Duklando Saksio-Koburgo kaj Gotao

Duklando Saksio-Koburgo kaj Gotao
Origina nomo:
Herzogtum Sachsen-Coburg und Gotha
↓ 1826 – 1918 ↓
Ernestaj duklandoj • ŝtato • historia lando
Geografio Situo de Saksio-Koburgo kaj Gotao en la Germana Regno
Ĉefurbo:	Koburgo, Gotao
Areo:	1 977 km² (562 + 1 415 km² Koburgo + Gotao)
Loĝantaro
Kvanto de loĝantoj:	257 177 (74 818 + 182 359 Koburgo + Gotao)
Nacia konsisto:	germanoj
Lingvoj:	germana
Religio:	luteranismo
Ŝtat-strukturo
Ŝtat-strukturo:	persona unio de du duklandoj
Patrina lando:	ĝis 1806 Sankta Romia Imperio; ekde 1871 Germana Regno
Estiĝo:	1826 Rearanĝo de ernestaj duklandoj
Pereo:	1918 Novembra Revolucio
Antaŭaj ŝtatoj: Saksio-Gotao-Altenburgo Saksio-Koburgo-Saalfeld Postsekvaj ŝtatoj: Liber-ŝtato Koburgo Bavario Liber-ŝtato Saksio-Gotao Turingio Elstaraj historiaj eventoj Diplomatiaj rilatoj Germana Federacio

Duklando Saksio-Koburgo kaj Gotao, germane Herzogtum Sachsen-Coburg und Gotha [ZAKSn KOburk unt GOta], estis duobla duklando germana en persona unio. Ĝi konsistis el la duklandoj Koburgo (Coburg) kaj Gotao (Gotha). Ĝi ekzistis inter 1826 kaj 1918.

Historio

Vidu la artikolon: Ernestaj duklandoj

La duklando estiĝis laŭ decido de la saksa reĝo Frederiko Aŭgusto la 2-a en 1826, kiam li principe nove organizis la ernestajn duklandojn. Post la formorto de la linio Saksio-Gotao-Altenburgo la duko de Saksio-Hildburghausen ŝanĝis sian duklandon kun Saksio-Altenburg. La linio Saksio-Meiningen ricevis Saksion-Hildburghausen kaj de Saksio-Koburgo-Saalfeld la parton Saalfeld kaj la oficon Themar kaj la lokojn Mupperg, Mogger, Liebau kaj Oerlsdorf. La duklando Saksio-Koburgo-Saalfeld ricevis anstataŭe la duklandon Saksio-Gotao, de Saksio-Hildburghausen la oficojn Königsberg en Bavario kaj Sonnefeld kaj de Saksio-Meiningen la posedaĵojn Callenberg kaj Gauerstadt.

Al la duklando Koburgo apartenis krome ekde 1816 la princlando Lichtenberg kun la urboj Baumholder (en la nuna federacia lando Rejnlando-Palatinato) kaj St. Wendel (en la nuna federacia lando Sarlando, 320 kilometrojn okcidente de Coburg, 350 kilometrojn sudokcidente de Gotha) apud la rivero Nahe, sed en 1834 la duko vendis ĝin al Prusio.

la duklando (mezhelverde) en la Germana Imperiestra Regno de 1871 ĝis 1918

Ekde 1871 ĝis 1918 la duklando apartenis al Germana Imperiestra Regno, sed konservis siajn limojn kaj sian lokan administradon. Kiam la germana monarkio finiĝis post la Unua mondmilito, la duobla duklando en 1918 disfalis al la "liberaj ŝtatoj" (= respublikoj) de Koburgo kaj Gotao. Post plebiscitoj Koburgo aliĝis al Bavario kaj Gotao al Turingio.

Gravuloj

• Alberto de Saksio-Koburgo kaj Gotao
• Alfredo (Saksio-Koburgo kaj Gotao)
• Ernesto la 1-a (Saksio-Koburgo kaj Gotao)
• Ernesto la 2-a (Saksio-Koburgo kaj Gotao)
• Karlo Eduardo (Saksio-Koburgo kaj Gotao)

Vidu ankaŭ

• Saksio-Koburgo kaj Gotao (dinastio)
• Carl-Eduard-turo (Elgersburg)

Literaturo

• Ulrich Hess, Geschichte Thüringens 1866 bis 1914, Verlag Hermann Böhlaus Nachfolger, Weimar 1991, ISBN 3-7400-0077-5.
• Augenzeugenberichte: Das Herzoglich Sachsen-Coburg-Gothaische Infanterieregiment 1866, Band 11 - Schlacht bei Langensalza 1866, Verlag Rockstuhl, Bad Langensalza, 2002, ISBN 3-936030-10-3.

• 
  Duklando Saksio-Koburgo kaj Gotao (verde), aliaj turingiaj ŝtatoj (grize)
• 
  Duklando Saksio-Gotao
• 
  Duklando Saksio-Koburgo
• 
  Blazono de Saksio-Koburgo kaj Gotao

Eksteraj ligiloj

• http://www.deutsche-schutzgebiete.de/herzogtum_sachsen-coburg-gotha.htm Duklando Saksio-Koburgo kaj Gotao (1826 - 1918)
• http://memory.loc.gov/ll/llcc/005/0400/04240422.gif
• http://www.newadvent.org/cathen/13494a.htm La Katolika Enciklopedio: Saksio-Koburgo kaj Gotao
• http://www.deutsche-schutzgebiete.de/webpages/Thueringische_Staaten_EA_1914++.jpg Arkivigite je 2012-12-09 per Archive.today Turingiaj ŝtatoj en 1914
• Hejmpaĝo de la dinastia fondaĵo