Aŭtoritato
Aŭtoritato estas spirita povo, influo, bazita sur respekto al la scioj, intelekto, saĝo, kompetento de koncerna persono aŭ institucio. Tiusence ĝi estas socia pozicio, kvalito de rilato al aliaj personoj. Tiukaze oni libervole rekonas, respektas la aŭtoritulon.
Alisence, aŭtoritato signifas potencon de regnestro, de leĝoj. Tiukaze la estimo, agnosko de la aŭtoritato estas trudata.
Plej ofte oni konsideras, klasigas kaj konceptigas la diversajn politikajn formojn tiel kiel estas ties aŭtoritatoj, nome monarkio, demokratio, diktatoroj, urbestroj, delegitoj ktp.
