Casti-Wergenstein

Casti-Wergenstein
	Blazono de Casti-Wergenstein
	La vilaĝo Casti
former municipality of Switzerland • komunumoparto en Germanio
Kantono	Grizono
Distrikto	Malantaŭa Rejno
Komunumaro	Schams
Koordinatoj	46° 37′ 30″ N 9° 25′ 12″ O / 46.62500 °N, 9.42000 °O (mapo)Koordinatoj: 46° 37′ 30″ N 9° 25′ 12″ O / 46.62500 °N, 9.42000 °O (mapo)
Nombro de loĝantoj	58
Areo	25,62 km²
Alteco	1489 m super marnivelo
Poŝtkodo	7433
Komunumkodo	3703
	Mapo de Casti-Wergenstein
	v • d • r

Casti-Wergenstein estas komunumo de la komunumaro Schams kaj la distrikto Malantaŭa Rejno en Kantono Grizono, Svislando. Ĝi havis 58 loĝantojn je la 31-a de decembro 2009.

Geografio

La komunumo konsistas el la du vilaĝoj Casti sur alteco de 1125 m s.m. kaj Wergenstein sur alteco de 1489 m s.m. sur la deklivo de la Monto de Schams.

Najbaraj komunumoj

La komunumo Casti-Wergenstein limas en nordo al Mathon, en oriento al Donat, en sudoriento al Andeer, en sudo al Sufers, kaj en okcidento al Safien.

Trafiko

Casti-Wergenstein situas flanke de la gravaj trafikvojoj. La komunumo atingeblas per mallarĝa kurba vojo de Donat al Mathon. La komunumo estas konektita al la publika transportreto per poŝtaŭtolinio al Andeer.

Lingvoj

La plimulto de la loĝantaro de Casti-Wergenstein parolas la romanĉan lingvon. La nombro de la romanĉlingva loĝantaro tamen dum la lastaj jaroj forte malkreskis. En la jaro 1980 ankoraŭ 80,56% parolis la romanĉan kaj nur 19,44% la germanan lingvon. Ĝis la jaro 2000 la nombro de la germanlingvanoj kreskis al 42,86%, dum nur ankoraŭ 55,36% estis romanĉlingvanoj.

Historio

La hodiaŭa komunumo estiĝis en la jaro 1923 per kunigo de la ĝis tiam aŭtonomaj komunumoj Casti kaj Wergenstein.

La unua dokumenta mencio de Casti datiĝas el la jaro 1204 kiel ad Castellum. ^[1] La unua dokumenta mencio de Wergenstein datiĝas el la jaro 1219 kiel Vergasteno.^[2]