё мажлівасьці кантролю агню, дазволіла павялічыць крыніцы ежы, а вынаходніцтва кола, дапамагло людзям у вандроўках і разьвіцьці кантролю за навакольным асяродзьдзем. Сучасныя тэхналягічныя вынаходніцтвы, напрыклад друкавальны прэс, тэлефон і Інтэрнэт, зьнімаюць фізычныя барьеры для зносінаў і дазволіла людзям узаемадзейнічаць на глябальным узроўні. Аднак, часта тэхналёгіі выкарыстоўваюцца не толькі ў мірных мэтах але і для вынаходніцтва новых відаў зброі.