Віктар Іванавіч Талкачоў

Віктар Іванавіч Талкачоў
Нараджэнне	13 мая 1949(1949-05-13) (75 гадоў) Шышчыцы, Гацукоўскі сельсавет, Грэскі раён, Бабруйская вобласць, БССР, СССР
Адукацыя	Акадэмія кіравання пры Прэзідэнце Рэспублікі Беларусь БелДУТ
Месца працы	Мінскі вагонарамонтны завод Мінскі дзяржаўны прафесійна-тэхнічны каледж чыгуначнага транспарту імя Я. П. Юшкевіча
Узнагароды	ганаровая грамата Нацыянальнага сходу Рэспублікі Беларусь Ганаровая грамата Савета Міністраў Рэспублікі Беларусь

Віктар Іванавіч Талкачоў (нар. 13 мая 1949, в. Шышчыцы Слуцкага раёна Мінскай вобласці) — беларускі чыгуначнік. Заслужаны работнік прамысловасці Рэспублікі Беларусь. Член Нацыянальнага сходу Рэспублікі Беларусь 4-га склікання.

Біяграфія

Скончыў Беларускі інстытут інжынераў чыгуначнага транспарту (інжынер шляхоў зносін), Акадэмію кіравання пры Прэзідэнце Рэспублікі Беларусь (менеджар-эканаміст).

Працоўную дзейнасць пачаў слесарам Мінскага вагоннага дэпо Беларускай чыгункі. Пасля службы ў радах Узброеных Сіл быў майстрам вытворчага навучання гарадскога прафесійна-тэхнічнага вучылішча № 34 чыгуначнага транспарту горада Мінска. Працаваў майстрам інструментальнага ўчастка, начальнікам кавальна-механічнага цэха, намеснікам дырэктара па камерцыйных пытаннях, дырэктарам вытворчага ўнітарнага прадпрыемства «Мінскі вагонарамонтны завод імя А. Ф. Мяснікова».

Выбіраўся дэпутатам Палаты Прадстаўнікоў Нацыянальнага сходу Рэспублікі Беларусь 4-га склікання.

Узнагароды

Узнагароджаны ордэнам Айчыны ІІІ ступені, Ганаровай граматай Нацыянальнага сходу Рэспублікі Беларусь, Ганаровай граматай Савета Міністраў Рэспублікі Беларусь, знакамі «Ганароваму чыгуначніку», «Ганаровы транспартнік».