Hernando de Soto (esploristo)
| Hernando de Soto | |
|---|---|
| |
| Persona informo | |
| Naskiĝo | 30-an de novembro 1499 en Jerez de los Caballeros,  Reĝlando de Kastilio
|
| Morto | 21-an de majo 1542 (42-jaraĝa) en Guachoya |
| Lingvoj | hispana |
| Ŝtataneco | Reĝlando de Kastilio 
|
| Familio | |
| Edz(in)o | Inés de Bobadilla (en) 
|
| Okupo | |
| Okupo | konkistadoro militisto esploristo
|
Hernando DE SOTO (n. en 1496 aŭ 1497 - m. la 21-an de majo 1542) estis hispana esploristo kaj konkistadoro. Li gvidis la unuan eŭropan ekspedicion al la teritorio de hodiaŭa Usono, kaj estis cetere la unua eŭropano, kiu malkovris la riveron Misisipon.
La ekspedicioj de Soto kovris vastegan teritorion, ĉefe tra Florido kaj tra sudorienta Usono kaj inkluzive de mallonga vizito de Ĉinio. Li mortis en 1542 ĉe la bordoj de la Misisipo, sur la teritorio de la hodiaŭa urbeto Lake Village (Arkansaso).
Kiel multaj el la esploristoj kaj hispanaj konkeristoj de la 16-a jarcento, li devenis el la regiono Ekstremaduro, kie pro necerta priserĉo pri lia naskiĝloko, almenaŭ du preskaŭ najbaraj vilaĝoj polemikis dum la tuta 20-a jarcento kaj eble jam de antaŭe pro tio, ke ambaŭ defendas, ke la esploristo naskiĝis en tiu vilaĝo, nome ĉu Barcarrota ĉu Jerez de los Caballeros en la sudo de la provinco de Badajoz; en ambaŭ vilaĝoj ekzistas respektiva skulptaĵo de la esploristo, tie nomata konkeristo.