Арыстарх (Станкевіч)

Архіепіскап Арыстарх
Архіепіскап Арыстарх
Архіепіскап Гомельскі і Жлобінскі ; да 25 лютага 2000 года — епіскап, ; да 11 чэрвеня 1992 года — Гомельскі і Мазырскі
	29 ліпеня 1990 — 23 красавіка 2012
Царква	Руская праваслаўная царква ; Беларускі экзархат
Папярэднік	Рыгор (Барышкевіч)
Пераемнік	Сцяфан (Нешчарэт)
Адукацыя	Маскоўская духоўная акадэмія; Адэская духоўная семінарыя;
Навуковая ступень	кандыдат багаслоўя[d]
Дзейнасць	святар
Імя пры нараджэнні	Андрэй Еўдакімавіч Станкевіч
Нараджэнне	9 ліпеня 1941; Асавецкая Буда, Асавецкі сельсавет, Петрыкаўскі раён, Палеская вобласць, БССР, СССР;
Смерць	23 красавіка 2012 (70 гадоў); Асавецкая Буда, Асавецкі сельсавет, Мазырскі раён, Гомельская вобласць, Беларусь;
Пахаванне	Гомельскі Мікольскі мужчынскі манастыр
Прыняцце свяшчэннага сану	5 верасня 1977
Прыняцце манаства	11 чэрвеня 1970
Епіскапская хіратонія	29 ліпеня 1990
Узнагароды	Ганаровы грамадзянін горада Гомеля[d] (2011) Прэмія «За духоўнае адраджэнне»

Арыстарх, свецкае імя Андрэй Еўдакімавіч Станкевіч (9 ліпеня 1941, в. Асавецкая Буда Петрыкаўскага раёна Гомельскай вобласці — 22 красавіка 2012) — архіепіскап Гомельскі і Жлобінскі.

Біяграфія

Нарадзіўся ў сялянскай сям'і. Пасля службы ў арміі (1960—1963) працаваў у аўтобусным парку г. Мінска. У 1969 годзе скончыў Адэскую духоўную семінарыю, у 1973 годзе — Маскоўскую духоўную акадэмію. У чэрвені 1970 г. пастрыжаны ў манаства ў Троіца-Сергіевай лаўры і пасвечаны ў сан іерадыякана, прызначаны памочнікам даглядчыка патрыяршых пакояў Патрыярха Пімена 5 верасня 1977 г. пасвечаны ў сан іераманаха. У 1978 г. узведзены ў сан архімандрыта і прызначаны рызнічым Троіца-Сергіевай лаўры.

Пастановай Свяцейшага Патрыярха Маскоўскага і ўсяе Русі Алексія II і Святога Сіноду ад 20 ліпеня 1990 года прызначаны епіскапам Гомельскім і Мазырскім. У 1992 г. у сувязі са стварэннем Тураўскай і Мазырскай епархіі атрымаў тытул «епіскап Гомельскі і Жлобінскі». У лютым 2000 г. узведзены ў сан архіепіскапа.

Працамі архіепіскапа Арыстарха былі здабыты мошчы і адбылося царкоўнае ўслаўленне св. прав. Іаана Кармянскага.

З 27 ліпеня 2009 года - член Міжсаборнай прысутнасці Рускай Праваслаўнай Царквы.

Зноскі

Спасылкі

Арыстарх // Православная энциклопедия. — М.: Церковно-научный центр «Православная энциклопедия», 2001. — Т. III. — С. 232. — 752 с. — 40 000 экз. — ISBN 5-89572-008-0.