Антанова (Навасёлкаўскі сельсавет)
Вёска
Антанова
| ||||||||||||||||||||||||||
Антано́ва[2], часта Антонава[3] (трансліт.: Antanova, руск.: Антоново) — вёска ў Пухавіцкім раёне Мінскай вобласці. Уваходзіць у склад Навасёлкаўскага сельсавета.
Геаграфія
[правіць | правіць зыходнік]![](http://upload.wikimedia.org/wikipedia/commons/thumb/d/df/Geographical_center_of_Belarus_in_winter.jpg/220px-Geographical_center_of_Belarus_in_winter.jpg)
Размешчана за 10 км на паўночны захад ад Мар’інай Горкі, 51 км ад Мінска, на поўдзень ад чыгуначнай лініі Мінск — Пухавічы непадалёк прыпыначнага пункта Вяндзеж.
Пункт на зямной паверхні з геаграфічнымі каардынатамі 53º31´,7 пн.ш., 29º02´,8 у.д., што месціцца за 1 км на паўднёвы ўсход ад вёскі, у полі, вызначаны як геаграфічны цэнтр Беларусі. На мясцовасці ён абазначаны стандартным геадэзічным трыянгулятарам, які ёсць пірамідай з трох металічных прэнтаў, пад ім пастаўлена пліта з надпісам «Геаграфічны цэнтр Рэспублікі Беларусь».
Назва
[правіць | правіць зыходнік]Назва паходзіць ад уласнага імя Антон, або вытворнага ад яго прозвішча ці імя па бацьку.
Гісторыя
[правіць | правіць зыходнік]Ранняя гісторыя
[правіць | правіць зыходнік]У XVIII стагоддзі вёска ў Ігуменскім павеце Мінскай губерні, прыватная ўласнасць.
У 1889 годзе маёнтак уласнасць праваслаўнага двараніна Міхаіла Іванавіча Мурвіцкага (Муравіцкага[4]), было 86 дзесяцін зямлі[5]. У 1897 годзе маёнтак Антонава Пухавіцкай воласці Ігуменскага павета, у каталіцкай парафіі Блонь.
Найноўшы час
[правіць | правіць зыходнік]![](http://upload.wikimedia.org/wikipedia/commons/thumb/6/6d/%D0%90%D0%BD%D1%82%D0%B0%D0%BD%D0%BE%D0%B2%D0%B0_%28%D0%9D%D0%B0%D0%B2%D0%B0%D1%81%D1%91%D0%BB%D0%BA%D0%B0%D1%9E%D1%81%D0%BA%D1%96_%D1%81%D0%B5%D0%BB%D1%8C%D1%81%D0%B0%D0%B2%D0%B5%D1%82%29_1.jpg/220px-%D0%90%D0%BD%D1%82%D0%B0%D0%BD%D0%BE%D0%B2%D0%B0_%28%D0%9D%D0%B0%D0%B2%D0%B0%D1%81%D1%91%D0%BB%D0%BA%D0%B0%D1%9E%D1%81%D0%BA%D1%96_%D1%81%D0%B5%D0%BB%D1%8C%D1%81%D0%B0%D0%B2%D0%B5%D1%82%29_1.jpg)
З канца лютага 1918 года тэрыторыя акупаваная войскамі Германскай імперыі. 25 сакавіка 1918 года згодна з Трэцяй Устаўной граматай воласць абвешчана часткай Беларускай Народнай Рэспублікі. У снежні 1918 года занята Чырвонай Арміяй, з 1 студзеня 1919 года ў адпаведнасці з пастановай І з’езда КП(б) Беларусі яна ўвайшла ў склад Савецкай Беларусі, з 27 лютага 1919 года — у ЛітБел ССР. У час польска-савецкай вайны ў жніўні 1919 — ліпені 1920 гадоў пад акупацыяй Польшчы (Мінская акруга ГУУЗ).
З 31 ліпеня 1920 года ў Беларускай ССР. У пачатку 1930-х гадоў праведзена прымусовая калектывізацыя, створаны калгас «Чырвоны правадыр», была кузня. Пазней населены пункт быў падзелены на пасёлак Чырвоная Рунь, калгас «Авангард», пасёлак Падантонава.
У Другую сусветную вайну з канца чэрвеня 1941 года да пачатку ліпеня 1944 года пад акупацыяй Германіі.
31 мая 1996 года пасля правядзення экспедыцыі «Белгеадэзіі» і фірмы «Аэрогеокарт» каля вёскі Антонава быў усталяваны геадэзічны знак з абазначэннем геаграфічнага цэнтра Беларусі. З 2008 года ў гэтай мясцовасці праводзіцца марафонскі прабег «Геаграфічны цэнтр Беларусі».
Насельніцтва
[правіць | правіць зыходнік]- 1897 год — 21 жыхар
- 1917 год — 72 жыхары
- 1960 год — 187 жыхароў
- 1999 год — 65 жыхароў
- 2002 год — 32 двары, 60 жыхароў
- 2010 год — 48 жыхароў
- 2012 год — 41 жыхар
- 2019 год — 27 жыхароў[6]
Славутасці
[правіць | правіць зыходнік]Крыніцы
[правіць | правіць зыходнік]- ↑ Верстовка Беларуси - центральная часть
- ↑ Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
- ↑ Гарады і вёскі Беларусі: Энцыклапедыя. Т. 8: Мінская вобласць, кн. 4 / рэдкал.: Т. У. Бялова (дырэктар) і інш. — Мн.: Беларуская Энцыклапедыя імя Петруся Броўкі, 2013. — 528 с.: іл. — 2 000 экз. — ISBN 978-985-11-0735-9.
- ↑ SgKP 1900, с. 12.
- ↑ Памяць 2003, с. 91.
- ↑ Belarus . pop-stat.mashke.org. Праверана 26 красавіка 2024.
Літаратура
[правіць | правіць зыходнік]- Антонава // Гарады і вёскі Беларусі: Энцыклапедыя. Т. 8: Мінская вобласць, кн. 4 / рэдкал.: Т. У. Бялова (дырэктар) і інш. — Мн.: Беларуская Энцыклапедыя імя Петруся Броўкі, 2013. — С. 112. — 2 000 экз. — ISBN 978-985-11-0735-9.
- Памяць: Пухавіцкі раён: Гісторыка-дакументальныя хронікі гарадоў і раёнаў Беларусі / Укл. А. А. Прановіч; Рэдкал.: А. М. Карлюкевіч і інш.. — Мінск: Беларусь, 2003. — 749 с. — ISBN 985-01-0251-9.
- Jelski A. Antonowo // Słownik geograficzny Królestwa Polskiego i innych krajów słowiańskich. Tom XV, cz. 1: Abablewo — Januszowo (польск.). — Warszawa, 1900. — S. 42.
Спасылкі
[правіць | правіць зыходнік]На Вікісховішчы ёсць медыяфайлы па тэме Антанова (Навасёлкаўскі сельсавет)